Monday, April 12, 2010

قيصريـــــــه!


سألها طبيب التخدير...ها عايزه تنامى نصفى ولا كلى...!
ترد وبمنتهي الحزم...كلى يا دكتور!
ليه يا مدام...ده النصفى للقيصريه احسن واسهل وهتشوفى النونو اول لما يتولد...!
تردد مره اخرى فى حزم..كلي يا دكتور..!!
خلاص براحتك...
كانت تريد ان تنفصل عن جو غرفه العمليات...عن الطبيب..عن الجمييع..عن نفسها...!!
وتشعِـر كل خليه فيها...بمعنى الهدوء...والسكون...والانفصال التام عن العالم!!!!
تدخل الى غرفه العمليات...يبدأ الطبيب فى تخديرها...
تتهاوى الكلمات على مسامعها....
عايز فنتانيل...
عقمووو يالاااا..
.فين دكتور الاطفال...
ثم اخذت الاصوات تتلاشي...
وبدأ السكون...
تشعر به. .نعم!
تشعر بان كل خليه فيها ساكنه... حياتها كلها ساكنه!!!
تماما مثلما تضغط على زر
pause
!! تتأتى الصور فى خيالها...صور متحركه....
صوره امها وهى تبكي لارتفاع حرارتها وهي بنت السابعه...!
صورة والدها وهو يرفعها لتطير فى الهواء...وما ان تقترب من ان تهوي..حتي يمسك بها مجددا..!!
صورة صديقتها وهى تحكي لها عن صديقهم وكيف اكتشفت خدعته..!!
صورتها مع زوجها ..وهو يضم يديها قبل دخولها العمليات!!!
تتوالى الصور بسرعه رهيبه...!!
صور...لم تكن ابدا فى ذاكرتها من قبل...!!!!!
فلم تكن لها صديقه خُدعت من قبل..!!
ولم ترى والدها من قبل...طلق امها...وطلقها معها..!!!
ولم ترى امها تبكي ابدا من قبل...!!
ولم يكن زوجها حاضرا...لانه لا يعترف بها...ولا بطفلها..."ابن تلك الورقه العرفيه"..!!!
****** تسمع صوت طبيب التخدير..."مدام" فتحي عنيكي...حمد الله ع السلامه...
مدام ...فتحي عنيك..خدي نفسك....
تشعر بيديه وهو يحاول ان يجعلها تستعيد وعيها...
تدرك انهم قد قرروا ان يضغطوا على زر.
play
.. لتبدأ اللعبه من جديد...لعبه الحياه
...!
تفتح عينيها...ترى ايديهم ممتده لها بابنها...تقبله... ..!
تعود لبيتها...وتمارس حياتها ..تذهب
لعملها...تنظف المنزل...تذاكر لطفلها......!!
تمضى فى حياتها...وزر التشغيل ذو اللون الاخضر..مستمر...!!!
ولكنها بين الحين والاخر...تسترجع لحظات سكونها اثناء العمليه....
فتغمض عينيها ..وتأخذ نفس عميق...
وتأبى ان تخرجه...فى محاوله منها للعوده لوضع السكووون.!!

17 comments:

Safa Harak said...
This comment has been removed by the author.
Anonymous said...

:))))))))))))

تحياتي على بوست جميل

يا مراكبي said...

كلنا بييجي علينا وقت فعلا بنبقى عايزين نشيل الفيشة ونفصل شحن عن دماغنا وأحاسيسنا .. نتمتع بلحظات من اللا تفكير واللا وعي والسكون
بيحصل كده أحيانا لما بننام
بس برضه ما بقيناس ننام بعمق وراحة بال
ياريت يكون فيه زرار يخلينا نقدر نعمل كده فعلا

الملاك الضائع said...

كلماتك جميلة
وللاسف انو واقع كل زوجة بتعيشو
تسلم ايدك

مع تحيات منتديات النواصرة

http://www.nawasreh.com/vb

أبو حسام الدين said...

تحية خالصة، هذه أول زيارة لي وأتمنى أن يدوم التواصل بعدها.
في الحقيقة أعجبتني هذه اللوحة الجميلة التي صبغتيها بألوان متناسقة ... عرض نفسي للشخصية وتذاخل رائع بين الواقع وما يتخيله العقل لحظة السكون.
على العموم أحييك. ودمت بخير.
مدونتي ترحب بك في أي وقت، والسلام.

ياسر سليم said...

الكتابة جميلة ..

لكن تعليقي على القصة نفسها

الإنسان أحياناً لما بيلاقي انه أخطأ في حق نفسه ..

بيبقي أدامه حل من الإتنين .. إما انه يظل فى طريق الخطأ بل ويتعمق فيه .. وإما أن يهديه الله وينتشل نفسه من هذا الطريق

تحياتي

جنتلمان said...

السكون...
نبحث عنه
.
.
و لاننا بشر
فاننا نمل منه
.
.
فتدور العجله
من جديد.

وصف عبقري يا دكتورة

Rambo osos said...

حقيقي جميل جدا

الواحد بين حين واخر بيحتاج يعمل توقف ويراجع ويعمل ريفرش وبعد كده يكمل المشوار

(ست* جنى* الحسن) said...

سلامو عليكو..
اسلوب السرد رائع وبسيظ ومعبر ايضا خاصة انى مريت بنفس اللحظات.
لك تحياتى

mrmr said...

تحياتى اليك اولا : لان دى المره الاولى اللى بزور مدونتك
وثانيا: اهنيكى فى سرد لحظات التى تعيشها المرأه وهى فى قمه الامها اصرارها فى انفصالها عن العالم دى حاجه بيحتاجها كتير من جنس البشر لازم ياتى اليه الوقت للتوقف مع النفس لكى يحاسب نفسه ويسترجع افكاره ويلملم ما قد تبعثر من اوراق حياته
ثالثا: مدونتك فى غايه الجمال والترتيب
تسلمى وتسلم خواطرك
واتمنى التواصل

محمود المصرى said...

انت مدَون عبقرى ذات تعبير خاص ارجوا نكون اصحاب تعالى زورنى ومتنساش التعليق
اخوك
محمود الصرى

ماجد القاضي said...

السلام عليكم أختي الكريمة

بصدق البوست جميل جدا.. أسلوبك سلس ومعبر بأقل الكلمات.. لديك موهبة كتابة قصصية تستحق منك الاهتمام والتطوير.

أعجبتني جدا جزئية الذكريات التي لم تكن في الحقيقة ذكريات.. بل الحباة البديلة التي تمنت أن تعيشها..

وكذلك فكرة الـ bause والـ play..!

هذه زيارتي الأولى للمدونة، وإن شاء الله لن تكون الأخيرة..

تحياتي
_____________

ملحوظة صغيرة على جنب: الطبيب اللي هيولدها هو طبيب النساء والولادة وليس طبيب الأطفال :)

تخاريف خاصه! said...

اشكر كم جميعا على التعليقات الرقيقه...
وزيارتكم العزيزه..

:)))))

أ ماجد القاضى..

اشكرك على الزياره...
اكيد طبعا اللى هيولدها طبيب نساء وتوليد..ولكن فى اى ولاده طبيعيه او قيصريه لابد من وجود طبيب اطفال..ليستقبل الوليد..والتعامل مع اى مشكله قد تصيبه اثناء او بعد الولاده...

:)

صائد النجوم said...

راااااااااااااااااائع


سلمت أناملك

إبتسام مختار said...

كلنا محتاجين
Pause
زيها

..

كل سنة و حضرتك طيبه
رمضان كريم :)

Wise said...

جميل البوست
ويا سلاااااااام لو خدمة
puase
متاحة
اااااااه لو شركات المحمول تدخلها الخدمة

هيكون الاقبال بالمليارات
شكرا على البوست

همس الورود said...

كثير حلو البوست
مدونتك رائعة
دمتي متالقة :)