Saturday, August 18, 2007

حضرة المتهمه انا

انا لما جيت من الغييب

العدل كان كيفي

والحق كان مطمعى

والحب كان سيفى


بس للاسف....كيفي اتغير...



وسيفي ماسكاه بالمقلوب
...!!

تفتكروا فعلا زى مابيقولوا ان سهل ان حد يقتنع بالمبادئ



عن انه يطبقها على ارض الواقع؟؟




مش عارفه ليه حساه سؤال غبى..
!!!!!!!

18 comments:

Anonymous said...

في رايي

مادام انا مؤمنة بمبدأ معين ومقتنعه بيه..ومادام المبدأ ده لا يتنافى مع الدين والخلق الحميد..يبقى لازم استمسك بيه وانفذه في تعاملاتي وحياتي كلها

صحيح ده ممكن يكون صعب احيانا...لكن لو عملت عكس كده هبقى منافقة

Eric Matt said...


وانت كمان يا دكتورة

لا تقولي كدا

حتى لو كنت كالهواء في محاربة الطواحين

يللا خدي بالك من نفسك

وفاكرك يا ناسيني

تحياتي لك من كايرو البلد

الخيط الرفيع said...

انا شفتك عند ارتعاشات
قلت أجي واسلم
أولا دا مش سؤال غبي
عيبن عليكي جدا
دا بيني وبينك كلام كبير و وواقع
عن تجربتين في المبادئ
سهل جدا الاقتناع
لكن الايمان اللي هتضحي بسببه علي أرض الواقع حاجة تانيه
في فرق بين ما أقتنع بكلام
وأني افدي ما اقنعت بيه ان استحال تنفيذه علي ارض الواقع

وبالنسبه للعذاب في الطب
ولقد خلقنا الانسان في كبد
والله في الطب والهندسة والمطبخ والمغسله
المهم بيقي في ثمرة يهون بسببها التعب شدي حيلك وخلي بالك منك
حسه اننا هنضربها صحوبيه
تحياتي

الخيط الرفيع said...

اه عملتي ايه في امتحان الجراحة؟؟؟؟؟؟؟؟؟؟؟

Shimaa said...

على فكره السؤال مش غبى ولا حاجه


بس فيه حاجات صح بس التقايد بتقول انها غلط فبالتالى مش بنعملها علشان التقاليد اللى اتربينا عليها بتقول كده والعكس بردوا

زى مثلا .. لو واحده جوزها مات التقاليد بتقول انها تفضل على ذكراه وتحت طوع أهل جوزها

مع إن المفروض لو عاوزه تتجوز تانى تتجوز بس لو عملت كده بتكون تحت محل نقد والقيل والقال



انا عن نفسى لو إقتنعت بالشئ بأعملوا
ولكنى إكتشفت ان فيه مبادئ معينه انا مقتنعه بيها لكن بلاقى إن فيه حاجات بتعوق تطبيقها

زى ما قالت الخيط الرفيع فيه فرق بين انى اقتنع بالشئ او انى أؤمن بيه

Noony said...

يا عيني على السؤالات اللي في المتين
لا يا حبي
سهل جداً انك تطبقي مبادئ انتي مقتنعة بيها ومتمسكة بيها...لأن ساعتها مش هيبقى همك لا الواقع ولا الخيال حتى
لأنها مبادئ انتي=حياتك انتي
وطبعاً مبدأ هنا يعني مبادئ حميدة ليست بالخبيثة...لا تنافي الدين ولا الشرع ولا العرف ولا العقل
أنا عندي مبادئ لا يمكن أتنازل عنها أبداً وعايشة بيها الحمد لله..ومبسوطة جداً...واللي يجادلني فيها بيجادل لأن بس مبادئه مختلفة مع مبادئي...يعني لازم يكون عندك مبادئ في الحياة

لخبتطك ولا لسة يا دوك؟
اية أخبار الامتحانات؟ يا رب تكوني خلصتي على الخير
:)
نوني

Doba said...

ليس من السهل تطبيق المبادىء فى المجتمع ولكن ده شىء فى منتهى الصعوبة وكل مالشخص يحاول يطلع مبدأ وخاصة لو على حق هتلاقى كتير بيشدوه لتحت وبيكسرو مقاديفه لكن بجد شاطر شاطر اللى يقدر يتعامل ويتعايش من خلال مبادئه بدون تحريف

تحياتى - ثم ده سؤال صعب قوى
هوبا

أحمد سلامــة said...

الاقتاناع اكيد اسهل
طبعا اسهل


والتطبيق اكيد صعب
عالاقل
المباديء اللي الانسان مش متعود يطبقها


اعتقدي كده يعني

Doba said...

يا أهالى البلوجات الكرام
طم ططم طم طم

أسمعوا وأعوووووووووووو
لقد قمنا بنشر الفصل الجديد - للقصة المجنونة والجوهرة المدفونة - كشف المستور - وعلى الحاضر أنه يعلم الغايب بحضور المدونة لقراءة القصة وكتابة التعليق - وعلى كل زاير انه ميدخلشى الا برجله اليمين ويجيبلى حاجة حلوة قوى فى ايديه

يا اهالى البلوجات الكرام
مستنياكم كلكم

تعالوووو زوروووووونا
باى باى
دوبه

Ert3ashat said...

لا غبي و لا حاجه
كلنا بنساله لنفسنا و الله

Tamer Nabil Moussa said...

الشىء اللى انا مؤمن بية ومقتنع بية استمسك بية بعيد عن اتفاق الناس معى ام لا

بس الواحد لازم يحكم عقلة لان فية حاجات بتغير وليست ثابتة فى جميع الاوقات

تحياتى

Eric Matt said...


انت فين يا دكتورة؟

تحياتي لك من ماناساس البلد

قطوف said...

عموما لو كانت المبادئ دينيه يبقى اكيد هتكون عامه يعنى الناس كلها هتطبقها يعنى مفيش صعوبه اما لو كانت المبادئ دى مش اسلاميه هيكون تطبقها صعبزى الافكار والمبادئ الشيوعيه


على فكره انا مش متدين بس نفسى لان بعانى من الحفاظ على المبادئ


مستنى زيارتك
ممكن اضيف مدونتك

An Author said...

ما فكرتش فى الموضوع ده قبل كدة ، بس انتى نبهتينى لنقطة مهمة جدا
انا كنت فاكرة ان مجرد الاقتناع بالمبدأ حاجة كويسة جداااااااا و خير و بركة
بس المصيبة دلوقتى ان الواحد مننا مقتنع بمليون مبدأ كويس و مش بينفذ اى حاجة من اللى هو مقتنع بيها
طيب فرقت ايه بقى ؟

Islamist Bloke said...

هي الحياة كدة

فعلا احساس بحس بيه كتير



بس مش عارف لية


والسلام

عالمى ازرق said...

بصي الاقتناع النظرى بالمباديء شيء وتطبيقها شيء تانى
لان المبدأ ككلام بيكون سهل قوى
لكن فى التطبيق بيدخل معاه حاجات كتير مصالحنا واهوائنا الشخصيه وساعات - وده كتير بيحصل - يتعارض المبدأ مع حاجه احنا عايزينها قوى
واختارى انتى بقي؟
المبدأ علشان تطبقيه لازم يكونله تمن
ولو كان سهل قوى كده كانت بقيت كل الناس عندها مباديء
بس تعرفى كونى واثقه فى حاجه حتى لو تطبيق المبدأ آلمك وجه على حاجات انتى عايزاها فى وقتها ففكل الاحوال هتكونى اخترتى المعانات الاقل والطريق الاصوب
لكن احيانا احنا بنجمل لنفسنا الشيء اللى عايزينه وبنغلفه على شكل مبدأ
كل سنه وانتى طيبه

ياسر سليم said...

السلام عليكم ورحمة الله وبركاتة

كل عام وانت بخير

غفر الله لنا ولك فى رمضان

و ثبتنا على الخير بعد رمضان

تخاريف خاصه! said...

اولا اعتذر عن التاخير على الردود...
بس معلش اصلى انشغلت حبيتين..تلاته...
:)

دعواتكووو...
انا جايه اقولكوو كلكووو كل سنه وانتو طيبين...

ربنا يرزقكم بكرم رمضان..
:)