Sunday, November 4, 2007

Flash Forward 2017!



استيقظت اليوم كعادتى فى السادسه صباحا..
اسرعت الى الشرفه كى ارى نور الشمس الوليد
وهو يضئ الكون كله..ويضفى على لمسه النسيم الجميله..سحراً لا يقاوم...

لم افق الا على صوت المنبه..كانت السادسه والنصف..
فذهبت لايقظ زوجى...
استقبلت عينيه ببسمتى اليوميه..
-صباح الخير قوم بقى..
-صباح النور..هى الساعه كام؟؟
-سته ونص قوم عشان ماتتأخرش...
وقبل ان امضى ..اخرجت تلك الميداليه الرقيقه من جيبى تحمل "لا اله الا الله"
ووضعتها فى يده...
-كل سنه وانت طيب يا حبيبى..
-وانت طيبه يا حبيبتى..الله رااائعه ربنا مايحرمنيش منك..
ظلت يداه تعانق يدى فى رفق زوجى..اراه فى نفسي..اجمل ما فى حياتى...

ذهبت لايقظ ابنى
"يحيي"

استيقظ يحيي بعد صراع يومى طويل...

ومضيت انا الى المطبخ كى اعد الافطار...
كم جميل ان تتنسم الصباح كل يوم مع من تحب...

يااالااا بقى تعالو افطروا...

ماما...غمضى عنيك..

ليه..ياسي يحيي؟؟
غمضى بس...
حاضر اهوه...
كل سنه وانت طيبه يا ماما...
ردداها فى اذنى ...
وطبع ابو يحيي قبله رقيقه على خدى..وهو ممسك بيدى كى يدخل ذلك الخاتم الرقيق فى اصبعى...

كم هو رقيق..اقصد "ابو يحيي"طبعا...
:)

تعبت نفسك ليه بس....كان كفايه ورده...
-ورده ايه وانا معايا احلى ورده...
-يااالااا بقى يا بابا عايزة اديها الهديه بتعتى...
-حتى انت يا مفعوص عارف الفالنتين داى...؟؟؟
-طبعا..فالنتينى..فالنتينك..فالنتينااا كلنااا...
اخرج يحيي من جيبه لفافه ملونه براقه..وعليها كارت معطر..يملأ المكان برائحه فواحه..
-كل سنه وانت طيبه يا ماما..
وانت طيب يا حبيبى..
افتحيها بقى...
فتحت هديه يحيي فاذا بهما 2 سامبا زرقا بالكريمه..
اللــــــــــــــــــــــــــــــــــــه...!!
ياحبيبى يا يحيي..
فالجميع يعرف عشقى لها...

ودعتهما من الشرفه..
وجلست على الكمبيوتراتصفح فى ارشيف المدونه
تذكرت هذا التاريخ..

4-11-2007
وتذكرت ذلك البوست "
Flash Forward 2017
ومضيت اكتب نفس البوست بنفس التفاصيل....
اليوم
,لكن العنوان تغير الى..
فالنتينااا كلنااا"
4-11- 2017

5 comments:

Noony said...

إن شاء الله يتحقق وأحلى من كدة إن شاء الله
ويبقى عندك يحيى ومريم كمان :)
ويدوكي الهدية من قبلها بيوم وكل يوم لمدة اسبوع...أنا عارفة...كدة افتريت وتماديت فيها :)

رؤية صافية لكيفية الاحتفال بعيد الحب...فالنتينا كلنا...حبنا كلنا لبعضنا

كل سنة وشهر ويوم ولحظة وانتي في حب يا شيمو يا كميلة

:)
نوني

الـسـيـدة نـون said...

كل سنة وانتى طيبة يا شيمو
والسنة الجاية نقولهالك فى بيتك
حلو اوى البوست ده

أحمد سلامــة said...

خيال جميل وانشاء الله واقع هيكون احلى واقرب بكتير
كل سنة وانتي طيبة

عمرو فكرى said...

يااااااااااااااه
جميلة جدا بجد
واحدة من احلى الحاجات اللى قريتها من زمان

Anonymous said...

السلام عليكم

انا اول مرة اخد بالي من البوست ده

مش عارفة اقول ايه

انتي جميلة اوي بجد
ورائعة اوي بجد

ويااااااااارب يا شوشو يتحققلك كل اللي نفسك فيه واكتر