Wednesday, September 12, 2007

سبح اسم ربك الاعلى ...1

السلام عليكم...
ازيكم عاملين ايه....
معلش انا نزلت بوست امبارح..وهنزل بوست النهارده..
انا عارفه طبعا انه بلوجى وانا حره فيه..بلوجى اغسله واكويه...
:)
ان شااالله انزل بوست كل ساعه...
:)
لا بجد ...
ندخل بقى على طول...
فى اللى انا عايزة اتكلم فيه فى البوست ده وبوستز تانيه جايه يعنى ان شاء ربنا...
عايز اتكلم عن بديع خلق الله ..واياته سبحانه وتعالى فى خلق جسم الانسان ..
هى مش هتبقي معلومات طبيه جامده ..على قد ماهتبقى فعلا تأملات الهيه...
ممممممم
هو يمكن انا كنت عايزة اكتب فيه من فتره بس هو كان محتاج بس شويه وقت وتركيز ..
وحبه مزاكرة ع الماشي...
:)

وبما ان عنصر الوقت ده فاشل..واليوم زحمه اوى...
لكن التركيز والمزاكرة متوافريين الحمد لله...
فقررت انى ما اجلوش اكتر من كده...
:)
مممممممم
مبدأيا كده...وعشان نتفق هقولكو على كام قاعده كده...
فى الاول عشان نقدر نتخيل مع بعض..ونتأمل ..وتحسوا باللى انا عايزة اوصله لكم...

اول قاعده...ان ربنا سبحانه وتعالى ماخلقش حاجه كده..من غير فايده..لا ..كل حاجه وليها فايده..كون ان فايدتها مش معروفه ..ده لاننا احنا اللى مش عارفيين مش هى اللى مالهاش فايده.....

تانى قاعده ..سبحان الله...كل حاجه فى جسم الانسان ليها حاجه تانيه بتتحكم فيها هى اللى بتظبطها وبتخليها تقوم بوظيفتها على احسن حال...
وباعلى كفاءه..ومهما كان صغر العضو ده او ضأله وظيفته ..انه لازم لازم حاجه تعمل عليه
control
تلاقى مثلا ابسط حاجه ..
حركه العين...عشان تحرك عينك يمين وشمال..او فوق وتحت...
شوف انت بتحركها فى جزء..من جزء من الثانيه...

لكن سبحان الله عشان تتحرك بيحصل حاجات وحاجات...
بيحصل انقباض فى عضلات معينه صغيره ماسكه فى العين هى المسؤله عن حركتها ..
وكل عضله من دول مسؤله عن حركه العين فى اتجاه محدد..
وكل عضله محكومه بعصب حركى معين ..
والعصب ده كمان بتتحكم فيه فى المخ نواه عصبيه محدده مخصوصه ليه هو وبس...

شوفت...!!
كل ده بيحصل عشان حضرتك وحضرتى ..نحرك عينا بس يمين او شمال او فوق او تحت...
وشوف بقى بتحركها كام مره فى اليوم..وفى كل مره بيحصل ده كله...
!!
سبحان الله
تالت قاعده ودى بقى تخلى الواحد يقف قدمها كتير...
فعلا سبحان الله..كل شئ ربنا خلقه فى جسم الانسان ليه نظام معين ..
وقواعد واسس معينه...لكن سبحان الله تلاقى لكل قاعده ربنا عامله لها حاجه تشذ عن القاعده دى..
.عشان يوريك قدرته سبحانه فى انه يخلق كل شئ..
ده وده...وفى وسط ده كله يطلع ده...

نضرب مثل...
تلاقى مثلا كل الشرايين اللى فى الجسم بيمشي فيها دم متأكسد
عشان يوصل الاكسجين للخلايا اللى فى طرطوف طرطوف صباع حضرتك الصغير...
ماعدا شريان واحد ...اللى هو الشريان الرئوى..
بيمشي فيه دم مش متاكسد عشان يوصله للرئتين ..عشان هى اللى تاكسده ويرجع للقلب تانى عشان يضخه للجسم كله
!!!
ونفس الحكايه تلاقى كل الاورده بيمشي فيها دم غير مؤكسد..ماعدا الاورده الرئويه
..بيمشى فيه دم مؤكسد جاى من الرئه رايح للقلب عشان يتضخ للجسم كله....
!!!

مثال تانى...تلاقى مثلا كل عضلات الجسم ..
كلها طالعه اساسا من نوع معين من الخلاي االجنينيه..ماعدا عضله صغيره ..
اللى هى عضله حدقه العين..طالعه من نوع تانى خالص من الخلايا الجنينيه...
!!!
سبحان الله
كل ده عشان الواحد يشوف عظمه خلق الله..
ويقول فعلا من جواه وهو بيتحسس ملامحه ..
وهو بيتخيل اللى بيحصل جواه...وهو بيبلع اللقمه وهو بياخد النفس..وهو بيحرك صباع رجله....
يتأمل فى كل ده ويقول فعلا من جواه...وبكل جوارحه...
سبحان ربى الاعلى...

كفايه عليكوو كده النهارده..وان شاء الله هكمل فى بوستز جايه
بس كان فى كام ملحوظه صغيرين عايزة اقولها لكم...
اولا ..كل اللى مكتوب هنا ده معلومات حقيقيه..علميه طبيه..مش تخاريف يعنى..
:)
ثانيا :انا عارفه ان الموضوع ممكن مايعجبش ناس كتي
ر او يحسوه تقيل شويه او صعب او ممل..
بس كل اللى انا بتمناه وعايزاه ان يكون الهدف من الموضوع واصلكم ..
اننا نحس بجلال الله وعظمته فى كل شئ ونفكر..ونتأمل شويه فى ملكوته سبحانه....

ثالثا ..وهى برضه بتصب فى ثانيا..
ان يمكن انا اللى مش عارفه اصيغ الموضوع بالطريقه الى انا عايزاها وحباه..
ويمكن هو كان عايز رواقه اكتر من كده..
بس بصراحه هو فى دماغى من زمان وكان نفسى اكتبه اوى..لانى حباه اوى...
وانا حاولت على قد ماقدرت ومستنيه توجيهاتكم...

رابعا ودى اهم نقطه..نظرا طبعا لان رواد البلوجات ..:)
فى منهم كتير دكاتره..او بيدرسوا طب..او حتى الى مش دارسين طب وعندهم اى اضافه او اى معلومه او اى حاجه عايزين يقولوها...
ياريت مايبخلوش بيها علينا...يشاركونا الموضوع فى الكومنتس لحين ميسره...
:)


خامسا انا مش مستنيه ردودكم اللى انا بفرح اوى لما بشوفها فعلا..
مش مستنياها على قد ما بتمنى فعل
ا ان كل واحد يتأمل كده فى خلقه ..فى نفسه ولو خمس دقايق..عشر دقايق فى اليوم..
بتهيألى هتفرق معانا كلنا....

ومعلش طولت عليكووو
المرة الجايه ان شاء الله لو كان لينا عمر ..
هنحاول نتكلم عن الدوره الدمويه ونتخيلها مع بعض..
لانها دى لوحدها حكايه اساسا وايه من اياااات الله ...
اللى انا كل مادرسها فعلا بجد..استغرب اوى ان بعد كل ده
يكون لسه فى دكتور درس الكلام ده وبالتفاصيل الدقيقه العظيمه دى ومايكونش وحد ربنا...!!!

يارب تكون الرساله اللى انا عايزة اوصلها تكون وصلت لكل حد بيقرا الكلام ده...

وفى النهايه لا تنسونى من صالح دعائكم...

سلام
:)

سبحان الله!!!

6 comments:

Noony said...

كل سنة وانتي بالصحة والسلامة يا جميييييييلة
الفكرة أكثر من رااااااائعة
أنا عن نفسي عجباني جداً
ومستنية البوستز الجاية بفارغ الصبر إن شاء الله
ولو عرفت اعرف معلومة ممكن تفيد الكل اكيد مش هبخل بيها علينا كلنا

ربنا يكرمك
:)
وكل سنة وانتي طيبة مرة تانية
نوني

Tamer Nabil said...

كل سنة وانتى طيبة

رمضان كريم

لايوجد شىء صغر او كبر خلقة الله الا ولة فائدة قد فعلاا نجهل القيمة العائدة علينا احيانا لكن مجرد النظر بعين ثاقبة تنقل بنا الوضوع والنظرة بطريقة محتلفة


موضوع جميل

ربنا يوفقك

تحياتى

The Groom said...


عندي فكرة يا دكتورة

انا ممكن اساهم معاكي كل بوست في شوية ايات قرآنية وربطها بالحاجات دي على قدي وعلى قد البحث البسيط اللي اقدر اعمله

او اي مساهمة تانية انا جاهز فرصة كام اسبوع قبل الدراسة تاني

تحياتي لك من ماناساس البلد

واحدة مفروسة said...

بجد يا شيماء الموضوع حلو أوى
وحيبقى أحلى أكتر لو زودتى فكرة The Groom
كملى يا شيماء

فين البوست بتاع النهاردة
شيمااااااااااااااء
اخرجى من أوضة المذاكرة
الاهلى غلب 1/0

صاحب البوابــة said...

كل سنة وانتِ طيبة

تحياتي اختاة

تخاريف خاصه! said...

انا جيت يا شباب....:)
والبوست الجديد نازل اهووه...
اولا كل سنه وانتوو كلكوو طيبين ويارب يديم عليكوو الصحه والعافيه يارب...
ثانيا فكرة جروووم هايله جدا ..ربنا يكرمك يا جرووم كده الموضوهع هيبقى ليه معنى باضافه الايات الكريمه..

ومستنيه اضافتكوو واقترراحتكووو...
بجد هو يمكن طريقه كتابتى عن الموضوع مش ع المستوى المطلوب وااللى يناسب عظمه الموضوع اللى بنتكلم فيها..لكن بجد انا عايزة لموضوع ده يوصل لكل حد ...
بجد هيفرق فى ايمانياته وروحانياته ونظرته للدنيا عموما...

دعواتكوو