Friday, June 4, 2010

تقرير عربي...أم الاجنبي..!

ينزل المحاور التليفززونى الشهير...الى الشارع عقب الاحداث الاخيره المؤسفه ..محاورا الناس..ليقدم لنا هذا التقرير...


رجل مسن فوق الستين...


-ياحاج انت ليه ماكنتش ع السفينه..؟؟؟

-سفينه ايه..؟؟؟

السفينه اللى كانت بتودى اغاثات للفلسطنين المحاصرين فى غزه...

-الفلسطنين دول ولاد.....تيـــــــــــــــ
ــــــــت...طول عمرهم ولاد.....تيــــــــــــــت اخرى...مايستهلوش..!!!
قولنالهم من الاول من بعد 73 اعملوا زينا...قلولك لا وخاصمونا....جيين دلوقت يعيطوا...يشربوا بقى!!!


**************************
******


شاب روش...

-ها يا مان...انت ليه ماكنتش ع السفينه...؟؟؟

-اه السفينه بتاع الفلسطنين...معلش اصلى صحيت متأخر..ملحقتهاش!!...

ههههههههههههه ا
ضحكه سمجه!!

انا مالى ياعم!!!!!!!!!!!

**************************
*****************8

انسه

يا انسه...انت ليه ماكنتيش ع السفينه؟؟؟

ماكنش عندى علم بيها والله...!!

*************************

شاب اخر....

-ليه ماكنتش ع السفينه؟؟؟

-اصل كان فى ماتش مهم جدا ماكنتش اقدر افوته...!!

**************************
*****


شاب اخر...

ليه ماكنتش ع السفينه؟؟؟؟

يا عم احنا لاقين ناكل اما هنودى للفلسطنين...صلى ع النبى!!!!


**************************
***********
شاب اخر....

ليه ماكنتش ع السفينه..؟؟؟

انا عندى امتحانات!!!!!!!!

نظره استنكار!!


**************************
***********

مدام تحمل طفل..وتجر اخر بيدها...

ليه ماكنتيش ع السفينه؟؟؟

مشيره الى طفليها...وودى دول فين؟؟؟

**************************
*********

رجل فى الاربعين
حاملا خمس ارغفه فى يد..وبطيخه فى اليد الاخرى
-حضرتك ليه ماكنتش ع السفينه...؟؟

-ماقدرش اخد اجازه من الشغل!!!

**************************
***************

شاب فى الثلاثين...
ليه ماكنتش ع السفينه؟؟؟

-كان عندى جلسه غسيل كلوى!!

**************************
****************

شاب اخر

ليه ماكنتش ع السفينه؟؟؟

كان عندى نبطشيه فى المستشفى!!

**************************
*****

شاب اخر...

ليه ماكنتش ع السفينه؟؟؟

- ماهو انا لو كنت ع السفينه...مين كان هينظم الوقفات الاحتجاجيه دى!!!!

**************************
******

شاب ملتحى

انت ليه ماكنتش ع السفينه؟؟

النصر من عندك يارب..- الله يحرق اليهود..وينصر الاسلام والمسلمين يارب...!

**************************
*************

فتاه اخرى

انت ليه ماكنتيش ع السفينه؟؟؟؟

-ههههههههههههه_ضحكه غبيه_ماعرفش والله ماحدش قالى!!!

**************************
****************

شاب اخر...

انت ليه ماكنتش ع السفينه...؟؟؟

-والله يا استاذ انا بحبك اوى...والله وبتفرج ع البرنامج بتاعك انا والعيال كل يوم...

-ايوة يعنى ليه ما كنتش ع السفينه؟؟؟

-والله انا مش مصدق انى قابلتك...والله ..وانت عامل ايه دلوقت!!!

**************************
*****************

رجل على مشارف الستين...

-انت ليه ماكنتش ع السفينه يا حاج؟؟؟

-والله يانى الواحد مش عارف يعمل ايه..علمنا العيال وبرضه قاعدين لنا
بنصرف عليهم ...طلعناهم من المدارس..وبرضه مش لقيين شغل ...اجيبلهم منين!!!!!!!!!!!!!!!!

**************************
*****************

سيده تحمل شنطه لاب توب...

حضرتك ليه ماكنتيش ع السفينه؟؟؟

سورى..والله ماليش ف السياسه...!

**************************
********************
شاب اخر ملتحى

انت ليه ماكنتش ع السفينه؟؟؟
-كان فى درس ديني مهم للشيخ الجليل..ماقدرش افوته!!

**************************
****************

طفل فى العاشره...

ياحبيبى انت ليه ماكنتش ع السفينه؟؟؟

-طب وحضرتك يا استاذ ماكنتش ليه بقى ع السفينه؟؟؟

-يضحك المذيع ..واضعا يده على رأس الطفل...يا عفريييت!!!



ينتهى التقرير....

وتنتهى الحلقه....


اجلس اتصفح بعض المواقع على النت...اجد معظم اصدقائى قد غيروا صوره الفيس بوك اكونت ...مابين صورة اقدام تدهس علم اسرائيل...او صورة علم اسرائيل وعليها علامه ْ
X
!



قررت ان اخلد للنوم سريعا....لأن عندى شغل بدرى!!!!!!!!!
اغلق الكمبيوتر......اذهب لأنام...والسؤال يحيرنى...لماذا لم اكن انا على السفينه؟؟؟

24 comments:

أبو حسام الدين said...

فعلا لماذا لم نكن على السفينة؟
لأننا جبناء

ماجد القاضي said...

الفكرة جميلة..

والأسلوب ممتع..

والطرح طريف جدا أضحكني في بعض مواضعه..

تحياتي.

قبلاوى said...

فعلا شر البلية ما يضحك

mrmr said...

حوار هادف و بنااااااء
هههههههههه
اسلوبك فى السرد جميل
انك لموحاور جميل

محمود(باحث عن حب) said...
This comment has been removed by the author.
محمود(باحث عن حب) said...

اقولك انا بقه اانا مكنتش على السفينه ليه؟
علشان عندنا
معبر
اركب
سفينه
ليه؟
موضوع جميل وفكره
اجمل
والله

Dr. Mohammed Ali said...

موضوع هادف..
شكرا جزيلا وتقبل مروري

حَـبآيـۃْ.بـטּـدۉڷ said...

ممممممممم .. سؤال محير

طريقتك ف عرض الموضوع جميله جداً ..

قهوة بالفانيليا - شيماء علي said...

حلوة حلوة حلوة جدا المدونة دي
و انا سعيدة باكتشافها جدا جدا
حلو البوست بتاع السفينة دة ..
:)
اسلوبك جميل و ممتع جدا
احنا ماكناش على السفينة عشان احنا بنخاف
اصل مين هيربي العيال ؟؟
!!!!

مصر اليوم said...

طريقتك جميلة فى الكتابة

tootaa said...

آمممــــم...~|| حقــاً لماذا لمـــ نــكن على السفينه؟؟؟!
~
لو ســـآل كل فرد نفسسه هــذا السسؤال .. اؤمن اننا حــآلنـــآ سيتحسسنــ..
~
دمتــ

جواهر حُرة said...

قد يجد المرء مئات الأعذار و لا يقف عند مبرر واحد.
شكراً لك.

صائد النجوم said...

نحن أمة أصابها الوهن، ولكن رغم ذلك فالخير في هذه الأمة إلى يوم القيامة كما أخبرنا الحبيب المصطفى عليه أزكى الصلاة والسلام

شكرا على هذه الإلتفاتة
ما تنساناش من الزيارة

P A S H A said...

كل سنة وحضرتك طيبة وبألف خير وصحة وسلامة إن شاء الله

:)

رمضان كريم

أسمعنى شكراًً said...

أنا كان نفسى أركب سفينة من زمان أصل أنا مجربتش الرحلات البحرية بس ربنا يكرم الطلعة الجاية هبقى على السفينة !!!!!!!!!!!!!!

يا مراكبي said...

لأننا نريد أن يفعل الآخرون كل شيئ نيابة عنا بينما نحن نستمتع أو ننشغل بتفاصيل حياتنا كما هي دون أن يعكر صفوها شيء

أو كما ذكرت بعض الأمثلة هنا من ان هناك بعض طوائف الشعب مشغولة بهمومها ومشاكلها المعيشية لدرجة تجعلها لا ترى ما هو أبعد من رأسها

هديل الحمام said...

?!
ربما لأن كل منا أنشغل بهمه وما أكثر هموم الناس هذه الأيام
وربما لأننا أكتفينا منذ زمن ببعيد بالتفرج والأستنكار والشجب وحرق الأعلام والفعل (مفيش)
أسلوبك سلس وجميل
أروع الأقلام هي التي تضحك وفي طياتها البكاء
أمتعني القراءه لكِ
متابعه لَكِ بإذن الله قرأت لكِ أكثر من مقال وأسمحيلي بالتجول في مدونتك فقد طاب لي التجول هنا ^_^

هديل الحمام said...

?!
ربما لأن كل منا أنشغل بهمه وما أكثر هموم الناس هذه الأيام
وربما لأننا أكتفينا منذ زمن ببعيد بالتفرج والأستنكار والشجب وحرق الأعلام والفعل" لا شيء" أو مفيش بالمصري
أسلوبك سلس وجميل
أروع الأقلام هي التي تضحك وفي طياتها البكاء
أمتعني القراءه لكِ
متابعه لَكِ بإذن الله قرأت لكِ أكثر من مقال وأسمحيلي بالتجول في مدونتك فقد طاب لي التجول هنا ^_^

sal said...

رمضان كريم

Rayk Cool said...

اية الجمال دة بتعرض قضية مهمة بطريقة جميلة بتفهم بيها العالم مشكلته
محدش فااااااااضي
جميـــــــــــــــل و بالتوفيق
و ارجو ان تشرفيني في مدونتي

صديقة القمر said...

تدوينة رائعة واسلوب اروع
والاجمل من ذلك أن أخوتنا منكم ومن المتابعين لك يساندونا نحن أهل غزة فأنتم معنا ونحن معكم ....

Wise said...

بوست ظريف جدا وعجبتنى فكرته
واسلوبه الراقى الممتع
بالتوفيق فى المزيد من البوستات
ان شاء الله
بس قبل ما اخرج احب اسال لو السؤال اتوجه لك
ليه ما كنتش على السفينه ؟
هيكون الرد ايه ؟؟؟؟

eman said...

لا بجد تحفة
انا عن نفسي مش هجاوب

محمد مصطفى said...

السفينة اساسا مرحتش