Wednesday, March 14, 2007

القالك حد


إلقالك حد...لو ضاقت بيك..يفتح لك قلب...
يبقالك صحبه وأهل وبيت...يناديك لو أنت ف يوم ضليت..
ويشوفك لو ع الخلق دريت..ويحسك رغم البين والبعد...
والقالك حد...

إلقالك حلم من الأحلام..ماتسيبش سنينك للأوهام...
ده الدنيا مابين افراح وآلام..
والشوك ف سنين يطرح لك ورد...
والقالك حد...

إلقالك قلب يحن إليك..وحبيب يشتاق ويروح يراضيك..
لو طالت فى الايام لياليك..يبقالك فجر وشمس وبدر...

فجر وشمس وبدر...
القالك حد...





بقالى فترة حاسه احساس غريب..حاسه ان ماحدش شايفنى كويس...
حتى اقرب الناس ليا...مش شايفنى اسااسا..
فافتكرت الكلمات دى...

بس يااالا معلش..كله بيطلع ف الغسيل..
!!!!!!!!!!!
ومسيرهم ف يوم يشوفوا...
:D

6 comments:

Shower-Mirror said...

كلام تحفه و عاجبنى تعبير القالك حد ... احييكى ... البلوج بتاعك مليان احساس ...بجد لمسنى ....

الغريب ان يكون كل من حولك مصاب بضعف النظر و ضعف الاحساس ...

احييكى و ابقى زورينى

Shower-Mirror said...

كل سنه وانت طيبه و عقبال المئه وواحد :)

اسف متأخر اسبوع :)

تخاريف خاصه! said...

"القالك حد"دى أغنيه لأنغام بس هى قديمه شويه...

هما مش مصابين بضعف النظر...هما اصلا مش بيحاولوا يكلفوا نفسهم ويشوفوا...
يمكن اكون ظالماهم...بس ده احسااسى.

ومتشكرين ع الزياره ويارب ماتكونش الاخيره.....
u r welcome...:)

دينا فهمي said...

الإحساس ده بيبأى قاتل بجد
ماتحاوليش تحسسي نفسك بيه أكتر علشان ماتتعبيش زيادة
التمسي لهم العذر وماتحطيش في دماغك
وعلى رأيك
كله بيطلع في الغسيل (:

Eric Matt said...



لا هما شايفينك كويس - بس ساعات كده بيجي شوية ضلمة و شبورة ولا سحابة سودا تضلم الدنيا

حتى ماناساس البلد ساعات بتضلم في عز النهار من كتر المطر و الشبورة

لكن فعلا حيجي اليوم اللي نلاقيه فيه شخص جاي و معاه مساحات ينضف و يزيل و يرجع ازاز عينيه تاني يبرق و يلمع ويشوفنا كمان أحلى من الأول

ربنا يرزقك بهذا الشخص سريعا و يرجع ليا هذا الشخص قريبا

تحياتي من ماناساس البلد

تخاريف خاصه! said...

:)

دينا الحبيبه..
ربنا يكرمك يا حبى..بس هو كده ساعات فعلا
بحس ان مافيش ولا حد فاهمنى...

بس بجد بجد كله بيطلع ف الغسيل فعلا..
:D

the groom

كلامك صح جدا....
دعواتك معانا بقى..
:D