Monday, October 29, 2007

انه حقا عالم واحد...2




يحكى انه فى اول الزمان..فى سالف العصر واالأوان..
حيث كانت العيشه جنان..والموضه "ستان"
كان هناك غابة بعيده...اللى حكيت لكو عنها

..هنا قبل كده

فاكرينها..؟؟
المهم أهالى الغابه دول كانو وحشيين...وحشيين..

مغلبين حاكمهم المسكين...

حاولنا نفهمهم..وغلبنا نقول...يا اهالى الغابه يا متعبيين..

ياللى عالنكد والكأبه متعوديين.
.
وللفقر والشحاته..محترفين...

سيبوا اسدكم فى حاله ..ده اسد مريض..والعَجَز جاله...

مش معقول كل يوم والتانى تحرقوا دمه على صفحات الجراييد
!!!!
مره تقولوا خايين كبير..ومره عميل اجير..

وف الاخر تطلعوا الاشاعات بانه جاله هادم اللذات..

ومفرق الجماعات..وانه كده ببساطه مات..؟؟؟
!!!!
اتقوا الله يا ااهالى الغابه..ده انتو والله تستهلوو اللى بتعمله فيكو الكلاب والديابه...

لا واللى زاد وغطى..

العصافير الصغيره ..اللى من البيضه... لسه ماطلعتش ...

وفى امور الغابات..قطعا ماتفهمش...

قال اييييه...شويه منهم عاملينلى..جماعه فى كتاتيب الغابه..!!!!

وقال ايه..اتحاد عصافير..

وكلام كبير..لا وكمان طايشيين ..

ومش خايفين..
نازلين الانتخاابات الاتحاديه..

باسم الجماعه المحظورة ديه...
!!!
لاهمهم بقى صغير ولا كبير...ولا عميد ولا غفييير..
!!!
وطبعا كان لازم نوقفهم عند حدهم..

ونشطب اسماءهم من الانتخابات الكوسويه..

يوووووه..اقصد الاتحاديه....!!!!


وعشان نأمن موقفنا..ونضمن ان ماحدش منهم هيقرفنا..


بعتنا لهم شويه بلطجيه...

سامعاك بتقول فين..؟؟

هيكون فين يعنى..فى حرم الكُتاب الجامعيه...
!!!!

مش عشان يضربوهم..ولا يخوفوهم لا سمح الله...

لا..عشان يعلموهم اصول الحريه..

ونرسخ جواهم مفهوم الديمقراطيه...
!!!
وعشان نفهمهم..ان غابتهم هتفضل طول عمرها..

غابه أمنه..وان اللى هما ماشيين وراهم دول هما الخونه...
!!
ومافيش مانع اننا نصطاد كام عصفور كده.

.مش عشان نعذبهم ولا عشان نقصص ريشاتهم..

ابدا...

بس عشان نفهمهم مبادئ الحياه الكُتابيه...

فى تلك الغابه النظيفه الذكيه..!!!

وليصبح شعارهم...

"ماما قلتلو سيب القطه وخليها فى حالها؟...
ساب مدرسته ورما كرسته وراح جر شكلها...
راحت القطه مخربشه ايده لما مسك ديلها...
وادى جزاء اللى مايسمعش كلمه ماما تقولها....
..
.!!!


ومن هذا المنبر ..اوصيكم ونفسي..كل واحد يخلى باله
واوعى يهوب ناحيه ديل القطه
..!!!


14 comments:

Noony said...

ولا يلعب بالكبريت...عشان النار ماتلسعوش..ويشرب كوباية اللبن قبل ما ينام ويتغطى كويس...ويا ريت أول ما يصحى وينزل الشارع يغطي ودنه وعينه ولسانه كمان...عشان النار ماتلسعوش
ولما يسمع كلام ماما...هايبقى شطور وكميل ويستاهل إنه.....يبقى شطور وكميل برضه

لنا الله
مش عارفة ليه بقيت أحب الغابة

نوني

وارف said...

والله يا شيماء يا بنتي انا دخلت الاتحاد سنة 2001 وكان بعد 11سبتمبر ، وكان داخل ضدنا اسرة ابوبكر واخذوا لجنتين
معرفش بقى السنين اللي بعد كده حصل ايه لاني قاطعت الليلة وعرفت اللي فيها
انا كان رأيي انكم كنتم تقاطعواالانتخابات تماما ومايبقاش فيه لان في سنة سادسة انا عملت كده لانهم شطبوا واحد صاحبي عزيز عليه (للاسف النصاب كمل بواحد) بس راضيت ضميري لان ماحبش حد يتدخل من بره بيننا وبين زمايلنا احنا حرين في بعض ان شالله نقطع بعض
انما امن ومتا... قصدي امن مركزي وعساكر وضباط، وناقص اثنين ويعلنوا الحرب، وجوه الكلية، والصحف تكتب؟؟
خلصي الامتياز وهاجري
البلد دي مايتعاشش فيها

محمود على said...


ان لم تستحي ففعل ما شئت

الحكومة خلاص مبقاش يهمها انها تبان ديكتاتورية او مستبدة

يا مراكبي said...

إنت متأكدة إنه قطة ومش حاجة تانية؟

راجعي نفسك تاني .. وخدي بالك من ظوافر ال .. القطة

3ala asm masr said...

لنا الله
اه والله بجد مش عارفه اقول ايه تانى

•«ρяoιd»•™ said...

مصر هي مامتي .. لونها لون بيجامتي

ربنا يرحمنا بقي

يا ياخدنا يا ياخدهم

مش نافعه العيشه كده

تحياتي

Soooo said...

وبكده نكون عرفنا فين الغابه
ومين الديابه .. ومين الغلابه

بس الحدوته لسه ماخلصتش
عايزين نشوف ابو ذمه كاوتش

هيعمل ايه لما يروح النار
هيفرح .. ولا هيبقى محتار

انا حاسس انه هيقول انا مظلوم
مانا عندي لحم بالكوم
عايزين كسوة هدوم
وعايزين ياكلو لحوم

وساعتها هياخد فين يوجعك
وابقى شوف مين يسمعك

-------------------

.. عاجباني الغابه بتاعتك
الاقيش عقد عمل عندكم؟؟؟؟

سلامووووووووووز

أحمد سلامــة said...

القطة المشمشية
حلوة بس شقية

:)
جميلة قوي وهي والجزء الاول احلى من بعض
يعيني عالاسد لو قرا الحدوتة دي
هياكلك في بوء واحد

ايخس عليكي يا قطة
قطة مشمشية

تخاريف خاصه! said...

العزيزه نونى...

كويس انك بقيتى بتحبى الغابه....ادعيلها...
:)

وارف...

انا عن نفسي مانزلتش من بيتنا اساسا...
وطبعا العادى انهم شطبوا اسماء الناس اللى نازلين من اسره ابوبكر..
او تقريبا مارضوش ياخدوو ورقهم فى التقديم اصلا..

اخلص الامتياز واهاجر!!!!!

هروح فين..بلدى حبيبتى هى الوحيده اللى أوياااانى...ومستحملانى..
:D

تخاريف خاصه! said...

محود على...

صدقت...


يا مراكبى...
ايوة يا باشمهندس...هى الاغنيه كده...
:D
وربنا يحفظنا من القطط...

تخاريف خاصه! said...

على اسم مصر...
ماتقوليش حاجه....
دعونا نعمل باسم مصر فى صمت...
:)

PROID
لونها لون بيجامتك كمان...!!!!
:)

لا ان شاء الله...

تخاريف خاصه! said...

SOOO

عقد عمل..؟؟هو اهالى الغابه لاقيين شغل اما هيبقى فيه عقد عمل...
!!!

بس الكلمات جميله جدا...
:)


احمد سلامه....

الله يكرمك يا دوك...

ده حتى القطط المشمشيه طيبه...!!
توحشت دلوقت..؟؟؟

:D

Ert3ashat said...

ههههههههههه
ايه ده يابنتييييييي
بلاش كده انتي داخله على امتحانات
:))))))))))))))))))))))))))

بس بجد اسلوبك جميل و بسييييط :))))

وحشتني البلوجات :)

تخاريف خاصه! said...

اهلا اهلا بدكتور ارتعاشات

:)

فينك يا راجل..
ربنا يعينك فى المزاكرة..

ادعيلنا معاك يا دوك...

:)