Friday, April 27, 2007

نظريه الكعب

السلام عليكم ورحمه الله يا اهل المدونا ت الكرام..

كيف
الحال؟؟؟
يارب تكونوا بالف خير..
ان شاء الله
ال
يكم الان
نظريه المكعب...

احم .........

النظريه دى مجهود حوالى 3 سنين
تفكير
وتعمق
وجهد
..وعرق..
وكل حاجه
نفسكوا فيها...
:)

لا بجد..


كله يفتح فخوا معايا كده..
وتعالوا نراجع بس شويه حاجات كنا بناخدها فى الهندس
زماااااااااان فى اعدادى..
from the land beyond
..beyond..

:)
المكعب...
هو شكل هندسي منتظم..له سته اوجه..
كل وجه عباره عن مربع...
مساحه المكعب
=
طول الضلع تربييييع
اس اتنين يعنى..

حجم المكعب
=
طول الضلع تكعيب
اس تلاته يعنى

لذيذ اوى المكعب ده..
كنت بحبه اوى زمان فى المسائل
لان حسابته وقوانينه كانت سهله
:D
يااالا خلينا فى موضوعنا...

كله يتخيل كده انه واقف قدام
مكعب كبيييير

هاااااا

هتشوف كام وجه للمكعب ده وانت واقف كده ؟؟؟

واحد صح...

طب ماشي...
روح لف كده واقف عند الزاويه...
.هااااااا
شايف كام وجه؟؟؟
اتنين ..
مممممم

صح..
طب...
تقدر تشوف كل اوجه المكعب فى نفس ذات الوقت؟؟؟

حلوة فى نفس ذات الوقت دى
:)

امممممممم
لا طبعا...

الا فى حاله واحده بس؟...

ان يبقى المكعب ده متفرغ..
من جوا ومسموح لك تدخل جواه...

زى البتاعات اللى داخله فى المكعب اللى فى الصورة دى..
ساعتها هتشوف كل الاوجه السته...
مممممممممم

هكذا هو الانسان....
ماهو الا مكعب متحرك...
...
ركزوا معايا كده..
لما تيجى تقرب من اى اانسان..
مش هتقدر فى الاول..
تشوف منه غير وش واحد بس ..
اللى هو عايز يوريهولك

صح

بس بعدين لما تبتدى بقى انت تلف حواليه..
او بالاصح الدنيا هى اللى تخليك تلف حواليه
وتشوفه فى كذا موقف

ساعتها هتشوف وشوش كتير

ماكنتش شايفها فى الاول..

بالظبط زى المكعب..

بس للاسف

فى فرق واحد بس..

ان المكعب معروف..ان له ست اوجه بس..

وسبحان الله كل واحد زى التانى...

راح ولا جه..
مكعب
:)

لكن الانسان له عدد لا نهائى من الوشوش..

مجهوله المصدر

وغير معلومه المقاييس

فمثلا تلاقى

الوش المبتسم..

والوش المكتئب

والوش الحزين

والوش العكر

والوش الجبس..

وده مخصوص للمواصلات
:D
وغيرها من الوشوش...

ياترى تعرف انت ليك كام وش؟؟؟

معلش فضفضه المره دى ملهاش علاقه بالبوست اوى..

بس سبحان الله هى جت كده..
اتنين بحبهم وربنا يعلم..
:)

بعتولى رسالتين على موقع مجهول

كده كان بقالى خمستلاف سنه مادخلتش عليه..

:)
وسبحان الله ..

كنت محتاجه رسالتهم دى اوى..

ناس كتير ملهاش لازمه
وناس وجودها فى حياتك يعمل ازمه
ناس تقرب منها تحس ان ليها كاريزما
وناس كده.. تحاول تلقطها فى وسط الزحمه
:)

ربنا يعنا كلنا على انفسنا
معلش
طولت عليكم
بس انتو اخواتى..فاستحملونى..
دمتم سالمين يارب..
:)

21 comments:

Noony said...

خيال نفسي؟

نظرية سديدة
واثبتيها بطريقة سهلة جداً

شخصياً، أنا معرفش انا عندي كم وش (شخصية) لأنهم ببساطة كتييييير جداً وبيتغيروا على حسب الحالة والموقف والأشخاص المحيطة

كويس انك لسة فاكرة قوانين المساحة والحجم ..أنا نسيت من قرون سحيقة طبعاً

لا فوض فوك يا أختاه
:)
أختك
نوني

safa7_karmooz said...

الكومنت ده هنا ...عشان ااسجل حضورى...واحاول اارجع واركز مع البوست اللى مش مجمع منه حااجه..:)

Rivendell** said...

في يوم صحيت شاعر براحة و صفا

الهم زال والحزن راح و اختفي

خدني العجب و سألت روحي سؤال

أنا مت ؟ و لا وصلت للفلسفة

عجبي !!!


الفضفضة حلوة وحسيتها اوي اوي

Anonymous said...

يادكتورةمحدش يقدر يحكم على حد الا اذا قدر يدخل جواه
وصعب تدخلى جوه حد الا اذا سمحلك هو
بس نظريتك صح
بس هانشغل نفسنا ليه
ربنا معاكى

Anonymous said...

توبيك هايل يا شوشو
بجد روعة

وياما الهدوم بتداري
والوشوش بتداري
والكلام بيداري

وانت ولا داري :)

تسلم ايدك ياقمر

ودمتي بكل خير

•«ρяoιd»•™ said...

تصفيق حااااااااااااااااد

انتي دماغك مشكله بجد

بس صحيح

مالك و مال المكعبات

انتي مش في طب

سبيلي انا الحاجات دي

انا بتاع الهندسه

هههههههههههههههههه

لاء بقي الكلام اللي بجد

حلو قوي تفكيرك و دماغك العاليه دي

و فعلا زي ما قولتي الشخص ليه ملايين الوشوش

مبيدعوش

كله بيطلع وقت الحاجه إليه

تحياتي

Shower-Mirror said...

كل مالواحد بيكبر فى السن و خبرته بتكتر ... الوشوش كمان بتكتر ... و بيقدر يتلون كتير حسب اللى قدامه ...

بوست جميل قوى قوى

تحياتى

An Author said...

بوست جميل جدا و واقعى يا شيماء..
بجد وشوشنا بتتغير بحسب طبيعة المكان اللى احنا فيه و حسب البشر الموجودين فى الوقت ده و حسب درجة معرفتنا بيهم وحسب درجة تقبلنا ليهم ..

ياااااااااه
مليون سبب وسبب
و مليون وش و وش لينا

ياترى كلمة انت بوشين دى اللى كانت شتيمة زمان ..تنفع دلوقتى بعد اثبات النظرية ؟؟

Anonymous said...

:)...ezayek?
post 7elw awyy ya takharef
aiwa heya deh falsafet teb :D..
weghet nazr 7elwa w wak3ya awyyy...
ana bs 2olt a3ady asalem 3aleky :)

تخاريف خاصه! said...

noony
الحبيبه..

اه طبعا فاكرة القوانين جدا..لانى كنت بحب الرياضه اوى..
يااالااا الحمد لله

ربنا يكرمك يا رب

سفاح كرموز

ماشي اانا قاعده مستنيه اهوه..

:)

تخاريف خاصه! said...

Rivendell**
:)

الرباعيه اللى انت كتباها احلى..
واحلى
:)

تخاريف خاصه! said...

حياه الروح...
:)
اسمك حلو اوى..
..
كلامك صح..فعلا ماحدش يحكم على حد الا لما يبقى فعلا شافه من كل الزوايا..
وهى دى النظريه...
:)
نورتينى


whisper
ربنا يعزك انت يا قمر..

فعلا..يا ما الهدوم بتدارىالاف الوشوش..

تخاريف خاصه! said...

•«ρяoιd»•™
العزيز

ربنا يكرمك

ابيه شاور..اللى بقالى فترة مش باين

:)
والله سالت عليك..

مممممم

صح برضه..الوحد لما بيكبر بتزيد الوشوش..

ربنا يستر بقى...
:)
وماتتأخرش علينا

تخاريف خاصه! said...

جيداء..
اولا اهلا بيك..ونورتينى بجد..

ثانيا بخصوص سؤالك ..
هو فعلا اصبحت مش شتيمه..انك تقول لواحد ده بوشين..
لا انت اللى ماكنتش واخد بالك اصلا انه عنده خمستلاف وش مش اتنين بس..
:)

ارتعاشات...
اللى قاطع بيا..
:)
بجد يا بُنى لما جيت ولقيت الكومنت بتاعك..اسعدتنى بجد..
:)
خلى بالك من المذاكرة

ربنا معاك ..ومعانا..
.................

اسالكم الدعاء..
:)

Eric Matt said...


دكتورة تخاريف

أسألك الدعاء

أسف على التأخير لكني كنت مشغولا قليلا

ربنا يكرمك و جزاك الله عني خيرا

ربنا يريح بالك يا رب

بالنسبة لي أنا بتعامل مع الناس بوش واحد بس في كل الأحوال الحمدلله يمكن دي ميزة أو عيب لكني بلون واحد و انفعالات واحدة في كل الأوقات

تحياتي لك من ماناساس البلد

Tamer Nabil Moussa said...

نظرية تهم كل انسان

هنشرها واعلن عنها فى كل مكان

تحياتى

safa7_karmooz said...

انا مش فاهم حاجه خاالص مالص

وبما ان المدونة تسمى تخاريف

ونحن وقت امتحانات

هتغاضى عن البوست ده :p

تخاريف خاصه! said...

اخويا اللى عايز يتجوز
:D
ربنا يكرمك يارب..
وزى ماقلتلك احمد ربنا انك بوش واحد..
دى احسن نعمه..
:)


تامر نبيل..
انشر حضرتك براحتك..بس حقوق النشر محفوظه..
:D


اما بقى سفاح كرموز..
ممممممممم
وبعدين...
شكلكل بتاخد درس بره..
:)

حاول تقرها تانى يا بنى..
دى اسهل من فيثاغورس
:)

وبعدين بقى انا عنديش امتحانات دلوقت غير بس يعد تلاات اسابيع..
لكن امتحانا ت اخر السنه فى شهر ديسمبر وعليك خير..
تكون انت خلصت الليسانس وخدت الماجستير كمان

:)

•«ρяoιd»•™ said...

تخاريف

شيماء

هل تسمعني ؟!!؟

حول

انتي فين بقالك مده

جيت اطمن

لعل المانع خير

تحياتي

تخاريف خاصه! said...

الو الو...
proid
انا هنا..حول...

عندى امتحان جراحه كمان 3 اسابيع..

حول..
ادعوولى...
حول...

Anonymous said...

نظرية جميلة جدا يا شيماء وحقيقية الي بعد كبير بس المكعب وشوشه كلها مقاس واحد لكن الانسان كل وش له شكل ومقاس مختلف وانتي وحظك
ياااااه فكرتيني بالهندسة :(