ورقه بخمـــسه!!!1

شفت كتير وقليل بين ايدين الناس...



هحكيلكوو على شويه من اللى شفته....



تابعونا بعد الفاصل...!!







.....................................................................





كان فى فيلم قديم بيحكى عن حكايه خمسه جنيه وسط البشر...



هنا هحاول انى ادى الميكروفون ل"خمسه جنيه"من بتوع اليومين دول...تحكيلنا عن يومياتها بين ايدين البشر!!!!




حد ينزل بالتيتراااااااااااااات...

موضوع تعبــــير..!!

امبارح كنت قاعده بشوف حاجات فى مكتبتى...لقيت كشكول مكتوب عليه 2-8...

تعبــير..بتاع ثانوى بتاعى قلت اما افتحه اشوف وافتكر...

كان اول صفحه ...تاريخ 18-9-1999

كان رأس الموضوع..

"بذل مبارك مجهودات مضنيه فأخذ بيد مصر الى عتبه الالفيه الثالثه مرفوعه الهامه واثقه الخطى...!!

الافكار...اللى ملاها لنا المستر يومها...كان اول يوم فى الدراسه..!!

1

دخول العالم مرحله جديده وخطيره مع اقبال الالفيه الثالثه1-...

2

الازمه السكانيه وتدهور البنيه التحتيه..

3

اهتمام الرئيس بهموم الفرد والمجتمع...!!!!

4

قناه توشكى ..اضخم مشروع فى القرن العشريين بعد السد العالى!!!!!!

-اصل ميلودى ماكنتش لسه فتحت!!!..!!!!-

5

اتفاقيه السلام واالاهتمام بالقضيه الفلسطينيه..!!!

مش هتكلم عن موضوع التعبير الفظيع اللى كنت كاتباه...!!!

بس هقولوكوا اخر سطريين...

"واخيرا بعد تلك الكلمات القليله التى لن تعبر عن مدى حبنا لمصر..وجهود هذا الرجل الذى اعتبر القياده"تشريفا" وليس "تكليفا"..-لخبطت بدون قصد.._والمستر طبعا ماخدش باله...!!!

اخيرا نقول له تلك الكلمات الرقيقه...

سر يا مبارك نحن بك متمسكون..

.واعبر بمصر وشعبها..فنحن خلفك متقدمون..

!!!

والحمد لله جبت 4 على 5 فى الموضوع ده!!!

وجه موضوع يشبه فى الامتحان...وكتبته..وجبت 29 من 30 فى العربى...

و98 ونص فى ثانويه عامه...ودخلت طب!!!

واتخرجت منها..!!

وهشتغل ان شاء الله!!!

وربنا يكرمنى واتجوز...واخلف...وعيالى يدخلوا المدرسه...!!!

وان شاء الله هيبقى برضه نفس موضوع التعبير..!!!

عشان كده محافظه على الكشكول..!!

احتيــــــــــــــاج

يارب..دِلّنــــــــــــــي إليــــك....

وأخيرا اتخرجت...!!!

الشارع فاتحلى دراعاته...!!!!



:D

اليك يا مدونتى!!!

اليك...يا عزيزتى...

اشتقت اليك...لدفئك...لاحتوائك...

وها اانا عائده اليك...بكل الشوق..

فسامحينى على غيابى..وانشغالى!!

فانا ابدا لن انساك..!!

لـــو..!

تفتكروا لو مصر بتتكلم هتقول ايه؟؟؟

دون كلمه

تعبت من التنفيخ اوى...طول الليل بنفّخ.

اقولها لزميلتى ..فى نبره استعطافيه كى تأتى لتاخذ دورها فى تلك العمليه المهمه الممله..!!!!

ما اغبى ان تتوقف حياه مريض..وخاصه ان كان طفله لم تكمل بعد ساعتها ال48 فى تلك الحياه..

.ما اغبى ان تتوقف حياتها على بعض التماريين اليدويه لاشخاص
يعتبرون ان دراستهم و"بهدلتهم" وطاقتهم بعد ست سنوات..اغلى وارقى واقيم من ان تهدر فى تلك العمليه الفاشله...!!!

!فالتنفيخ هو عدو كل طبيب امتياااز..

.فالكل يرفع شعار لا للتنفيخ...

.خرجت لالتقط انفاسي فى الهواء الربانى بعيدا عن جو استقبال الاطفال المفزع...!

قابلنى والد تلك الطفله "المتنفّخه"..ها يا دكتورة ايه الاخبار...؟؟؟

كويسه..بس لازم تدور لها على حضانه ورعايه ماينفعش تفضل كده....!!

!مابندور اهو يا دكتورة...ربنا يستر.

.كانت االبنت تعانى من عيب خلقى فى الجهاز الهضمى..ادى الى مضاعفات ..ادت لتدهور حالتها..

.اكملت كلماتى مع الاب وانا امشى مسرعه كى اشترى اى مشروب...هموت من العطش من التنفيخ...!!!

!عدت مره اخرى..لمحت ذلك الاب...وهو واقف وجهه الى الحائط..معطيا ظهره للدنيا كلها...!!

جلست قريبا منه اراقبه ..لم اجرؤ ان اكلمه....!

كنت اعتقد اننى وحدى انفرد بقدرتى على البكاء الداخلى..!

!لكنه فاقنى..!

!فحقا مصيبته اكبر...و المه اكبر واكبر...!!

!تمتد يده من حين لاخر يحسس بها على صدره..كانما يحاول ان يهدأ نفسه...!!!

يغمض عينيه ..كانما يسترجع حلمه فى تلك الطفله..!!!

طفلته....!!

ادخل مرة اخرى للاستقبال...انظر للطفله...واخذ دورى فى التنفيخ دون كلمه..!!!

يدخل خلفى هو الاخر..وينظر اليها ..دون كلمه...!!

!تنتهى الطفله....دون كلمه...!!!

!بتاريخ23-8-2008

Open Post..!

اللى عنده حاجه يقولها ..

شكرا على الازعاج

اتطلع الى الافيش..لطيف..وجه احمد حلمى يشعرنى بالراحه...
-يالا نتوكل على الله ونحجز....؟؟؟

يتسأل اخى فى خبث...فهو يعرف اننى لست من ارباب السينمات..

-يرد ابنه:بابا..هو ده فيلم "كركر"؟؟؟

-لا ياحبيبى كركر خلص خلاص...ده فيلم جديد..


-بس انا عايز كركر..!!!
ترد والدته فى حزم.."اللى هى مرات اخويا"

-احنا هنبتديها بالزن..لما نروح ابقى شوفه على الكومبيوتر..للمره السبعين!!!!!

جلسنا وانا على اتم الاستعداد ان ازيح جو الكآبه..و
القفش ليفارقنى ولو فى الظلام لمده ساعتين فقطface
!!!!!

تمر ربع ساعه من الفيلم...

هو مافيش فلم تانى غير فيلم تانى غير ده يا شوشو؟؟؟

يتسأل ابن اخى وكله امل...

ولكن تاتى اجبتى مخيبه لكل اماله...لأا ياحبيبى...

طب انا هنام بقى...

انفجرت فى الضحك..
ينظر اخى الى فى استغراب شديد..وكأنى عملت عمله....مع ان المفترض ان الفيلم كومدى..واحتمال الضحك وارد يعنى...

!!

اكملت الفيلم...فى ملل..تؤ..انا عايزه اضحك بقى..!!!

الى ان جاء المستر سيين بلغه اهل السينما..وهنا بدات اشرد...
وافكر...

وجاء صوت شيرين يدغدغ مشاعرى...

"تعمل ايه لو نمت يوم وصحيت..ولقيت
اقرب ماليك فى الدنيا مش حواليك..!!!!

يالهوى...!!

هعمل ايه؟؟؟

وهنا انفجرت فى البكاء...وعلا صوتى...


ينظر الى اخى وزوجته...وهما يكتمان ضحكتهما...

اخيرا لقينا حاجه نضحك عليها
!!!

لم اهتم بغلاستهما...

وظللت افكر...

ينتهى الفيلم...

يسألنى اخى ببلاهه وهو يزيل اثر المنديل من على عيني:بس الفيلم جامد..اتبصتى؟؟؟
ارد بقوة..:جداااااااااااااااااااااااا..

عدنا وانا افكر...

والى الان افكر....


هتعمل ايه لو نمت يوم وصحيت ..ولقيت ..اقرب ماليك فى الدنيا مش حواليك؟؟؟
بتهيألى هتخاف تنام!!!!

N.B.

اظرف حاجه انك تبقى داخل فيلم كوميدي...وتخرج منه اكأب مما دخلت...
!!!!

انا مارضيتش احرق الفيلم..للى عايز يدخله..

بس يخلي باله انه مش هيضحك...

!!

نفسي فى لحظه اختفى!!!

"نفسي فى لحظــــه اختفى"

داهمنى هذا الشعور بقوة..طوال مايقرب من شهر....

شعور غريب..بل امنيه عجيبه

لم يكن هدفى كهدف.."عصفور"عبد المنعم ابراهيم " فى فيلمه الشهير...

ان يهزم قوى الشر المتمثله فى "توفيق الدقن"..وان يحرر االحاره من سطوته

ويفوز هو بقلب حبيبته..

.بعد ان يثبت لها بان العلبه فيها معزة وليس فيل

!!

انمـا كان هدفى ارقى واسمي بكثير...

هو " انى عايزة اريح دماغى شويه"

فهل من سبيل ؟