Wednesday, April 11, 2007

يا ما الهدوم بتدارى

يا ما لهدوم بتادرى
وانت ولا دارى...
....
ياما فى قلوب تعبانه
وانت ولا دارى...

ياما فى عيون حيرانه
وانت ولا دارى
.......
يا ما فى عقول مرضانه
وانت ولا دارى
.............
يا ما فى نفوس مخنوقه..مداسه مكبوته
وانت ولا دارى
...............
ياما فى ضحكه مكتومه ...ع الوش مرسومه
وانت ولا دارى
.............
يا ما فى صرخه الم فى الفضا... بتسممع
وانت ولا دارى
..........
يا ما فى ايدين بتترعش ..وعيون بتدمع
وانت ولا دارى
................
يا ما فى جروح مقفوله..وف نفس الوقت ....محسوسه
وانت ولا دارى
................
يا مافى ناس بتغيب ع العين
لكن م القلب هتروح فين؟؟
وانت ولادارى
............
ياما فى عربيه متانتكه معديه..
وانت ولا دارى
.............
يا ما فى حمار..جارر جرار!!..
وانت ولا دارى
...............
يا ما فى دوا موصوف م الهوا
وانت ولا دارى
..................
ياما فى مرض ..ووصفه القدر..
وانت ولا دارى
..................
ياما فى رجاله لابسه ومستأسده
وعيونها متلفته
وانت ولا دارى
................
ويا ما فى رجاله... ساكته .. بس سكوتها قوة
وانت ولا دارى
..............
ياما فى ناس بتجرى.ورا القرش
وانت ولا دارى
........
يما ناس عماها الكرش
وانت ولا دارى
..............
ياما عقول بتفكر..
وياما قلوب تتعصُر
وانت ولا دارى
وياااما ..ويامااااااااااا.............
شفت كل ده بيحصل وانت ولا دارى
ده صحيح..يا ما الهدوم بتدارى..
............................................
ماتتغرش باللى عينيك بتشوفه...
ده يااما الهدوم بتداارى
:(
:(
:(

النهارده فى الدرس بالليل حصلت حاجه غريبه جدا..ومؤلمه فعلا وبينت حاجات كتير
ادعو يا جماعه كتير....
ادعو لكل مهموم وقلقان...
ادعو لكل مريض..وتعبان
ادعو لكل الى حاسس انه مخنوق
ان ربنا يشرح صدره وييسر امره

ادعو بجد
ادعوبظهر الغيب
ادعو...
:(

18 comments:

The Groom said...


ما شاء الله عليكي يا دكتورة تخاريف أنت غلبتينا في المواهب أهو

مستعد أن أتنازل عن كلمة فضفضة دلوقتي ليكي لو حبيتي :)

ربنا يبارك فيكي يا رب

حصل ايه؟ يا ريت تطمنينا وادعيلنا و احنا بندعيلك و بنأمن على دعائك

تحياتي من ماناساس البلد

Shower-Mirror said...

هى ايه الحكايه يا جماعه بجد ....

احنا لازم نبخر البلوجر ... :) عشان النكد ده

بس ايه الكلام الجامد ده ...و المواهب العظيمه الجديده دى ... بس ياما الهدوم بتدارى فعلا ...


و ربنا يهدى كل الناس الى ما يحبه و يرضاه .....و يشفى كل مريض و يعطى كل محتاج امين ....

و ربنا يبارك فيكى ياشيماء يا بنت ام شيماء

:)

تحياتى و ياريت تفهمينا فى ايه ... عشان ابتديت اقلق ...


التاج هارد عليه طبعا بس بعد ماتبطلى كلمة ابيه دى ...:) سلام

Noony said...

رب العباد أعلم بحال العباد
الحمد لله على كل حال
الحمد لله رب العالمين حمداً كثيراً مباركاً كما ينبغي لجلال وجهك وعظيم سلطانك يا رب العالمين

مهما فرحنا لازم نفكتر الناس اللي مش فرحانة
ومهما زعلانا نفتكر الناس اللي مش قادرة حتى تحس بالفرح
ومهما وصلنا لازم نفتكر ان في ناس كتير وصلت قبلنا ولأبعد كمان مننا
ومهما وقفنا لازم نفتكر إن في ناس اتأخروا كتير عننا
لازم نحس بغيرنا عشان نحس بنفسنا
بس طبعاً في أوقات كتير بتاخدنا مشاغل الحياة وتبعد عنا التفكير دة...بس لازم في الآخر نرجع ونبص حوالينا وهنشوف ونحس..لأننا مش لوحدنا

اللهم إنك عفو تحب العفو فاعفو عنا يا أرحم الراحمين
شكراً على التذكرة

نوني

صوت فيروز said...

ههههههههههههههههه ياااااه انتي لسه فاكره
مش عارفه لما قريت الكلام ده افتكرت حكاية السلطنيه
بصي يا شيمو
اللي عايزاكي توصلي ليه بقي هو ياتري الهدوم هي اللي بتداري, ولا احنا اللي عنينا ليها قدرات محدوده؟؟
بمعني العيب في عنينا و لا العيب في اللي بيداري
و بيزيف
ما تزعليش عشان انت مش عندك مقدرة اشعة اكس لكشف المكسور

رب عبدك قد ضاقت به الاسباب, و اغلقت دونه الابواب, و زاد به الغم و الهم و الاكتئاب, و انت المرجو سبحانك لكشف هذا المصاب
رب لا تحجب دعوتي و لا ترد مسألتي و لا تدعني بحسرتي و ارحم عجزي فقد ضاق صدري و تاه فكري
فانجدني و عززني و خذ بيدي يا ارحم الارحمين , ياجبار اجبر بخاطري
يارب كل هم في قلب حد خده و بدله بفرح

كمان في دعاء حلو اوي
اللهم لا تذهب قلبي لشئ صرفته عني
ده بجد عشان ما نجريش ورا حاجه مش بتعتنا و نتعب قلبنا عليها قوليه ده بيريح اوي
و اللهم صلي علي محمد

ert3ashat said...

يا رب اشرح لنا صدورنا جميعا...
ايه بس في ايه يا بنتي..
ليه كل ده..ان شاء الله كل حاجه تبقى كويسه...
و شعرك جميل اوي و الله...ما شاء الله

تخاريف said...

ربنا يكرمكم كلكو يارب على الادعيه الجميله...
جزيتم خيرا فعلا..

اللى حصل ان فجاه اكتشفت ان ممكن وانت بتضحك وبتهيص مع صحابك
وفى نفس المكان اللى انت قاعد فيه ده..يبقى فى انسان تانى مكتئب بالمعنى العلمى لكلمه مكتئب
يعنى مش اللى زعلانله شويه ..وخلاص
لا ده مكتئب وماشي على علاج كمان
:(
وحصل انه خد جرعه زياده او حاجه الله اعلم...بحيث انه بقى مش مركز وتايه
وعايز يروح بيتهم ...ومش عارف..لانه مش فاكر...وتلاقى بقى واحد داخل عليك..
انت تعرف فلان الفلانى...اصله تايه ومش عارف يروح فعايزين حد يروحه..!!!
:(
:(
معلش يا جماعه ان كنت خنقتكم
:(
بس بجد فعلا ادعوله كتير هو وغيره

بجد بقيت بدايق قوى انى باخد بالى من الاشخاص..
لان لما بسمع عنهم اى سوء حصلهم بدايق جدا..

و اقعد افكر كتير
......
معلش خنقتكم
بس بجد يعنى البوست اللى فات ده فعلا من قلبى جدا وماكنتش اقصد يعنى انه يطلع بصورة معينه..كتبت الكلام وخلاص...وياريت كلكم فعلا تدعو بقلوبكم

ربنا يزيح عنااا يارب

Shower-Mirror said...

دى حاجه صعبه اوى بجد ...وجعتى قلبى ...

المشكله انى تخيلت ان احنا كلنا معرضين لكده

تخيلت المنظر ..و احد ماسك واحد و بيسأل ان كان حد يعرفه .....؟ حاجه صعبه ..ربنا يكون فى عونك


و بعدين كان حد قالك تطلعى رقيقه و حساسه كده ...؟ اشربى بقه

مالها التناحه و اللا مبالاه ..مش كانت نفعتك ..


تحياتى .... و يارب دايما تفضلى تحسى بالناس ...... عشان تلاقى اللى يحس بيكى لما تحتاجى حد

dr_diamond86 said...

ur blog is gr8 really.
yes our clothes cover alot. a lot of our fake & black hears
not everyone feel others like u do
i hope we all do
coz each of us one day falls in the vicous circle of depression
i tried that. but al7amdollellah i had friends that felt me & forced me 2 speak out.
it really helps when u got someone who really feels u & give u a hand when u fall. 2 them i say thank u very much
thank u 2 shyma2 4 letting us share ur thoughts

emos said...

ربنة يشيل من على الناس كلهم و يرحمهم يااااااااااااا رب

The Groom said...


على فكرة انت طلعت في الحلم يا دكتورة

روحي شوفي نفسك بقا :)

تحياتي من ماناساس البلد

sabrina said...

أحساس عالي
وكلأم موزون
بس المشكله ان أنا داري
!!!!!!!!

تخاريف said...

قالوا: مسموح أن تحكى !
المضحك فى القصة أنى
أتهرب عمدا من ضحكى
أرغب أن أضحك لكنى
أعرف أن الضحك سيبكى !
:(
ده احساسى من ساعه الحكايه دى...
مع انى اساسا ما بكلمش الولد ده..ولا عرف ظروفه..
بس كنت اوقات بشوفه..
بحسه هادى وغلبان..
:(
ربنا يزيح عنااااااا يارب

تخاريف said...

على فكرة الى فى اول الكومنت اللى فات
ده مش شعرى
للاسف مش عارفه بتاع مين...ممكن يكون بتاع احمد مطر...

shabfa2re said...

يارب يفرج كروبنا جميعاً

دينا فهمي said...

ربنا يرفع عنه يا رب ويعافينا

تخاريف said...

ياااااااااااااااارب

Whisper said...

فعلا..
ياما الهدوم بتداري..وماحدش داري
وياما بنداري الحزن ورا ابتسامة صفرا
وياما بنداري الجرح ونبقى بنموت من الالم...وبنضحك
عشان ماحدش حاسس
وماحدش فاهم
وماحدش داري

تخاريف said...

:(

وحال خجلى من ان اساعدك يا اخى.........

:(