Friday, December 28, 2007

! نجحت





ما أسهل أن ترمى رفات ذكرى وراء ظهرك
...

.....

وما اصعب ان تمنع نفسك من الالتفات اليها

...


امــــــا الاصعب والاصعب..ان تقاوم يديك..كى لا تلتقطها مره ..
أخرى
!!!

Sunday, December 16, 2007

عندما تتساوى الجرأه بالوقاحه!!






شركه "اخلع كمان وكمان.."للانتاج الفنى تقدم
....
فيلم العيــــــــــــد...

"فيلم جرئ"


-وياريته فيلم واحد المصيبه انهم لحد دلوقت اتنين.!!-

بطله الفيلم..لازم تكون طبعا يا رقاصـــه حاولت تمشي بشرفها...

يا واحده مشيها بطال...مفهمه اخوتها انها ممرضه..

ماهو فيلم جرئ..!!

طبعا مافيش داعى بقى لملابس للبطله واكسسوار..

ومصاريف انتاج ع الفاضى...

وبعدين عشان نطبق شعار شركتنا..!!

بالنسبه بقى لشوتات الفيلم..المشاهد يعنى..مممم

خلينا معظمها فى السرير..

وعشان المشاهد مايزهقش..لما نغير نروح الكباريه..

سورى طول عمرى الفاظى بتخونى..اقصد.."النايت كلب"..

مش فيلم جرئ بقى ..!!

اما بقى القصه..فمافيش مانع من شويه علاقات محرمه ...مشبوهه ..شاذه..

على مقززه..كده يعنى...بس اهم حاجه طبعا انها تبقى جريئه..

عشان تخدم فكره الفيلم..

انتو نسيتوووا...ماقولنا فيلم جرئ!!!!

وعشان يبقى جرئ جرئ موووت مووت مووت...

اديها بقى كام شتيمه من العيار التقيل على كام حكمه كده

من افواه المخمووورين والحشاشيين واصحاب السوابق ..

ومايمنعش كلمتين كده ف السياسه ع الماشي...عشان نجارى عصر الجرأه...!!!

واخيـــــــــــرا..ويارب يكون اخرا..

تكتمل بقى عوامل الجرأه بوضع اسم"خالد يوسف" مخرجا للفيلم....!!!!!!


و"اهلا بسينما الوقــــــــــــــــــــــــاحه"

يييييوه تانى الفاظى بتخونى..مش مهم بقى..

المهم ان المضمون جرئ.
.!!!!!