Wednesday, September 19, 2007

سبح اسم ربك الاعلى.......2



السلام عليكم ورحمه الله وبركاته ...
ازيكم ..اخباركوو ايه..؟؟عاملين ايه فى الصيام؟؟
ربنا يتمم الشهر الكريم على خير يارب..

احنا قولنا البوست اللى فات اننا هنتكلم عن الدورة الدمويه فى البوست ده...
هنبتدى فى الاول بس بكهرباا القلب....
نعم ...كهرباا القلب؟؟هو القلب فيه كهربااا...؟؟؟
اه طبعا كهربااا عصبيه... هنقول ددلوقت اهووه

طبعا كلنا عارفين ان القلب هو عضو اجوف يعتبرهو المضخه الرئيسيه للدم فى الجسم كله...
بيبتكون من اذينين (ايمن وايسر)وبطينين(ايمن وايسر) وبينهم حاجز عضلى برضه من نوع خاص.. زى مامووجود فى
الرسم
هتلاقوو شراايين واورده كده داخله وطالعه منه ..دى ه
نقولها بعدين فى الحصه الجايه..اقصد فى البوست ت الجاى ان شاء الله
:)

بينبض القلب حوالى من 60-80 نبضه فى الدقيقه..
خلينا بس نقول االاول ان القلب ده عباره عن عضله لا اراديه يعنى ليها قدره على الانقباض لوحدها..بس برضه محكومه بال


PACE MAKER
اللى هتلاقووه عامل زى الللمبه فى الصورة دى...

ودى نوع معين من الخلايا العضليه القلبيه برضه موجوده فى الاذين الايمين ليها القدره على توليد النبضات تلقائيا..بتمشى النبضه الكهربيه دى بسرعه معينه فى مسارات محدده بحيث انها توصل لكل خلايا القلب العضليه...
سبحان الله..!!
زى سلوك الكهربا كده....
لو حصل بقى اى خلل فى اتجاه النبضات دى او اضطراب فى سرعه انتقالها ..ياالله الدنيا كلها نبوظ خالص...
وتلاقيك تسمع عن واحد عنده رفره ع القلب او مركب منظم لضربات القلب..!!

اوك ..
كده النبضه الكهربيه وصلت للخلايا العضليه..طب وبعدين؟؟؟
المفروض بقى الخلايا دى تحولها من طاقه عصبيه كهربيه لطاقه ميكانيكيه فى صوره انقباض للخليه العضليه دى اللى فى الصوره



...عشان يقدر القلب يضخ الدم...
وهنا بقى يظهر بديع خلق الله..عشان المسأله دى تحصل ..تلاقى بوابات ايونيه بتتتفح وبوابات تانيه بتتقفل..




وبروتين ايه فى الخليه العضليه"اللى طولها بيتقاس بالنانوو ميتر "يركب فوق بروتين ماعرفش ايه التانى..
عشان الخليه تنقبض..واللى جنبها نفس الحكايه واللى جنبها..واللى جنبها...
كله ينقبض فى نفس الوقت بمجرد وصول الاشاره الكهربيه..فى سيمفونيه الهيه رااااائعه..
يااالله...
لا وكل ده من 60 الى 80 مره فى الدقيقه الواحده...
يعنى كام مره فى الساعه ..يعنى كام مره فى اليوم...
يعنى كام مرة فى عمرك كله؟؟؟
حاول تحسبها...وتشوف ياترى انت حمدت ربك نص العدد ده...؟؟
طب ربعه...؟؟



لا والمهم ايه....كل ده وحضرتك وحضرتى مش حاسسين ولا سامعين ضربات قلبنا بالمرة....!!!!!
يااالله ...ربك بينعم عليك ورؤوف بيك فى نفس الوقت...
انت عارف لو الواحد حس بنبضات قلبه ..هيفضل مركز معاها على طول وهيتجنن...
:D

كفايه عليكوو كده المره دى...

المرة الجايه بقى هنتكلم عن غرفات القلب وازاى الدم بيوصل لكل خليه فى الجسم...
وكده...

ولا تنسونى من صالح دعائكم...

دمتم سالمين
:)




10 comments:

Eric Matt said...


ما شاء الله يا دكتورة

جميل بجد

وسبحان الخلاق العظيم

تحياتي لك من ماناساس البلد

Eric Matt said...
This comment has been removed by the author.
Eric Matt said...



حاجة بسيطة كده كما وعدتك :))

القلب في القرآن - مصادر متعددة

الحديث عن القلب قد جاء باللفظ الصريح وايضا بالمعنى مثل الفؤاد كما جاء ذكره بما يدل على مكانه فى الجسم وهو الصدر وعدد سور القران الكريم كما نعلم مائة واربعة عشر سورة ذ كر القلب فى ستين منها اى اكثر من نصفها وتعددت صفاته من آية الى اخرى فمرة هو قلب سليم وقلب منيب ومرة هو قلب مريض منافق ومرة فيه الخوف من الله والخشية والتقوى ومرة فيه الرعب ومرة فيه الثبات ومرة فيه الزيغ ومرة ختم وطبع عليه او علاه الران اى الصدأ ومرة هو قلب عليه اكنة واغلفة اى أغطية وحجب فهو لايفقه شئيا مما حوله,ومرة هو قلب غليظ قاسى-و كماقال أهل المعاني: وصف الله تعالى قلوب الكفار بعشرة أوصاف:( بالختم والطبع والضيق والمرض والرَّين والموت والقساوة والانصراف)


ويوضح د. كارم غنيم أن القرآن خصص بعض القلوب وحددها ، نذكر منها على سبيل المثال : قلب رسول الله في قوله تعالى : "قل من كان عدوا لجبريل فانه نزل على قلبك بإذن الله مصدقا لما بين يديه وهدى وبشرى للمؤمنين" ، وقلب سيدنا إبراهيم عليه السلام : "وان من شيعته لإبراهيم ، إذ جاء ربه بقلب سليم" ، وكذلك قلوب الصحابة في قوله تعالى : "واعتصموا بحبل الله جميعا ولا تفرقوا ، واذكروا نعمت الله عليكم إذ كنتم أعداء فألف بين قلوبكم فأصبحتم بنعمته إخوانا" ، أما قلوب خواص المؤمنين : "الذين إذا ذكر الله وجلت قلوبهم ..." ، وقلوب أصحاب الكهف : "وربطنا على قلوبهم إذ قاموا فقالوا ربنا رب السماوات والأرض لن ندعو من دونه إلها لقد قلنا إذا شططا" ، وقلوب حواريي عيسى عليه السلام : " قالوا نريد أن نأكل منها وتطمئن قلوبنا ونعلم أن قد صدقتنا ونكون عليها من الشاهدين " ، أما قلب أم موسى : "وأصبح فؤاد أم موسى فارغا إن كادت لتبدى به لولا أن ربطنا على قلبها لتكون من المؤمنين " ، وهناك قلوب الكافرين : "ختم الله على قلوبهم وعلى سمعهم وعلى أبصارهم غشاوة ولهم عذاب عظيم " ، وقلوب الفجار : "كلا بل ران على قلوبهم ما كانوا يكسبون " .

كما بين د. غنيم أن القرآن الكريم قسم القلوب باعتبارها المعنوي لا الحسي 3 أنواع " القلب الحي ـ القلب الميت ـ القلب المريض ) وتجلى هذا التقسيم في قوله تعالى : "ليجعل ما يلقى الشيطان فتنة للذين في قلوبهم مرض والقاسية قلوبهم وان الظالمين لفي شقاق بعيد ، وليعلم الذين أوتوا أنه الحق من ربك فيؤمنوا به ، فتخبت له قلوبهم وان الله لهاد الذين آمنوا إلى صراط مستقيم "

. فإذا كان القرآن الكريم قد قسم القلوب إلى 3 أنواع فان الحديث النبوي الشريف قسمها إلى 4 أنواع لقد روى الإمام أحمد في مسنده قول رسول الله صلى الله عليه وسلم "القلوب أربعة : قلب أجرد مثل السراج يزهر ، وقلب أغلف مربوط على غلافه ، وقلب منكوص ، وقلب مصفح .. "

فالقلب الأجرد قلب المؤمن سراجه فيه نوره أما القلب الأغلف فقلب الكافر ، وأما القلب المنكوص فقلب المنافق عرف ثم أنكر ، وأما القلب المصفح فقلب فيه إيمان ونفاق فمثل الإيمان فيه كمثل البقلة يمدها الماء الطيب ومثل النفاق فيه كمثل القرحة يمدها القيح والدم ، فأي المادتين غلبت غلبت على الأخرى" .

------------

تحياتي لك من ماناساس البلد

Noony said...

بجد جزاكي الله كل خير يا شيمو
معلومات جديدة عليا ومفيدة جداً
أنا فرحانة أوي اني بقرأ الكلام دة
وأسلوبك جميل بجد

اول مرة اشوف عبد الله بيكتب تعليفات طويلة
ههههههههههه

:)
نوني

Ert3ashat said...

برافو عليكي والله
فكره حلوه اوي و مجهود رائع ان شاء الله ربنا يازيكي عليه خير
استمري :)
بكام الكورس؟:)))))

تخاريف خاصه! said...

أنا جيت....
اولا شكرا خاص جدا جدا لجروووم على المتابعه والمجهود الجامد جدا..ربنا يكرمه يارب ويجازيه خير عليه..
:)

ثانيا ربنا يكرمك يا نونى ..ويارب يكون الواحد قدر يوصل اللى عايز يقوله...

ثالثا د.ارتعاشات..عايزينك تشارك معانا يا دوك...
:)
وخلى الكورس علينا...
:)



دمتم سالمين..
:)

الأستاذ said...

شكراً على المحاضرة اللذيذة دي وفعلاً أنا استفدت وهروح أعمل الواجب
كل سنة وحضرتك طيبة

safa7_karmooz said...

ممممممممممممممم

حلوة المحاضرة

بس ليه بس كده

احنا عملنالك ايه بس :p

يا مراكبي said...

طبعا سبحان الله .. نرى آياته عز وجل في أنفسنا

أنا على فكرة بأخاف جدا من منظر الدم وأفتكر شاعة الثانوية العامة إن العيلة كلها كانت عايزاني أدخل طب لكن لا يمكن

ربنا يوفقك دايما

تخاريف خاصه! said...

الاستاذ ..سفاح كرموووز ....يا مراكبى...
شكرا على المتابعه .وربنا يتقبل منا كلنا...
:)