Monday, October 1, 2007

سبح اسم ربك الأعلى....3

السلام عليكم ورحمه الله
كيف الحال يا اهل المدونات الكرام..ايه اخبار الشهر الكريم معاكووو...
خلاص داخلين اهوو ع العشر الاواخر..ايام العتق الذهبيه..
اللهم اجعلنا جميعا من عتقاءك فى هذا الشهر الكريم..
احناا المره اللى فاتت كنا خدنا فكره كده مبسطه عن ازاى القلب بينبض..
المره دى هنتكلم اكتر عن ازاى القلب بيضخ الدم لكل اجزاء الجسم..
ده شكل القلب من بره..

زى ماقولنا المره اللى فاتت ان القلب ده عضو عضلى اجوف..

بيتكون من اتنيين اذين(ايمن وايسر)واتنين بطين (ايمن وايسر)برضه
يعنى اربع حجرات..

الاذينين هما المسئولين عن استقبال الدم من الجسم كله..
والبطينين هما المسؤلين عن ضخه للجسم كله تانى بس بعد مايكون بقى اتحمل بالاكسجين والغذا...
تلاقى بقى سبحان الله تكوين جدار الاذين العضلى مختلف عن تكوين البطين
تلاقى جدار الاذين رفيع وعضلاته رفيعه ..
عشان تكون عنده ليونه وقدره على استيعاب الدم اللى جايله من الجسم كله..
وتلاقى فى نفس الوقت جدار البطين سميك وعضلاته قويه جدا..
زى ماباين فى الرسم فوق..

كل ده عشان يقدر بقى يضخ الدم فى الشرايين الرئيسيه اللى تفضل تتفرع ..تتفرع ..تتفرع لشرايين اصغر فاصغر..فاصغر..
عشان توصل للخليه اللى انت مش شايفها اساسا فى صباع رجل حضرتك وحضرتى الصغير...
يالله..!!!!
!!
وبين كل اذين وبطين فى صمامات...الصمامات دى حكايه وايه من اعظم ايات الله فعلا...
الصمامات دى عامله كده شبه الباب المروحه
بمرور الدم فى اتجاه معين بس...يعنى من الاذين للبطين بس..لكن العكس لا...
يعنى تخلى طريق الدم
one way
طب ازاى يعنى ..هى بتفهم؟؟؟
اقولك اه سبحان الله..بتفتح وتقفل بفرق ضغط الدم..
اه لا احنا كده هنغوط...وهتسرحوو منى..


:D
ممكن لو بصيتو على الرسومات المبسطه دى وعلى الاسهم تقدروا تتخيلوا الدم بيلف ازاى فىالجسم عشان يوصل لكل خليه...

.يعنى من غير تفاصيل طبيه يمكن مش الكل يقدر يتخيلها..
الصمامات دى هى المحور الرئيسي لاتمام الدوره الدمويه على احسن حال..وبالكفاءه اللى هى عليها..
لو باظت بقى تسمع عن فلان عنده لغط ع القلب..
فلان عنده ارتجاع فى الصمام ا الميترالى..فلان عنده ضيق فى الصمام الاورطى..

ربنا يعافينا ويعافيكوو يعنى ...
عشان كده
Thanks to these valves..
:)
والحمد لله اللى ابدع خلق الصمامات دى اللى يعنى قطرهابيتقاس بالميللى ميترات...
سبحان الله فعلا..!!

المره الجايه بقى هنتكلم عن الرئيتين..
وازاى الانسان بياخد النفس من مناخيره..ويطلعه برضه من منخيره
:D
دمتم سالمين
ولاتنسونا من صالح الدعاء
N.B
مالهاش علاقه بالبوست
وانا بعمل
search
عشان الاقى الصور اللى بالعربى دى..
فكتبتت الدوره الدمويه
فطلعتلى صور منها الصور دى
واذ فجأه ابص..الاقى وش واحد رافع ايده كده..
تؤ..الوش ده مش غريب علياا
شفت فين الوش ده قبل كده...
طلع فى الاخر الاخ الهمام ..
زينه شباب مصر..
رافع راسنا وشايل فاسنا..
الاخ محمد عطيه ..اول من فاز بلقب سوبر ستار فى ستار اكادمى..
طب وده ماله وما ل الدورة الدمويه...
طلع الاخ بيغنيلها ..
!!!!
وانا اللى ثقفتى الفنيه محدوده..


شفتوا الدوره الدمويه مهمه ازاى..
خلت محمد عطيه يغنيلها..!!!

يااااااارب ياااهااااااااادى...
:)



11 comments:

Anonymous said...

Oi, achei seu blog pelo google está bem interessante gostei desse post. Gostaria de falar sobre o CresceNet. O CresceNet é um provedor de internet discada que remunera seus usuários pelo tempo conectado. Exatamente isso que você leu, estão pagando para você conectar. O provedor paga 20 centavos por hora de conexão discada com ligação local para mais de 2100 cidades do Brasil. O CresceNet tem um acelerador de conexão, que deixa sua conexão até 10 vezes mais rápida. Quem utiliza banda larga pode lucrar também, basta se cadastrar no CresceNet e quando for dormir conectar por discada, é possível pagar a ADSL só com o dinheiro da discada. Nos horários de minuto único o gasto com telefone é mínimo e a remuneração do CresceNet generosa. Se você quiser linkar o Cresce.Net(www.provedorcrescenet.com) no seu blog eu ficaria agradecido, até mais e sucesso. (If he will be possible add the CresceNet(www.provedorcrescenet.com) in your blogroll I thankful, bye friend).

Rivendell** said...

جميل يا شيمو بجد جميل

:)

ربنا يجازيكي خير

Noony said...

شيموووووووو
بجد انتي طلعتي حكاية
جزاكِ الله خيراً على المعلومات دي
مع إن أغلب المعلومات (مش كلها) كنت عارفاها..بس أسلوبك حلو ومبسط
Go ahead, dear
وبالنسبة للملحوظة اللي في الآخر دي
فطستني من الضحك
بجد كان بيغني للدورة الدموية؟
طيب انتي عارفة إن عمرو دياب غنى للأميبا؟
للأسف أنا مش حافظاها عاشن أقولهالك

ربنا يهدي الجميع يا رب
:)
نوني

•«ρяoιd»•™ said...

الله الله

دكتوره يا بنتي من يومك

فين بقي الحزء المسئول عن الحب في الأخ اللي كنتي بتشرحيه ده

انا بهزر عادي يعني

بس الشرح فعلا جميل جدا و مفيد

تحياتي

تخاريف خاصه! said...

CresceNet
لو اى حد فهم الكلام اللى هو بيقوله يقولى..

بس منور..اكيد
:D

Rivendell
المكااان نور يا فندم بزيارتك ..يارب تخلصى على خير ان شاء الله ونسمع النتايج الحلووة....
:)
ليك وحشه بجدددددد

تخاريف خاصه! said...

نونىىىىىىىى...العسوله

عمرو دياب غنى للاميبا؟؟؟؟؟

طب غنالهااا قال ايه؟؟؟؟

يافقعى...؟؟

:D..:D


PROID
اين انت يا اخى؟؟؟

ماتتاخرش علينا...

بالنسبه لسؤال حضرتك فالجزء اللى حضرتك بتسأل عنه مش موجود اساسا فى هذا العضو الرقيق...
الله اعلم موجود فين بس غالبا فى المخ..ومالوش علاقه بالقلب نوهااااااااااائى...
:)
منور..

آلاء الرحـمـن said...

تحفه اوى .. بجد اوى يا شيمو

تسلم ايديكى بجد

و يا ريت تدوريلنا على اغنيه الدورة الدمويه دى و بالمره الامبيبا

Soooo said...

انا شكلي دخلت منطقه غلط
يعني الاول الاقي شرح للقلب وتشريح وشعل اناتومي عالعااااالي
عالي قوي كمان
ولما جيت اعلق على اغنية محمد عطيه الاقي واحد كاتب كلام كتير قوي
وبلغه وكتاب الله ماعرف هي ايه
واللينكات اللي فيها دي عن ايه يا جدعان؟؟؟

عموما عموما
شرحك بسيط قوي قوي وده معناه انك ان شاء الله متمكنه من المجال ده وربنا يوفقك يارب
بخصوص الاخ مثال الشباب والرجوله المصريه .. اي والله
الرجوله المضمحله المسفهه .. الاخ محمد عطيه
يعني ايه تغني للدورة الدمويه ولا مؤاخذه؟؟
الناس بتغني للدورة الأولمبيه .. الدوره الافريقيه .. الدورة الرمضانيه
لكن دورة دمويه ؟؟
ربنا يستر ومنلاقيش حد بيغني لدورة الميه

والسلام ختام

تخاريف خاصه! said...

الاء..وحشاااااااااانى جدا جدا جدا...
بجد نفسي اوى اشوفك..
ربنا يعينك يارب..عامله ايه فى المزاكره؟؟؟
وكل سنه وانت طيبه يا قمرة...
:)

sooooo
ههههههههههههه

حلوة هيغنوا لدوره الميه دى.....
:D
منوره ...
:)
ويارب ماتكونش اخر زياره

Eric Matt said...


وماله تفتح الأبواب وتقفل من أجل الدورة الدموية

أبواب القلب يعني

اعذريني على تقصيري

تحياتي من ماناساس البلد

تخاريف خاصه! said...

برافوو يا جرووم

انت كده فهمت ازاى الصمامات فعلا بتشتغل..لازم عشان صمام معين يقفل ..صماما تانى يفتح ويعدى الدم ...
وده مايفتحش الا لما الاولانى يقفل..
كده يعنى زى اشارات المرور فى مصر لو كنت فاكرها يعنى
:)


والله انا كان نفسي اشرح الحته دى بالتفصيل ..بس حسيت انى مش هعرف اوى..
:)
وكل سنه وانت طيب يا اخى..وتعيد بقى وتفرقع بمب براحتك هناك..
:D