Tuesday, June 19, 2007

الغريب




مضى هائما فى ذلك الشارع الشعبى الضيق..
الجميع يعرفونه..
ولكنهم لا يعرفون من اين اتى..وما قصته....
كثيرا من الوجوه كانت تتطلع اليه..
فى محاوله لمعرفه سر ذلك الشخص الغريب
لكنه دائما كان مطأطأ الرأس..
لا ينظر الى احد..
ولا يريد ان ينظر اليه احد...

وقف كى يشترى الجريده...
جلس على الرصيف بجوار بائع الجرائد يقلب صفحاتها...

حتى استوقفته...تلك االصورة...
انها صورته وبجوارها....
حسين محمود علام
..35 سنه ..
متغيب من 20-4-2006
على من يعثر عليه..ان يتصل برقم.
........

اخذ يتطلع الى الصورة للحظات....
وحاول ان يتحسس ملامحه...
لقد تغير...
بالطبع....
لم يعد هو..نفسه...حسين محمود علام...



هم واقفا ليكمل طريقه الى عمله فى ذلك المقهى الصغير...
حتى مرت امامه طفله صغيره..
ممسكه بيد ابيها
تشده الى محل للحلويات..



وقف يتطلع اليها ....ويبتسم...
تذكر ابنته الوحيده...
كم كانت تشبه تلك الطفله....
تذكر عروستها...
رنت فى اذنه كلمه"بابا"
فاتسعت ابتسامته...
ولكن سرعان ماتلاشت تلك الابتسامه
عندما تذكر....

"سوق بالراحه شويه يا بابا"
وتلك الصرخه التى رجت كيانه...
"خلى بالك يا بابااااااااااااااااااااااا"
ثم....
البقيه فى حياتك. ...شد حيلك......
ظلت عينيه وقد ملأتها الدموع...عالقه على تلك الطفله...
حتى مضت هى الاخرى...
وذابت وسط زحام البشر.....

25 comments:

ياسر سليم said...

يعنى نفهم من القصة دى .. ان هو كان سايق فى مرة وبنته كانت جنبة .. وهو كان سايق بسرعة .. وعمل بيها حادثة ..
انا جبت كده من الاخر ..

طبعاً انا كده خليت القصة بايخة ..

بس انا افتكرت ان كان فى مدونة كل ما ادخلها ألاقى التدوينة كبيرة .. وانا اياميها ما كنتش فاضى فقلت لصاحبتها .. قالتلى خلاص انا بعد كده هلخصلك اى حاجه يعنى مثلا قصة سيدنا يوسف فى كلمتين عيل تايه ولقوه ..

بس بصراحة .. بسم الله ماشاء الله عليكى فى القصص القصيرة .. هى دى الحاجه اللى حاولت اكتبها وفشلت ..

تحياتى

تخاريف خاصه! said...

صح هو كده

وحلوة حكايه التلخيص دى..

فى الانجاز يعنى..
:)

تحياتى...

صاحب البوابــة said...

قصة جميلة

تحياتي لقلمك المبدع

تخاريف خاصه! said...

صاحب البوابه
والله انا كنت لسه حالا عندك حضرتك...

ربنا يفك كربك وكروب كل المسلمين
تحياتى..

Shower-Mirror said...

جامده و مؤثره ...


فعلا ...ساعات الواحد لما بيتصدم كده بيبقى عايز يهرب يهرب من عيون الناس اللى يعرفهم

تحياتى

Noony said...

لية وجع القلب دة يا بنتي؟

أسهل حاجة تحصل لما الواحد بيتصد انه يهرب
:(

ماشي يا شيمو

بس أسلوبك حلو بجد

نوني

هيما said...

قصة جميلة بس حاسة انها مش واقعية
علي ما اعتقد

همسات دافئه said...

برافو ياشيمو مكنتش متوقعه النهايه لحد ما جت وده يدل على ابداعك
تحياتى:))

Anonymous said...

قصة بسيطة ومؤثرة

يبدوا أن فيها شيئا من الإحساس الخفي

لذلك فهي بحق .... رائعة

لك كل الشكر

زى الهوا said...

اسلوبك اكتر من رائع _ اوحش إحساس اكتر إنساس قريب إلى قلبك يموت والابشع انه يموت ادامك والابشع وابشع انك تكون انت اللى موته بإيدك ، دا لا يمنع إن الاعمار بيد الله ، ولكن مجرد الإحساس وتذكر الموقف قاااااتل

تخاريف خاصه! said...

ابيه شاور


هو مش سا عات هو دايما..من كتر ما هو بيلوم نفسه بيلاقى اللوم فى نظرات اللى حواليه..

تحياتى ليك يا ابيه..
وماتتأخرش علينا..:)

نونى...
العزيزة..
ماكنتش اقصد ازعلك...بس هى طلعت كده ..معلش بقى..
:)

تخاريف خاصه! said...

ابراهيم عز الدين...

اولا حضرتك مشرف المدونه..
ثانيا هى الجزء الواقعى منها ان فعلا ممكن واحد يتسبب فى فقد اقرب الناس ليه..ودى انا شفتها..
اه مش بيوصل بيه الحال لكده زى مانا كتبت بس انا كنت اللى اقصد انه بقى بيبقى عايز يهرب من الللوم اللى جواه واللى فى عيون كل اللى يعرفه

اى وسيله بقى للهروب..

وتحياتى..ومنورنى..



واحده من الناس..
منورانى ..:)
وشكرا على الزياره ...
ربنا يكرمك

تخاريف خاصه! said...

صاحب المضيفه...
منورنى ..:)

وشكرا على الزياره..
ويارب ماتكونش الاخيره..


زى الهوااااا...
اسمك حلو قوى..
هو ده فعلا اللى كنت اقصده...
ومنورنى كلكم..
:)

barbie girl said...

قصة كويسة بس فيها حزن شديد

rack-yourminds said...

قصه جميله ,ومنتظر ابداعات اخري اجمل

صــ خ ـــب شـــيماء said...

قصه جميله .. واسلوبك بجد رائع لانى مش من هواة القراءه على النت بتخنق بس من زمان متابعاكى واى حاجه قصيره طويله بتفضل تشدنى لحد ما اكملها للأخر
وقررت المره دى اقولك بجد ان اسلوبك فوق الممتاز يا دكتوره
:)
ورغم ان المضمون اتعمل افلام كتيييير بس لما قريته حسيته شئ تانى

•«ρяoιd»•™ said...

اصعب احساس انك تفقد حد غالي عندك

و المشكله الأكبر انك تكون انت السبب في فقده

ابدعتي

تحياتي

تخاريف خاصه! said...

barbie girl
منورانى..وانتظرى منى بوستس تانيه اكثر فرحا من ده..
:)
تحياتى..

wahed
شكرا على المرور..وربنا يكرمك
..
تحياتى

تخاريف خاصه! said...

صخب شيماء

اسمك على فكرة جامد جدا..:)
واضح ان كل الشيماءات كده

:D

ربنا يكرمك ..


proid

منورنى دايما
:)
ويارب يبعد عنك كل الناس ا لاحساس البشع ده...
هروح عندك اشوف فى حاجه جديده ولا...
:)

emos said...

leh ya 7aga keda bs
leh el nakad dah
rabena ma yewarry 7ad
rabena yostor 3alena kolena ya7'ty

bs 2a7la 7aga en el post so3'anoon

Doba said...

انتى شريرة علشان زعلتينى - هيه قصة حلوة بس لما الواحد بيكون عنده ابن او ابنه صغيرة بيخاف قوى قوى وانتى خوفتينى وأدمعتى عيناى

يا وحشة يا مميزة
تحياتى يا شيماء

هبة

yasmina said...

اكيد عنده اصعب احساس بالدنيا بس المواجهة دايما احسن من الهروب
قصة حلوة
تحياتي

واحدة مفروسة said...

قصة جميلة فعلا يا شيماء
waitin 4 more better

تخاريف خاصه! said...

emos
العسوله...

معلش بقى ..بحب انوع..نكد على كأبه كده يعنى

:)


doba
نورتينى...

ربنا يكرمك ويحافظ عليك وعلى اولادك ان شاء الله

تخاريف خاصه! said...

yasmina
ربنا يخليك..ومنورة المدونه ويارب ماتكون اخر زياره..
:)

ايات المفروسه...
ربنا يخليك يا حبي