Thursday, April 19, 2007

لكم احبك..


لكم احبك...فقربك من عينى يجعلنى دائما اشعر بالاطمئنان...
فأنت جزء منى..من كيانى..من شخصيتى..

فمن خلالك ارى لهذا الكون روح وطعم...

عندما تغيبين عنى اشعر بان هناك شئ ينقصنى..
ومهما حاولت ان اصف شعورى عندما اتحسس ملامحك
....رقتك...ِشفافيتك...
فلن اوفيك حقك...

احيانا ازعم اننى قادرة ان استغنى عنك..
وان استبدلك ..بمن هى افضل منك......
ولكن ماهى الا لحظات ...ويعاودنى الحنين...
لاعود اليك وك
لى لهفه...

اتذكرين اول لقاء بيننا...

عندما وقعت عينى عليك ...بهرنى جمالك الهادئ..
وتولد ذلك الحبى الابدى فى قلبى..
واخذت اردد..انها هى..هى التى ابحث عنها...


مرت الان سنتان منذ ذلك اللقاء...
وحبك فى قلبى
يزداد يوما بعد يوم..
لذاااااااااااااااااا
دعينى الان اقولها عالياااااا
لكم احبك يا نظارتى الحبيبه...
..

20 comments:

Anonymous said...

hahahhahahahahaa

begad post gamed awyy awyyy awyyyyy wlahy elklam eh :D...y3ni ana fakrek bttkalemy 3an 7aga tanya w fg2a al2eha el nadara bs wlahy elklam lay2 awy w mo3ber awyy..

ana kman ba7eb nadrty....3la fekra 3andy sora okht el sora deh.,..okhtaha 3la ketab pathology beta3 sna talta w mlawen feh be nafs el tare2a w nadara shbah bet3tek bs bt3ty 7amra....

begad gamel el post :D...

emt7anaty fe shahr 6 w 3andy emt7an fe nos 5

Anonymous said...

deh Notes dr meen :D gastroenteritis :D...dh pediatrics wla eh :D...

تخاريف خاصه! said...

صح يا سوسه
اطفال...

من الاول انا قايله انا شاكه فيك

:D

على فكرة فكره انك تبقى تكتب عن حاجه وانت قصدك حاجهتانيه خالص دى
اول مرة اقراها فى مدونه
مش عارف

هبقى احط اللينك بتاعها عندى

هو كان بيحكى قصته برضه مع خمسه جنيه
:D


ومتشكرين يا زميلى على البوقين الحلوين
ويارب اكون رسمت بسمه على وجوهكم...بدال النكد بتاع ارتعاشات...
بهزر يا ارتعاشه...
:)

Anonymous said...

sosa leh bs :D:D mfesh icon malak hena :D

wlahy ya benty ana msh m3aky fe el kolia :D..bs ana badres تب f aked 3aref elklam dh :D...

la wmalo ya mazmazel :D...nakad nakad :D...ana kda post 7elw w post nakad :D

Noony said...

أيوة أيوة
أنا وقعت في وسط دكاترة بيهرجوا مع بعض

بقى كدة البعتة دي؟
بس جميلة بجد...حبة واقعية..بدل الرومانسية المفرطة بتاعة ارتعاشات

طريقة مذاكرتك فكرتني بمذاكرتي...لازم ألون وأرسم وأكتب على الجنب..يمكن حاجة تثبت

بس أنا الحمد لله ربنا رحمني من النضارة...بقدرة قادر نظري اتحسن لوحده...الحمد لله رب العالمين
بما انكم اتنين دكاترة عظماء..قولولي الكلام دة بيحصل ولا انا معجزة ولا اية النظام؟

شدي حيلك في المذاكرة يا دكتور
ربنا يوفقك يا رب

أختك
نوني

Anonymous said...

يا عيني عليها وعلى جمالها :))

وانا كمان ملازماني من امتى
من ايام الطفولة السعيدة :)

ربنا يخليلينا النظارات ويطول في عمرها
ويكفيها شر بتوع الكونتاكت لينسز قادر يا كريم D:

Eric Matt said...


تحياتي يا دكتورة تخاريف

ايه الوهم ده

شاور برضو عنده بوست وهمي بالطريقة دي

فكرتيني بنفسي و أنا أنعى أشيائي

وشكرا لك على البوست الرائع

تحياتي من ماناساس البلد

Shower-Mirror said...
This comment has been removed by the author.
Shower-Mirror said...

جامدددده موت

ابيه شاور اتيعت يارجاله

كنت فاكرك كاتبه بوست عن عيد الام ...و هاتقولى فى الآخر امى الحبيبه و كده

بس اكتشفت انك كاتبه زجل عشان الشوافه

ههههههههههههه

لا حلوه صحيح

:)

انا كنت كاتب بوست زى ده من السنه اللى فاتت

ده اللينك بتاعه

http://shower-mirror.blogspot.com/2006/09/blog-post_18.html

تحياتى ...بس انتى ماقلتليش انا كنت غلطان فى ايه ...مش فاهم... ارجعى تانى عندى و فهمينى ...

و بعدين اكتبى تعليق محترم كده مش كلمتين و تجرى ..!! انتى بخيله و الا ايه
:)

Esmeralda said...

و الله عندك حق
دا من غيرها الواحد بيضبش تضبييييش
مرة بابا الله يرحمه قابلنى فى الشارع معرفتوش
تستاهل الكلام ده

Eman Eltaher said...

هههههههههه البوست ده حلو اوى و دمه خفيف اوى
هيا دى اول زيارة ليا لمدونتك و لما جيت قريت ف الموضوع افتكرت الكلام ده موجه لحد و قلت ملناش فيها
س بقى لما شفت صورة نضارة قلت لأ دى فيها إن !!!!! أأقصد فيها نضارة
عادى و الله بس انا مبحبش انضارات خالص مش بتليق عليا

عشان كده أنا ممكن ابقى أحب ف العدسات و خلاص

ههههههههههههههه

بدعوكى لزيارة مدونتى وبدعو اى حد حابب يقرا عن الحب و الارتباط و يدوق بعض الرخامة !!!!!

تحياتى

تخاريف خاصه! said...

Noony..
ماشاء الله نظرك اتحسن كده لوحده...
طب الحمد لله

:)
وطريقه التلوين دى مش عشان حاجه غير بس عشان مااكتئبش واانا داخله ع الصفحه..
:)


whisper
الحبيبه..
هى عامه النظارات ملازمانى من اولى كليه..بس انا بتكام عن اخر نظاره ليا...
بحبها اوى
:)


جرووووووم باشا

ربنا يكرمك..
يا فندم..


اما بقى ابيه شاور..

فانا بقولك الخط ده ناس كتير بتحب تكتب فبه..
بس انت برضه كنت كاتب ع النظاره...
هروح واشوف..

اما المسأله التانيه فهى عتاب بسيط
هروح هناك اقولك عليه ولا اقوله هنا؟؟؟

هروح هناك..

تخاريف خاصه! said...

Esmeralda

ايوة والله يابنتى
مرة النظاره اتكسرت وكنت رايحه امتحان الشفوى

وكنت لسه ماعملتش اللينسز

مش قادرة اقولك..
كنت رايحه امتحن عند دكتور تانى اساسا

:)

ومنورانى
:)



ايمان الطاهر..

اهلا بيك يا فندم ويارب ماتكون اخر زياره
:)

•«ρяoιd»•™ said...

يا خبر

حرام عليكي

عاااااااااااااااااااااا

انا قولت هيييييييييييه

شيماء احساسها حلو قوي اهو

تطلعي في الآخر بتحبي في نضارتك

الكلام اللي بجد بقي

بجد ابدعتي

تسلسل الكلمات في قمة الروعه

لغاية الصدمه

انك بتتغزلي في نضارتك

بجد بجد ملكيش حل

فكرتيني ب كريم العراقي في قصيدة بغداد

اللي غناها كاظم بعنوان كثر الحديث

تحياتي

Rivendell** said...

نصيحة اخوية يعني

بلاش توري حد النوتس بتاعتك كدا عشان هيتقال عليكي حريييتة موووت من كتر التلوين


ههههههههههههه


بس انتم بتاخدوا اطفال في سادسة ازاي
واللا دي صورة قديمة ؟

تخاريف خاصه! said...

العزيز proid
طب اعمل ايه؟؟؟بحبها فعلا...

اهى دى اللى تستاهل الحب بجد..
:)

Rivendell**
الجميله...
اه يا حبى دى صورة من السنه الى فاتت

احنا فى سنه ساته اللعينه بناخد جراحه ونسااااااااااااااا
ادعولنا بقى

safa7_karmooz said...

وقاعد كل ده ...حاسس ان حاجه كبيرة فى الاخر هتطلع....

وابص

الاقى النضارة

ههههههههههههههههههههههههههههه

فكرتها جميلة....

وانا بقى بحب الكيبورد بتاعى

عشان بحب اكتب عليه :D

bastokka طهقانة said...

عجبتني تخاريفك الواعية
اهلا بيكي في نادي النضارات
تعالى اقعدي جنبي

Eric Matt said...


نسيت أسألك ازاي عوماااار

:P

سلميلي عليه

تحياتي لكما من ماناساس البلد

تخاريف خاصه! said...

سفاح كرموز

:)

مهى دى الخدعه..
:)

وربنا يخلليلك الكيبورد..
:)

منورنى دايما والله


طهقانه
ومش عارفه ليه..
:)

منورانى بجد يا فندم ويارب ماتبقاش اخر زياره...
اما نادى النضارات فانا عضو مؤسس فيه حضرتك

:)

جروووووم

الله يسلمك يا فندم...
ادعيله معاك

:)