Sunday, June 10, 2007

لماذا؟؟


فى تلك الايام القليله الماضيه..حدثت لى اشياء ..
صراحه لم اكن اتخيل فى يوم ما ان تحدث..
معظمها لم يمسنى بصورة مباشرة..ولكنه بالطبع ترك اثر كبير فى داخلى..
وطمس معانٍ ربما لو حاولت ان استعيدها ثانيه لن استطع..
وظل السؤال..
لماذا كل هذا؟؟؟
هذا يتناحر ويصارع...
وهذا يخسر اقرب الناس اليه ويقطع اخر حبل يربطهم بيديه..
وهؤلاء يلقون باجمل ايام العمر ..ولا يعبأوون
الهذه الدرجه سواد القلوب..؟؟
الهذه الدرجه تفاهه الناس..ونظرتهم للحياه انها حلبه ..
لا بد ان اكون انا الرابح فيها..وحدى..
؟؟؟
فبحق ..الايام الماضيه مرت ..
وانا اعلم انها ستشكل جزء كبير فى مستقبلى النفسي...

قبل ان اكتب هذا الذى اكتبه..كنت اتصفح ايميلاتى....
فوجدت هذا العنوان..
لماذا نخسر اشخاص نريدهم فى حياتنا؟؟؟؟
..
وقبل ان اضغط على الماوس كى افتحه
توقفت امامه كى اقرا العنوان جيدا...
فى محاوله منى ان استجمع معناه..
هكذا علمنى الطب
:)
لماذا نخسر اشخاص نريدهم فى حياتنا؟؟
واحضرت ورقه وقلم ..واخذذت افكر فى اجابه السؤال..
اول ما جاء ببالى ..هو ان السبب..

ههو اللا سبب.. idiopathic
بلغه الطب..
انه القدر..وظروف المكان والزمان..
قد تجعلنا نبعد عن اشخاص نريدهم فى حياتنا..
ولكن يظل طيفهم عالق بالذاكره..
اما ثانى الاسباب
قد يكون سوء الفهم..
وهذا هو اشيع الاسباب..
تجعلك تخسر اعز الناس ..
لمجرد فقط انك لم تحاول ان تفهمهم
ولم تعط لهم الفرصه ان يفهموك..
او لانك مصمم على انهم لم يفهموك..
وانك بالنسبه لهم..لا شئ..
مع انك فى الحقيقه ..ولو فكرت للحظه..
لوجدت انك قضيت معهم اكثر من نصف عمرك..
ولو حاولت ان تسترجع شريط ذكرياتك..لوجدت
صورهم تقفز منه ..يشاركونك الفرح..والحزن ..اللعب ..والهم
وبالرغم من هذا كله تقف عند التفاهات
..وتصمم على ان تخسرهم..
لا لشئ.. ولكن لانك لم تفهم...
انه من الصعب ان تصادف فى حياتك..
من تأنس به مثلهم مره اخرى...


اما السبب الثالث..فهو انك اصلا لا تستشعر بقيمه هؤلاء الاشخاص فى حياتك..
فوجودهم الدائم فى حياتك يشعرك انهم لا بد..
ان يكونوا فيها..
وانه امر طبيعى يكاد يكون بديهي
ان يتواجدوا فى حياتك..
ولكن لابد ان تاتى لحظه
ويشعروا هم فيها بانهم يريدوا ان يخرجوا خارج هذا الاطار..
لا لشئ..فقط ليعيشوا حياتهم هم ايضا..
...

اما السبب الرابع..فهو الجفاء.....
فالجفاء وهو اخطر الاسباب على الاطلاق..
.
فبالرغم من ان حياتك لا تسقيم بدونهم..
وبالرغم انك لا تسطيع الاستغناء عنهم
الا انك تبخل عليهم بتلك الكلمه الرقيقه..
وتترفع ان تشعرهم بقيمتهم عندك..
فتجد نفسك..تخسرهم يوما تلو الاخر..

قد يكون هناك اسباب اخرى..ولكن هذا ما لمسته ..
مؤخرا...

ومهما تعددت الاسباب..
فالخسااره واحده...

17 comments:

!!! الراس الكبيرة منة said...

معلش الايام بتهون حاجات كتير وحياة الانسان عبارة عن سلسلة من التضحيات
ويا ستى خليكى دايما متفائلة مين عارف اييييه اللى ممكن يحصل؟!!

Dr.SEA said...

ايه الحلاوة ديه يا شيماء
:)
نبارك لنفسنا على دكتورة كبيرة فى الطب النفسى
:)
كلامك هايل و حسيت فيه نفسى اليومين دول بس للأسف ساعات كتير الواجد بيكون فاهم كل الكلام ده و برضه بيبقى مضطر يخسر بعض الناس ...
مش لازم تكونى انتى دايماً المسئولة عن حاجة زى كده .. زى ما اتتى فكرتى لازم اللى حواليكى يفكروا فيكى بنفس الأسلوب و لما تحسى ان وجودك فى حياتهم مش مهم أو مش هو الحاجة اللى حياتهم مش هتستقيم من غيرها أ و لما تلاقى أنهم مش على استعداد لبذل أى مجهود زى اللى انتى هتعمليه أو فعلاً بتعمليه عشان تحافظى على وجودهم فى حياتك ... يبقى مينفعش يا شيماء ويكده تبقى بتقللى من قيمة نفسك مهما كانوا الأشخاص دول طالما مش الأب أو الأم يبقى مايستهلوش مننا غير المعاملة بالمثل أو على أحسن تقدير معاملة رسمية جافة !!! أما عدم الفهم أو الجفاء فده ممكن يحصل بس لو عملتى اللى عليكى وبرضه مفيش فايده ... يبقى خلاص U R BETTER THAN ANYONE OF THEM AND THEY R THE ONES WHO LOST U NOT U YA SHAYMAA
:)

Noony said...

شيمو..ازيكي؟

حللتي الموضوع وفصفصتيه
:)
مهما عملتي أكيد هيجي يوم وتخسري فيه حد تعرفيه لسبب ولآخر...ومهما كان السبب ساعتها مش هيهم لأن خلاص هيكون سبق السيف العذل

أنا مقدرتش أجيب أسباب تانية غير اللي انتي قولتيهم..بعد كدة أغلب الأسباب بتبقى أسباب تافهة أتفه من إنها تذكر

المهم نتعظ..ونحاول نفهم ونقدر اللي قصادنا ونفكر قبل ما نعمل حاجة نندم عليها بعدين

:)
أختك نوني

emos said...

لا حول ولا قوة الا بالله
ربنا يهدى الناس جميعا
ساعات مش بيبقى بيد الواحد اى خاجة من الكلام ده
ولو حاول يصلح الناس يفهموه غلط

المهم ان الاحد يحاول يبقى كويس مع كل الناس و ميخسرش حد

نرقزتونىىىىىىىى

Shower-Mirror said...

اهلا بك فى عالم الكبار ....

تخاريف خاصه! said...

السلام عليكم

الراس الكبيره منه

منورة يا فندم..
:)

عندك حق الايام بتهون كتييير

dr.sea

اولا ربنا يكرمك يا دوك..
بلاش الكلام الكبير ده..
كلامك صح جدا...

بس مش عارفه..
يعنى انت مثلا فى اشخاص بتحبهم..وفعلا مش عايز تخسرهم..
ايه المشكله لما تيجى على نفسك وتتغاضى شويه عشان ماتخسرهمش..
صدقنى اغلبا اسباب الخساره بتبقى تفاهات..
وتبتدى تكبر..لو مالحقنهاش بسرعه..

I am the worst whene I lose them
:)

تخاريف خاصه! said...

نونى

صح انت جيت فى الجوون...
هو ده كان محتوى الايمل..
ان الواحد هيقعد يقول ..انا مش عايزاها..مش عايزة اعرفها تانى..
وكل الكلام ده..
وفى الاخر ماحدش هيتألم غيره هو وهيحس انه قال واتصرف تصرفات هو مايقدرش عليها
ففعلا الواحد لازم يفكر الف مره قبل ما يخسر حد..

تخاريف خاصه! said...

ايموس..
:)
ربنا يهدينا كلنا..
ونحاول مانخسرش اعز الناس بسهوله

نورتينى...


ابيه شاور..
فينك من زمان يا ابيه...
مختفى يعنى...؟؟

ويوم ماتظهر تكتب كومنت مافهمتش منه حاجه..
وتمشي..

مش فاهمه يا ابيه..
هو تقريبا الكومنت جه غلط..
:))))))))
بس منورنى برضه

Doba said...

اعتقد ان الخسارة بتبقى اكبر لما الواحد بايديه بيأذى حد قريب من نفسه وبيخسره لاى سبب من الاسباب

بس مش عارفة ليه انا بمنطق الامور دى انها زى مالواحد يقع - هو لازم يقع علشان يتعلم - وبرده لازم يخسر حد غالى عليه علشان يقدر اللى عنده

تحياتى عالموضوع الجميل ده يا تخ تخ

سلام.........هبة

Ehab said...

ساعات كتير بنخسر ناس حلوه في حياتنا او حاجات حلوه في حياتنا عشان كلمه صغيره استخسرنا نقولها ممكن تكون كلوة حب وممكن تكون كلمة اعتذار وممكن تكون كلمة شكر وممكن تكون حاجه تانيه المهم انه بتكون مهمه قوي للشخص ده بس احنا مش بنقولها وبالتالي هو بيحس انه مش مهم في حياتنا فبيخرج منها عشان يدور على ناس تعرف تقوله انا بحبك وانا اسف وانا اشكرك
عشان كده انا هاحاول ادرب نفسي على الدرس ده واقولك يا سكره موضوعك هايل وشكرا ليكي عليه

***************
وشكرا لدوبه اللي اديتني اللينك وقالتلي انه موضوع حلو قوي
سلاااااااااااااااااااام

Shower-Mirror said...

لا الكومنت مش غلط ...اللى اقصده ان هو ده عالم الكبار ... بعد ما نبدأ نتحمل المسؤليه بيكون للناس حسابات اخرى ...حسابات كتيره بدون اخر و بكل بساطه ممكن قوى تكون نتيجتها ان احنا نخسر اشخاص كتير نعرفهم ...و ساعات فيه ناس بتخسر كل معارفها كمان

تحياتى يا دوك

تخاريف خاصه! said...

Doba
أولا اهلا بيك فى المدونه ومنوره ...
:)

ثانيا صح الخساره بتبقى اصعب لما انت اللى بايدك تخسر الناس ..
بس المهم فعلا اللى هيتعلم..


الشنكوتى الكبير..
منورنى حضرتك

صدقنى المسأله مش مساله مجرد كلمات وخلاص..الاهم التصرف والتعبير عن الكلام بواقع عملى..
تبين للى انت بتعزهم قد ايه انت فعلا بتعزهم وعايز تحوط عليهم..

تخاريف خاصه! said...

ابيهى العزيز شاور

ايوة كده فهمنى..

لو هو ده عالم الكبار...
فانا مش عايزة ادخله...
للاسف كلامك صحيح وملموس...
لسه الجاى انقح..

Eric Matt said...


السلام عليكم ورحمة الله وبركاته

ازيك يا دكتورة

هوني على نفسك

ومسير اللي انكسر يتصلح واللي يخاصم يصالح

استعيذي بالله من الشيطان الرجيم وانصحي الناس برفق ومسيرهم في يوم من الايام يعرفوا غلطهم

تحياتي لك من ماناساس البلد وربنا يحميكي يا رب ويوفقك

تخاريف خاصه! said...

جرووم

انا عملت اللى عليا فعلا بجد..
بس خلاص..هما اللى عايزين الخساره تبقى كبيره...

وماحدش منهم راضى يتنازل..

:((((
اتفركشنا خلاص..

هقول ايه الحمد لله..
وكله مسيره يفارق..مهما اتجمعنا..كله مسيره يفارق..

تخاريف خاصه! said...

الحمد لله..
:)))))))))))
ربنا هداهم..
:)))))))))))

lonlysmily said...

كما حللتى وقلتى اننا نخسر اشخاص نريدهم فى حياتنا رغم عن أنوفنا فهذه هى الدنيا تتحكم فينا ونحن لا حول ولا قوة

ولكن ما أثر فى نفسى شخصيا ...الجفاء
ما اصعب ان يجفيكى شخص تحبينه وتقديمن حياتك له وهو لا يأبه
فهذا حقه ومن الطبيعى ان تقومى بهذا

ما اصعب الخسارة..وما اصعب الجفاء..ويليه


الفراق