Friday, April 13, 2007

انا خنيقه؟؟!!!؟

انت حاجز فين يا بنى؟؟
-هناك ورا البنت الخنيقه اللى هناك؟؟؟
كنت مشغوله فى وضع كتبى و_تظبيط القاعده:)_قبل ان يبدأ الدرس...
حينها اخترقت تلك الكلمات اذنى ..حاولت ان استوعب..
تلفت حولى..فلم يكن فى تلك البقعه البعيده من قاعه الدرس..
احد غيرى
ّّّ!!!
اذن
.....
فانااااااا تلك الخنيقه
!!!!!!
...........
نظرت نظرة بلهاء لذلك "الزمبل"فى محاوله منى ان اكذب اذنى واقنع نفسي بان ما سمعت ممجرد هلاوس عاديه
ولكن الموقف كان بالفعل..
حقيقه...
ظللت انظر لصاحب تلك الكلمه..وهو ماض فى طريقه لباب المركز ليمارس هوايته مع بقيه اصدقائه فى توصيف الناس ...

اممممممممم
لم استطع ان احدد مشاعرى فى تلك اللحظه..فكانت الصدمه اكبر من اى شئ.
...
انا ....خنيقه.........
شكرا

........
:D
,,,,وسرعان ما تصدرت ال88-بس بالعربى-سرعان ماتصدرت ملامحى..
واعتلى الغضب وجههى
وكدت انفجر غيظا وانا اردد
اهو انت اللى خنيق وستين خنيق....هه...بس
:(
وحاولت ان ابعد تفكير ولو للحظات عن هذا الموقف الخنيق..
ولكن

هيهاااااااااااااااااااااات
ظل ذلك الهاجس
ثوانى كده هو انا بجد خنيقه؟؟؟
طب هو يعنى ايه خنيقه اصلا؟؟؟
يمكن قاصده عشان بقعد لوحدى فى معظم الاحيان لما بيكون اصحابى مش موجودين؟؟؟
يمكن
ولا عشان مابكلمش ولاد كتير ..
؟؟
جايز..
ولا انا اساسا شكلى يوحى بكده؟؟؟يعنى البوز التمام ..والتكشيره المعتبره؟؟؟
اكييييييد
وحاولت ان استجمع كل حواسي فى ذلك الوقت
كى اتخيل نفسي وانا جالسه...وان ارى نفسي فى مرأتى الذاتيه؟؟؟
استغفر الله العظيم...خنيقه خنيقه يعنى...الواد فعلا ماجبش حاجه من عنده
:D
وفجأه هدأت اساريرى-زى ما بيقولوا-وابتسمت...
وقفز فى ذهنى ذلك المقال لعبد الوهاب مطاوع-رحمه الله- بعنوان
ارجوك حاول ان تفهم
يحكى فيه قصه رجل هائم فى الشارع يصطدم بالماره
حتى كاد احدهم ان يمسكه ويتشاجر معه
فما كان من الرجل الهائم الا ان قال له""
اعذرنى فانا لم اشعر اننى اصطدمت بك..
فولدى قد مات منذ ايام..ولا اعرف ماذا سافعل بدونه فى الحياه"

وهنا تبدلت مشاعر الرجل- المخبوط- فبعد ان كاد ان يقتله..
ربت على كتفيه ودعى له بان يشرح الله صدره..
ومضى وهو مشفق عليه
وفى هذا المقال حاول الكاتب ان يوضح كبيف تباينت مشاعر الرجل فى لحظه..
بمجرد ان فهم ..
وان على الناس الا يحكم احدهم على الاخر
بتلك المواقف الظاهريه
دون معرفه خلفيتها ودوافعها...

لحظه صمت اخرى...

وتذكرت ايضا تلك الكلما ت الرنانه ل-تامر حسنى-حفظه الله
:D
فى اغنيه برنامج دعوه للتعايش
وهو يقول
اعرفنى قبل ماتكره

الان عرفت معنى هذه الكلمه

اعرفنى قبل ماتكره

وماهى الا لحظات حتى جاء "الزميل:المخنوق منى مش عارفه ليه
...هو وصديقه وجلسا خلفى...

وودت وقتها ان التفت اليه واقول له

"على فكرة بقى ..........
انا مش خنيقه..ها
........

ومضت الحصه بسلااااااااام دون اى خسائر فى الارواح
:)
وخرجت منها بدرس لن انساه

انه ليس الخنيق من جلس وحده بعيدا عن الاخرين
لكن الخنيق من اتهم الاخرين بالخنقه دون دليل
:)

29 comments:

دينا فهمي said...

والله ضحكتيني جدااااااااا يا شيماء
وبجد والله ده هو اللي 120 خنيق في بعض
ده انتى سكرة

سيبك يا بنتى من الهبل ده معلش هم ليهم حسابات أخرى
موقف بجد سخيف بس بجد ربنا يجعله في ميزان حسناتك

دينا فهمي said...

I tagged u

Noony said...

تلاقيه هو اللي مخنوق من نفسه
مش أي حد يقول أي رأي نسمعه لأن مش بالضرورة ان الرأي دة يطلع صح
واللي عايز يقول يقول...هو الكلام بفلوس!؟
المهم انتي يبقى عندك ثقة بنفسك وابعدي عن الناس الخنيقة دي
:)

شكراً انك وضحتيلي السؤال
:$

نوني

Rivendell** said...

ههههههه
ههههه
ههههه


يا بنتي كنتي لفيتي زغرتيله واديتيله نظرة على غرار يا سمممممممم


مش عارفة صنف الاكس واي اللي في الكلية دي مالهم بالظبط
تحسيهم بيلوشوا

عموما ولا يهمك يا بنتي
انا عاملة زيك كدا .. بس انا مش بيتقال عليا خنيقة انا بيتقال عليا يا ساااتر ويطلعوا يجروا من قدامي

هههههههههه
اصلي زعيمة الحزب النسائي في الراوند

Eric Matt said...


اذا كانت الغلاسة كلها والخنقة فيكي

واذا كان معنى الخنقة هو أنت

فأنا أول المختنقين هاهاها

سيبك منه ده لا يمثل الولاد
أبدا و لا العيال المحترمة المثقفة اللي مش خنيقة

ربنا يكرمك يا رب
سيبك منه

بس صحيح انت خنيقة ليه؟

:P

تحياتي وحطلع اجري بدل ما تضربيني

بس عشان خاطري دحكة حلوة قبل مامشي

طيب خلاص ماشي

تحياتي من الجامعة لاول مرة في 3 شهور ونص في ماناساس البلد

•«ρяoιd»•™ said...

ههههههههههههههههههههه

اكتر حاجه عجبتني

من وحي دروس النسا و الولاده

ههههههههههههههههههههههه

لاء لاء لاء

بجد بجد

اللي عجبني قوي الدرس اللي طلعتي بيه


انه ليس الخنيق من جلس وحده بعيدا عن الاخرين
لكن الخنيق من اتهم الاخرين بالخنقه دون دليل
:)

تحياتي

صاحب البوابــة said...

بوست رائع

اضحكتينى للغاية من كل قلبي

يعجبنى استرسالك في خواطرك

واعجبنى فهمك العميق لمعنى تفهم الاخر وتقدير مشاعره

تحياتي لكِ عزيزتي

safa7_karmooz said...

ايه الحكم اللى بتطلع فى الاخر

بتفكرينى بالرياضة ...وهو المطلوب اثباته ..هههههههههههههههههههه

سيبك...انا مرة من سنتين اخر محاضرة حضرتها ...قالوا عليا عم الكتكوت الوحيد .....

كل ده عشان مبطقش اابص فى وشوش الطلبة ابو امخاخ نمل ....وبقعد لوحدى

فقررت منزلش ولا المحاضرة

ولا الجامعه ....:)

سيبك انتى

اهم حاجه احنا عارفين اننا مش خنقه ..:)

Anonymous said...

مين ده اللي بيقول عليكي خنيقه؟!!...
بعدين هو انتم مش المفروض كبار...اكتر من 6 ابتدائي يعني...
ربنا يعينك يا بنتي بجد ...بس فعلا الكلمات اللي قلتيها ليها مغزى جميل و الله....
بوست كلعاده...رائع

تخاريف خاصه! said...

العزيزه دينا

ربنا يكرمك يا قمرة

عادى عادى..ولا سخيف ولا حاجه
:D
وللاسف يا دينا انا رديت ع التاج ده قبل كده هتلاقيه بعنوان وييبقى التاج على رؤوس المدونين
معلش خيرها فى غيرها يا قمرة
:)
وحشتنينى بجد جدا

تخاريف خاصه! said...

noony
لا الحمد لله بحاول ابعد فعلا عن الناس الخنيقه...
بس بجد فعلا فكرت للحظات لقيت فعلا ان ممكن اللى من بعيد يفتكرنى خنيقه ورخمه

بس هعمل ايه...هكذا خلقنى ربى ...فمن ذا الذى يعاند ربه
:D

تخاريف خاصه! said...

Rivendell**
:D
انا عارفه يابنتى عايزين مننا ايه؟؟
يعنىا نا اساس لا كلمته ولا جيت جنبه ولا اي حاجه
...
امال بقي لو قعلا خنقت عليه
كان قال ايه...

تخاريف خاصه! said...

ربنا يكرمك يا جرووووم
ادى الاخوات ولا بلاش
:D

مان كان كل خوفى ليكون ده مش رأى شخصى ليه...انه يكون رأى عاااااااااام
ومنتشر فى الدفعه
:D
ربنا يوفقك
بس جامعه ايه؟؟؟

تخاريف خاصه! said...

PROID
,صاحب البوابه

منورين والله ...
وان شاء الله ماتكونش اخر زياره..وفعلا نستفيد من فرصه التواصل دى..
:)

تخاريف خاصه! said...

سفاح كرموز

يالهوى...الكتكوت الوحيد
!!!!!!
عشان شفوك مرة فى محاضرة واحده بس قاعد لوحدك
ّّّّّّّّّّّّّ!!!!!!!!!!
امال انا يبيقولوا عليا ايه
وانا عايشه اساسا فى المدرجات لوحدى...والدكاترة تترجانى انى اطلع قدام ...ب
دال مانا لوحدى

:)
الحمد لله انها اخر سنه

تخاريف خاصه! said...

ارتعاشات..
اهم دول اولاد طب عين شسمس
ولا عزاء لاى حاجه

بس برضه مين عارف..ايه الدوافع اللى خلته يقول كده
:)

Eric Matt said...


دي جامعتي دلوقتي

www.unva.edu

مش بسوق ليها والله و لا بحبها

بس ربنا يكرم
انت اللي سألتي

تحياتي لك

:))))

Shower-Mirror said...

انا لو منك كنت احرجتيه قدام الناس اللى معاه

و سألتيه : انت تقصدنى انا ؟ ... و ساعتها هايبقى واقف مبلول و منظره زى الفوطه الصفرا بتاعة السايس .


بس و الا يهمك ...فيه ناس كده ..تحب تقول اى كلام و خلاص ... لازم يبقى ظريف علطول و يضحك و كده ..


قال شيماء خنيقه قال .. :) انت حمار ياحمار


تحياتى

الوردة السوداء said...

على فكرة المفروض اى حد يقرا الكلام ده
يضحك
بس انا بجد كلامك ضايقنى
ضايقنى عشان اتأثرتى بيه
لدرجة انك كتبتيه
شخصية حساسة زيك المفروض متهتمش بالتفاهات دى

ارميهم يابنتى
بلاش ارف
دى كائنات مترممة

zordeak said...

هههههههه


على فكرة يعنى


ومن غيير تحيييز


بجد بجد



بجد بجد


انتى مش خنييقة ولا حااااجة

انتى عسل خالص


الاسلوب اللى اتعاملتى بيه مع الموقف

والتفكير اللى جه فى بالك

مش معتاد

ولازم احترمه


وكمان نبهتينى لحاجة

ان الواحد فعلا ساعات كتير من غير ميحس بيحكم على ناس من شكلهم انهم خنقا ولا دمهم تقيل

من غير ميفهم صح

ويقدر صح


علشان كده

بقولك


شكرااااااااااااا

:)

تخاريف خاصه! said...

ابيه شاور

:)
انا لو وقفت وقلتله انت تقصدنى انا ..هبقى يعنى بعمل مشكله من ولا حاجه..
او يعنى هبقى فضحت نفسي...انا اللى ...قال عليها خنيقه ..وهى وقفت اتخنقت معاه فى وسط الدرس
وكنت هتسمع مئات الاقاويل..اللى يقولك اصلها مطنشاه..
اصله وعدها وخلى بيها
:D
,حاجات من هذا القبيل

:)
وبعدين الصدمه...خلتنى متنحه...
:)

تخاريف خاصه! said...

الورده السوداء

بصى انا بصراحه كنت متردده انى اكتبه
انى اكتب عن موقف اتشمت فيه يعنى
:)ويمكن ماحكتش لحد من اصحابى خالص...

بس بعد كده خدت الموضوع فعلا من زاويه تانيه...
و لقيت ان انا نفسي اوقات بغلط الغلطه دى..
كتيييير يعنى
بس مش بروح كده واقول قدام الناس بصوت عالىة زى الكابتن ده
بس فعلا لما افتكرت اللى قريته قبل كده وجمله"اعرفنى قبل ماتكره"
حسيت ان لا

الموضوع كبييييييييير

وقلت انى برضه مش هحكم ع الولد ده الا لما فعلا اعرف هو قال عليا كده ليه
بس للاسف مش هقدر اعرف..
بس هو اكيد يعنى شاف منى حاجه خنقته...بس هى ايه؟؟؟
مش قادرة افتكر...
:)

وشكرا ليك انت يا قمرة

تخاريف خاصه! said...

zordeak
منور المدونه حضرتك..وياريت ماتكونش الزياره الاخيره..
:)

Dr.Diamond86 said...

انتى خنيقة؟!
لو كانت الخنيقة انتى يا رب كل الناس تبقى خنيقة
بس بجد انت عسل وتفكيرك رائع
فعلا ساعات كتير ممكن حكم على الناس من غير ما نعرفهم
و دايما الانطباعات الأولى تدوم رغم انها ممكن متكونش حقيقية
صح فعلا اعرفنى قبل ما تكره

Tamer Nabil Moussa said...

فى مثل بيقول

تعرف فلان ايوة عاشرتة لا يبقى ما تعرفوش

الحكم على الانسان يجب ان يكون مبنى على عشرة

وحدوث احتكاك فعلى بالاخرين

وليس باالنظر الى المظهر

بوست مميز

تحياتى

Anonymous said...

والله معاكي حق يا شوشو في كلامك
وبالذات اخر سطرين..حكمة

وبعدين في ولاد كده غريبة بتطلع منهم كلمات اغرب .. يعني ممكن يكون بيقول كده وخلاص كلمة طلعت منه

ربنا يهدي
كفاية انه خد ذنب الكلمة
ولا تزعلي بوتاتا :)

ده انتي عسل يا جميل :)

تخاريف خاصه! said...

:)

يا جماعه انا ماخدتش الموضوع بزعل....
انا بس اتصدمت

:D

eldoctor said...

ضحكتينى و الله يا بنتى ...
حيعدى عليك وقت .. وتقابلى زمايلك بعد عمر .. و تعرفوا بعض .. انت دفعة سنة كام .. و بعد كده حتبقى مسمياتكم بالتخصص .. فلان جراحة .. علان تخدير .. وكده .. حتى اللى مكنتيش طايقاهم بعد كده مجرد حد من دفعتك ببقى له معنى تانى .. معرفش انتم دفعتكم كام دلوقت .. احنا كنا 560 و مش ببالغ لو قلتك انى عارف كل واحد فيهم ... و عارف هو فين و تخصص ايه ...
كبرى دماغك .. الهدف الاساسى مش ان الناس تستلطفك .ز الهدف انك تبقى دكتورة بجد .. لان بعد كده مسئولية أرواح الناس مش هينة
تحياتى

Anonymous said...

نعم!!!
مين دي اللي خنيقة؟؟!!!
انتي متأكدة انه كان بيتكلم عليكي!!!!
بصي هو اكيد اكيد كان بيتكلم عن حد تاني او يمكن هو عنده مشكلة مضايقاه مخلياه شايف الناس اللي حواليه كدة بس اكيد ما يقصدش
علي فكرة فكرتيني بمثل كان دايما يتقال في الافلام
"معلش اصل اللي ما يعرفك يجهلك"
انا مؤمنة جدا بان من أسوأ انواع الظلم انك تحكم علي حد من غير ما تعرفه معرفة شخصية لو انك تصدر احكام علي الناس من مجرد موقف او كلمة سمعتها عنه بس للاسف هو دا اللي بيحصل وناس كتييييييير بتتظلم كدة
ولا يهمك من الكلمة المهم انتي شاية نفسك ايه