Friday, October 26, 2007

بيع العِشره!!







احيانا يشعر الانسان بان هناك رابط معين يربطه باناس بعينهم..

قد يكون ..صداقه..حب ..

.الفه..موده..

او حتى مجرد ارتياح...

قد تختلف صوره هذا الرابط
.ولكن يظل شئ يجمع ويميز كل تلك الروابط..

انه العِشره....
بكسر العين...
قد تتوه كل هذه الروابط والعلاقات ..
او تقتلع من جذورها....


ومع ذلك كنت اعتقد ان الِعشره..

وان كانت هى الشئ الوحيد الباقى...كافيه بان تبقى على تلك العلاقات
..وتحميها...

ربما يتخيل اليعض ان العِشره تعنى قضاء وقت طويل مع اشخاص

يشاركونك الكثير من يومياتك الحياتيه..
تتخيل انك تعرف عنهم كل شئ..اخلاقهم..طباعهم..ميولهم... اسرارهم

كل شئ...

فهم "عِشره"

ولكنك بعد كل هذا تصطدم بهم..

وتجدهم فجأه اشخاص غرباء عنك...

كلماتهم..لمساتهم..حتى نبره صوتهم..

كأنك لم تكن تعرفهم من قبل..!!!!

تحاول ان تقنع نفسك بان كل هذا...مجرد هواجس وخيالات..وانك تعرفهم جيدا..
فهم"عِِشره"

الى ان يأتى يوم..تقف فيه امامهم ذاهلا..

تراهم يبيعون تلك العشره..وبمنتهى السهوله...

ولا يجدون طوال تلك السنين اى شئ يجعلهم يشترونك..

ويشترون عِشرتك ولو بالقليل...

تستمع الى كلماتهم الجافه..ومبررارتهم الواهيه..

تجد ذلك السؤال يلح فى ذهنك..ويستفزك..

"من انتم...؟؟؟؟؟

تنظر فى عيونهم ..تحاول ان تجد اجابه لهذا السؤال ..

ولكنك تجدها عيون غريبه..مجهوله الهويه..!!!

تدور دوامه الافكار ..كيف..كيف لم اكتشفت كل هذا الكم من العناد والخداع..؟؟

تمر امامك الذكريات...

اول الكلمات...

اعلى الضحكات...

اعذب المشاعر...

واصدق الدمعات...

ادق التفاصيل...

فهم "عِشره"...
!!!
تتلفت حولك..تجد كل شئ قد انتهى...

وتم بيع العِشره وبارخص الاثمان..


تجلس ساكنا..باحثا عن "استيكه"للذاكره...

كى تمحى هؤلاء الاشخاص وذكراهم من ذاكرتك...

وبالفعل..

تبدأ فى المسح...

ولكن بعد فتره تشعر بان ذاكرتك قاربهت ان تفرغ ..

فتقرر ان تبقى ولو شئ بسيط من ذكراهم...

تنظر الى الجزء المتبقى...

تجده ذكرى

"بيع العِشره"..
فتفضل ان تمسحها وتصبح ذاكرتك خاويه..

على ان يكون "بيعك"هو ذكراهم الوحيده...
!!!!

9 comments:

Tamer Nabil said...

العشرة ماتهونشى الا على ولاد الحرام

مثل مشهور ومعروف

العشرة زمن بحالة

حي ومودة صدق وعطف

تضحية وعطاء

اخوة واهل جيرة وعشيرة

الانسان الذى لايرتبط بالعشرة ونهون علية

انسان لااصل عندة

ربنا يوفقك ويكرمك

تحياتى

رئيس جمهوريه نفسى said...

للاسف الشديد الايام دى مش بس العشره الى بتهون حجات كتير فى عالم مخنوق بالحسابات الماديه بتتخان العشره والحب وعلاقات الدم بقى العادى البيع مش الشراء
ربنا يهدينا جميعا ان شاء الله

بت خيخة وأى كلام said...

انا حاسة بيكى جدا لان اللى انتى وصفتيه ده اتعمل معايا بالضبط
صاحبتى وانتميتى اللى كنت عاملين زى روح واحدة فى جسدين
باعت العشرة ومن هبلى او تقدرى تقولى من خيختى كنت دايما انا صاينة العشرة وكانت هى كل ما تبيع اكتر اصون انا اكتر
لحد ما باعتها كلها وانا للاسف لسه عندى امل انها تيجى فى يوم وتشترى
والسلام ختام من بت خيخة وأى كلام

Shower-Mirror said...

بديهى جدا ان العشره تهون و ترخص و تمحى فى زمن هان فيه كل شئ حتى صلة الرحم


كلمتين جامدين يا شيمو



تحياتى

Doba said...

لما العشرة بتهون فبتبقى من الطرفين يعنى واحد ضعف قام التانى بقى ضعيف قصاده

اقصد مصبرشى عليه - مقربشى منه
العشرة تبادل ومشاركة

تحياتى
هبة

Ammar Jarrar said...

تحياتي
تفضلي لزيارة مدونتي الجديدة المنوعة
http://archimanager.blogspot.com
سياسة - ثقافة - عمارة وفنون - اجتماعيات - خواطر
عمار جرار - فلسطين

عايز اتكلم said...

أنا أول مره أكتبلك
بس أنا بكيت بجد من الموضوع ده إنتى قلبتى مواجع كتيره وذكريات كتيره كان نفسى أنساها بس مش قادر أو مش عايز.
إوعى تبيعى العشره وماتمسحيش الذكريات القديمه إلا بالحاجات الجديده الأجمل.
ربنا يوفقك.
آسر الشاملى أخو البت الخيخه نوران

تخاريف خاصه! said...

هو على فكره الموضوع ده مش انا اللى مريت بيه...
هى واحده بعيده عنى...هى الى مرت بيه..وانا تخيلت نفسي مكانها...
حسيت انها اتباعت اوى..وللاسف ببلاش..
برغم انها ..بجد غاليه اوى..وزى مابيقولوا تتاقل بالدهب..
بس ياالا قدر الله وما شاء فعل...

وربنا يكرمكو كلكم على تفاعلكم..
تحياتى للجميع...
:)

Noony said...

كلام واقعي وبيحصل على طول
ناس كتير قابلناهم في حياتنا وافتكرناهم هيصونوا العشرة لكن باعونا في أول محطة
ليه منبيعهمش هم كمان؟ المعاملة بالمثل
ومصلحتك أولاً وقبل كل شيء
أغلب الناس بتفكر كدة...ومانكرش إني ساعات كتير بفكر زيهم كدة برضه
شيء يحزن فعلاً
واللي يحزن أكتر لما أسمع حكاوي زمان من جدتي وازاي الناس كانت قريبة من بعض وبتخاف على بعض وأكتر من أهل وهم مجرد جيران أو معارف من بعيد
الفكرة...هل ممكن الناس ترجع زي زمان وتقدر العشرة ومتبيعهاش بسهولة كدة؟
الله أعلم...كل شيء جايز

حطيتي إيدك على الجرح يا شيمو
نوني