للأسف..!!

اصبح العالم قريه صغيره...


كلٌ يعيشُ فيها..في عالمه

...
!!!!!

سبح اسم ربك الأعلى....3

السلام عليكم ورحمه الله
كيف الحال يا اهل المدونات الكرام..ايه اخبار الشهر الكريم معاكووو...
خلاص داخلين اهوو ع العشر الاواخر..ايام العتق الذهبيه..
اللهم اجعلنا جميعا من عتقاءك فى هذا الشهر الكريم..
احناا المره اللى فاتت كنا خدنا فكره كده مبسطه عن ازاى القلب بينبض..
المره دى هنتكلم اكتر عن ازاى القلب بيضخ الدم لكل اجزاء الجسم..
ده شكل القلب من بره..

زى ماقولنا المره اللى فاتت ان القلب ده عضو عضلى اجوف..

بيتكون من اتنيين اذين(ايمن وايسر)واتنين بطين (ايمن وايسر)برضه
يعنى اربع حجرات..

الاذينين هما المسئولين عن استقبال الدم من الجسم كله..
والبطينين هما المسؤلين عن ضخه للجسم كله تانى بس بعد مايكون بقى اتحمل بالاكسجين والغذا...
تلاقى بقى سبحان الله تكوين جدار الاذين العضلى مختلف عن تكوين البطين
تلاقى جدار الاذين رفيع وعضلاته رفيعه ..
عشان تكون عنده ليونه وقدره على استيعاب الدم اللى جايله من الجسم كله..
وتلاقى فى نفس الوقت جدار البطين سميك وعضلاته قويه جدا..
زى ماباين فى الرسم فوق..

كل ده عشان يقدر بقى يضخ الدم فى الشرايين الرئيسيه اللى تفضل تتفرع ..تتفرع ..تتفرع لشرايين اصغر فاصغر..فاصغر..
عشان توصل للخليه اللى انت مش شايفها اساسا فى صباع رجل حضرتك وحضرتى الصغير...
يالله..!!!!
!!
وبين كل اذين وبطين فى صمامات...الصمامات دى حكايه وايه من اعظم ايات الله فعلا...
الصمامات دى عامله كده شبه الباب المروحه
بمرور الدم فى اتجاه معين بس...يعنى من الاذين للبطين بس..لكن العكس لا...
يعنى تخلى طريق الدم
one way
طب ازاى يعنى ..هى بتفهم؟؟؟
اقولك اه سبحان الله..بتفتح وتقفل بفرق ضغط الدم..
اه لا احنا كده هنغوط...وهتسرحوو منى..


:D
ممكن لو بصيتو على الرسومات المبسطه دى وعلى الاسهم تقدروا تتخيلوا الدم بيلف ازاى فىالجسم عشان يوصل لكل خليه...

.يعنى من غير تفاصيل طبيه يمكن مش الكل يقدر يتخيلها..
الصمامات دى هى المحور الرئيسي لاتمام الدوره الدمويه على احسن حال..وبالكفاءه اللى هى عليها..
لو باظت بقى تسمع عن فلان عنده لغط ع القلب..
فلان عنده ارتجاع فى الصمام ا الميترالى..فلان عنده ضيق فى الصمام الاورطى..

ربنا يعافينا ويعافيكوو يعنى ...
عشان كده
Thanks to these valves..
:)
والحمد لله اللى ابدع خلق الصمامات دى اللى يعنى قطرهابيتقاس بالميللى ميترات...
سبحان الله فعلا..!!

المره الجايه بقى هنتكلم عن الرئيتين..
وازاى الانسان بياخد النفس من مناخيره..ويطلعه برضه من منخيره
:D
دمتم سالمين
ولاتنسونا من صالح الدعاء
N.B
مالهاش علاقه بالبوست
وانا بعمل
search
عشان الاقى الصور اللى بالعربى دى..
فكتبتت الدوره الدمويه
فطلعتلى صور منها الصور دى
واذ فجأه ابص..الاقى وش واحد رافع ايده كده..
تؤ..الوش ده مش غريب علياا
شفت فين الوش ده قبل كده...
طلع فى الاخر الاخ الهمام ..
زينه شباب مصر..
رافع راسنا وشايل فاسنا..
الاخ محمد عطيه ..اول من فاز بلقب سوبر ستار فى ستار اكادمى..
طب وده ماله وما ل الدورة الدمويه...
طلع الاخ بيغنيلها ..
!!!!
وانا اللى ثقفتى الفنيه محدوده..


شفتوا الدوره الدمويه مهمه ازاى..
خلت محمد عطيه يغنيلها..!!!

يااااااارب ياااهااااااااادى...
:)

صور مسطورة!!

لا بد لبابِ أن يُغلق..
كى تُفتح أبوابٌ أخرى..




لابد لوردٍ أن يذبل..
كى ترحل معه ذكرى الذكرى..



لابد لوجهٍ أن يبكى...
كى يتذوق تلك الضحكه...




لابد لشوقٍ ان يمضى...
لأعودَ "شيماءً" أقوى...

سبح اسم ربك الاعلى.......2

السلام عليكم ورحمه الله وبركاته ...
ازيكم ..اخباركوو ايه..؟؟عاملين ايه فى الصيام؟؟
ربنا يتمم الشهر الكريم على خير يارب..

احنا قولنا البوست اللى فات اننا هنتكلم عن الدورة الدمويه فى البوست ده...
هنبتدى فى الاول بس بكهرباا القلب....
نعم ...كهرباا القلب؟؟هو القلب فيه كهربااا...؟؟؟
اه طبعا كهربااا عصبيه... هنقول ددلوقت اهووه

طبعا كلنا عارفين ان القلب هو عضو اجوف يعتبرهو المضخه الرئيسيه للدم فى الجسم كله...
بيبتكون من اذينين (ايمن وايسر)وبطينين(ايمن وايسر) وبينهم حاجز عضلى برضه من نوع خاص.. زى مامووجود فى الرسم
هتلاقوو شراايين واورده كده داخله وطالعه منه ..دى هنقولها بعدين فى الحصه الجايه..اقصد فى البوست ت الجاى ان شاء الله
:)

بينبض القلب حوالى من 60-80 نبضه فى الدقيقه..
خلينا بس نقول االاول ان القلب ده عباره عن عضله لا اراديه يعنى ليها قدره على الانقباض لوحدها..بس برضه محكومه بال


PACE MAKER
اللى هتلاقووه عامل زى الللمبه فى الصورة دى...

ودى نوع معين من الخلايا العضليه القلبيه برضه موجوده فى الاذين الايمين ليها القدره على توليد النبضات تلقائيا..بتمشى النبضه الكهربيه دى بسرعه معينه فى مسارات محدده بحيث انها توصل لكل خلايا القلب العضليه...
سبحان الله..!!
زى سلوك الكهربا كده....
لو حصل بقى اى خلل فى اتجاه النبضات دى او اضطراب فى سرعه انتقالها ..ياالله الدنيا كلها نبوظ خالص...
وتلاقيك تسمع عن واحد عنده رفره ع القلب او مركب منظم لضربات القلب..!!

اوك ..
كده النبضه الكهربيه وصلت للخلايا العضليه..طب وبعدين؟؟؟
المفروض بقى الخلايا دى تحولها من طاقه عصبيه كهربيه لطاقه ميكانيكيه فى صوره انقباض للخليه العضليه دى اللى فى الصوره



...عشان يقدر القلب يضخ الدم...
وهنا بقى يظهر بديع خلق الله..عشان المسأله دى تحصل ..تلاقى بوابات ايونيه بتتتفح وبوابات تانيه بتتقفل..




وبروتين ايه فى الخليه العضليه"اللى طولها بيتقاس بالنانوو ميتر "يركب فوق بروتين ماعرفش ايه التانى..
عشان الخليه تنقبض..واللى جنبها نفس الحكايه واللى جنبها..واللى جنبها...
كله ينقبض فى نفس الوقت بمجرد وصول الاشاره الكهربيه..فى سيمفونيه الهيه رااااائعه..
يااالله...
لا وكل ده من 60 الى 80 مره فى الدقيقه الواحده...
يعنى كام مره فى الساعه ..يعنى كام مره فى اليوم...
يعنى كام مرة فى عمرك كله؟؟؟
حاول تحسبها...وتشوف ياترى انت حمدت ربك نص العدد ده...؟؟
طب ربعه...؟؟



لا والمهم ايه....كل ده وحضرتك وحضرتى مش حاسسين ولا سامعين ضربات قلبنا بالمرة....!!!!!
يااالله ...ربك بينعم عليك ورؤوف بيك فى نفس الوقت...
انت عارف لو الواحد حس بنبضات قلبه ..هيفضل مركز معاها على طول وهيتجنن...
:D

كفايه عليكوو كده المره دى...

المرة الجايه بقى هنتكلم عن غرفات القلب وازاى الدم بيوصل لكل خليه فى الجسم...
وكده...

ولا تنسونى من صالح دعائكم...

دمتم سالمين
:)

سبح اسم ربك الاعلى ...1

السلام عليكم...
ازيكم عاملين ايه....
معلش انا نزلت بوست امبارح..وهنزل بوست النهارده..
انا عارفه طبعا انه بلوجى وانا حره فيه..بلوجى اغسله واكويه...
:)
ان شااالله انزل بوست كل ساعه...
:)
لا بجد ...
ندخل بقى على طول...
فى اللى انا عايزة اتكلم فيه فى البوست ده وبوستز تانيه جايه يعنى ان شاء ربنا...
عايز اتكلم عن بديع خلق الله ..واياته سبحانه وتعالى فى خلق جسم الانسان ..
هى مش هتبقي معلومات طبيه جامده ..على قد ماهتبقى فعلا تأملات الهيه...
ممممممم
هو يمكن انا كنت عايزة اكتب فيه من فتره بس هو كان محتاج بس شويه وقت وتركيز ..
وحبه مزاكرة ع الماشي...
:)

وبما ان عنصر الوقت ده فاشل..واليوم زحمه اوى...
لكن التركيز والمزاكرة متوافريين الحمد لله...
فقررت انى ما اجلوش اكتر من كده...
:)
مممممممم
مبدأيا كده...وعشان نتفق هقولكو على كام قاعده كده...
فى الاول عشان نقدر نتخيل مع بعض..ونتأمل ..وتحسوا باللى انا عايزة اوصله لكم...

اول قاعده...ان ربنا سبحانه وتعالى ماخلقش حاجه كده..من غير فايده..لا ..كل حاجه وليها فايده..كون ان فايدتها مش معروفه ..ده لاننا احنا اللى مش عارفيين مش هى اللى مالهاش فايده.....

تانى قاعده ..سبحان الله...كل حاجه فى جسم الانسان ليها حاجه تانيه بتتحكم فيها هى اللى بتظبطها وبتخليها تقوم بوظيفتها على احسن حال...
وباعلى كفاءه..ومهما كان صغر العضو ده او ضأله وظيفته ..انه لازم لازم حاجه تعمل عليه
control
تلاقى مثلا ابسط حاجه ..
حركه العين...عشان تحرك عينك يمين وشمال..او فوق وتحت...
شوف انت بتحركها فى جزء..من جزء من الثانيه...

لكن سبحان الله عشان تتحرك بيحصل حاجات وحاجات...
بيحصل انقباض فى عضلات معينه صغيره ماسكه فى العين هى المسؤله عن حركتها ..
وكل عضله من دول مسؤله عن حركه العين فى اتجاه محدد..
وكل عضله محكومه بعصب حركى معين ..
والعصب ده كمان بتتحكم فيه فى المخ نواه عصبيه محدده مخصوصه ليه هو وبس...

شوفت...!!
كل ده بيحصل عشان حضرتك وحضرتى ..نحرك عينا بس يمين او شمال او فوق او تحت...
وشوف بقى بتحركها كام مره فى اليوم..وفى كل مره بيحصل ده كله...
!!
سبحان الله
تالت قاعده ودى بقى تخلى الواحد يقف قدمها كتير...
فعلا سبحان الله..كل شئ ربنا خلقه فى جسم الانسان ليه نظام معين ..
وقواعد واسس معينه...لكن سبحان الله تلاقى لكل قاعده ربنا عامله لها حاجه تشذ عن القاعده دى..
.عشان يوريك قدرته سبحانه فى انه يخلق كل شئ..
ده وده...وفى وسط ده كله يطلع ده...

نضرب مثل...
تلاقى مثلا كل الشرايين اللى فى الجسم بيمشي فيها دم متأكسد
عشان يوصل الاكسجين للخلايا اللى فى طرطوف طرطوف صباع حضرتك الصغير...
ماعدا شريان واحد ...اللى هو الشريان الرئوى..
بيمشي فيه دم مش متاكسد عشان يوصله للرئتين ..عشان هى اللى تاكسده ويرجع للقلب تانى عشان يضخه للجسم كله
!!!
ونفس الحكايه تلاقى كل الاورده بيمشي فيها دم غير مؤكسد..ماعدا الاورده الرئويه
..بيمشى فيه دم مؤكسد جاى من الرئه رايح للقلب عشان يتضخ للجسم كله....
!!!

مثال تانى...تلاقى مثلا كل عضلات الجسم ..
كلها طالعه اساسا من نوع معين من الخلاي االجنينيه..ماعدا عضله صغيره ..
اللى هى عضله حدقه العين..طالعه من نوع تانى خالص من الخلايا الجنينيه...
!!!
سبحان الله
كل ده عشان الواحد يشوف عظمه خلق الله..
ويقول فعلا من جواه وهو بيتحسس ملامحه ..
وهو بيتخيل اللى بيحصل جواه...وهو بيبلع اللقمه وهو بياخد النفس..وهو بيحرك صباع رجله....
يتأمل فى كل ده ويقول فعلا من جواه...وبكل جوارحه...
سبحان ربى الاعلى...

كفايه عليكوو كده النهارده..وان شاء الله هكمل فى بوستز جايه
بس كان فى كام ملحوظه صغيرين عايزة اقولها لكم...
اولا ..كل اللى مكتوب هنا ده معلومات حقيقيه..علميه طبيه..مش تخاريف يعنى..
:)
ثانيا :انا عارفه ان الموضوع ممكن مايعجبش ناس كتي
ر او يحسوه تقيل شويه او صعب او ممل..
بس كل اللى انا بتمناه وعايزاه ان يكون الهدف من الموضوع واصلكم ..
اننا نحس بجلال الله وعظمته فى كل شئ ونفكر..ونتأمل شويه فى ملكوته سبحانه....

ثالثا ..وهى برضه بتصب فى ثانيا..
ان يمكن انا اللى مش عارفه اصيغ الموضوع بالطريقه الى انا عايزاها وحباه..
ويمكن هو كان عايز رواقه اكتر من كده..
بس بصراحه هو فى دماغى من زمان وكان نفسى اكتبه اوى..لانى حباه اوى...
وانا حاولت على قد ماقدرت ومستنيه توجيهاتكم...

رابعا ودى اهم نقطه..نظرا طبعا لان رواد البلوجات ..:)
فى منهم كتير دكاتره..او بيدرسوا طب..او حتى الى مش دارسين طب وعندهم اى اضافه او اى معلومه او اى حاجه عايزين يقولوها...
ياريت مايبخلوش بيها علينا...يشاركونا الموضوع فى الكومنتس لحين ميسره...
:)


خامسا انا مش مستنيه ردودكم اللى انا بفرح اوى لما بشوفها فعلا..
مش مستنياها على قد ما بتمنى فعل
ا ان كل واحد يتأمل كده فى خلقه ..فى نفسه ولو خمس دقايق..عشر دقايق فى اليوم..
بتهيألى هتفرق معانا كلنا....

ومعلش طولت عليكووو
المرة الجايه ان شاء الله لو كان لينا عمر ..
هنحاول نتكلم عن الدوره الدمويه ونتخيلها مع بعض..
لانها دى لوحدها حكايه اساسا وايه من اياااات الله ...
اللى انا كل مادرسها فعلا بجد..استغرب اوى ان بعد كل ده
يكون لسه فى دكتور درس الكلام ده وبالتفاصيل الدقيقه العظيمه دى ومايكونش وحد ربنا...!!!

يارب تكون الرساله اللى انا عايزة اوصلها تكون وصلت لكل حد بيقرا الكلام ده...

وفى النهايه لا تنسونى من صالح دعائكم...

سلام
:)

سبحان الله!!!

رمضان كريم..

السلام عليكم يا اهل المدونات الكرام...
كيف الحال...يارب تكونوا كل بالف خير...
كل سنه وانتوو طيبين....
رمضان جه وجايه معاه الفرحه اللى من جواا والصفاء النفس العالى اوى...
:)

اللهم بلغنا رمضان...واجعلنا من عتقائك فى هذا الشهر...

انا بس جايه اسلم عليكووو....
واشوفكوو قريب ان شاء الله....
بس قبل ما امشي ..البتاع اللى بيبين الزوار والبلد اللى هما منها .....اللى ع الجنب ده...

كل ماادخل الاقى من ضمن البلاد بلد غريبه كده....
mauritius

انا طبعا فاشله فى الجغرافيا...
:)
فياريت نبذه..:) عن البلد دى...
عشان احب بس اعرف زوارى وصلوا لحد فين
: D

ورمضااااااااااااااان كرييييييييييييم ...
:)

حضرة المتهمه انا

انا لما جيت من الغييب

العدل كان كيفي

والحق كان مطمعى

والحب كان سيفى


بس للاسف....كيفي اتغير...



وسيفي ماسكاه بالمقلوب
...!!

تفتكروا فعلا زى مابيقولوا ان سهل ان حد يقتنع بالمبادئ



عن انه يطبقها على ارض الواقع؟؟




مش عارفه ليه حساه سؤال غبى..
!!!!!!!

Earache!!!

بابا: اسمعى الكلام بقى...ـ



ماما: يابنتى اسمعى كلامى ..ربنا يهديك...ـ


أخى:...اسمعينى طيب.._وطبعا لا غنى عن تلك النظرة المعهوده

:D


أختى:اسمعى نصيحتى و.....ـ



اصحابى:اسمعينى..اصل انا.......ـ


الدكتور فى الكليه:اسمعى...حطى سماعتك واسمعى....ـ


الدكتور فى درس الجراحه:اسمعى الحته دى يا عروسه ..هتعجبك اوى...ـ



الدكتور فى درس النساا:اسمعينى لما اقولك ان النسا دى تافهه....!!!ـ



الدكتور فى الامتحان:اسمعنى يابنى انت وهيه ..اكتبى اسمك و...ـ



زميلتى بعد الامتحان:اسمعينى بس ..بقولك هو سؤال رقم 16 كان...ـ



عابرة سبيل ماشيه فى الشارع:اسمعينى بس يا ابله..الاهى ربنا يسعدك..انا جوزى ميت ومعايا ايتـ....ـ



فى الحلم:ممكن تسمعينى ..عايز اقولك ان...ـ



صوت الراديو فى العربيه:اسمعنا ..هتلاقى كل ما تتمنى...ـ



وانا فى المينى باص واللى ورايا بيتكلم فى الموبيل:ايوة يا....طب اسمعينى طيب..ـ
كنت عايزة اتلفت له..واقوله حضرتك بتكلمنى انا؟؟؟





طول اليووووووم بسمع ..ونعم ..وحاضر...
....
طب انا.....ـ



مين يسمعنى....ـ؟؟؟



فعلا...بجد

احمدك ربى انك ربى..وسامعنى....
....
N.B.
ملهاش علاقه بالبوست
احنا فتحنا من تانى..بس الامتحانات شغاله والدعوات اكيد شغاله..عايزين حامله ال105 دعوة..لكل دفعه سنه 6 طب ان ربنا يكرمهم فى امتحان الجراحه اللعين يوم 7 اغسطس اللى ب 105 درجه ده!!!!1
والله ولى التوفيق
:)

مغلق..للامتحانات!!

كله من النسا والجراحه اللعينتين..
معلش...
هااااااااااااااااااااااااااااااااااااااااااااااااانت...
دعوتكوو بقى...
عندى امتحانات اعمال سنه..من يوم 31 يوليو..الى يوم 13 اغسطس...
ركزوا الدعاء بقى فى الفتره دى..ربنا يكرمكوو..
مش تفضلوا تلعبوا طول السنه وتيجوو تتزنقوا فى الدعا فى الاخر ...
:D
ياالااا اشوفكوو على خير باذن الله...
N.B.
بخصوص التاجين المبعوتين من الدكاتره ارتعاشات و احمد مع نفسه
فانا مش نسياااااهم وهعملهم بس لما اخلص البلاوى اللى ورايا الاول...

واخيرا
فضفوضه ع الماشى من الخنقه اللى انا فيها...
بجد بكره ايام الامتحانات جدا...
ياللى النسا خنقاك وحيراك...
والجراحه محوطاك ومزهقاك
إحمد ربك ..دى اخر سنه!!!
خليها تعدى..وبعد كده..
اوعى تبص ورااااااااااك..!!

هتوحشونى بجد
..................................................................................................
تحديـــث لا بد منه..

2007-7-30

واهى ماشيه وبتعدى..
صدمــــــــــــــــــــه
فى
لطمــــــــــــــــــــــــه
فى
قطمــــــــــــــــــــــــــه

تم ترراررارم...
تم
تم

كلكو ادعووو بكره ..من 9 صباحا
الى مالا نهايه...

ونداء خاص
ل
dr.sea
حضرتك بالذات لازم تدعى...

اصله امتحان عضم....
:D
والحاضر يعلم الغايب...
والله ولى التوفيق...
....

إنه حقا عالم واااااااحد!!

يحكى انه فى اول الزمان..حيث طغت القوة واختفى الأمان...
كانت هناك غابه بعيييييده...فيها من الحيوانات كل الالوان...
تجد فيها الكلب الوفى..والذئب العفى..والفيل الوديع والحمل الرضييع..
وكان يحكمها ذلك االاسد العجوز جالسا على عرشه دوما على اعلى نقطه فى تلك الغابه
وحوله حاشيته من الكلاب والدياابه
يأتونه كل يوم باخبار الساعه ..
لكل ماا يدووور فى انحاء الغابه....
كانت الغابه خيراتها وفيره ومواردها كثيره...
ولكن الغريب ان اهلها غالبا فى مجاعه..وعيشتهم دايما فى اصعب حاله...
كان اكثر ما يميزها تلك العصافيير تطير من مكان الى مكان بحثا عن الحريه والرزق الوفير
ولكن دوما ما يطلع نأبها على شونه ..وتعود الى عشها ليلا ..هلكانه محرومه...
...
وذلك لان كل مالذ وطاب من طعام وشراب ..يأوى دوما فى بطون تلك الديبه والكلاب...
لن اقول ان كل العصافير كانوا كويسين..فمنهم اللى ليس له دين..
ومنهم اللى حالتهم طين..
.مالهمش دور غير هز الديل المنفوووش..اللى بيطلع دايما على فاشوش...
ومنهم من يطير يريد ان يغير تلك الحياه الشقيه..بحياه اخرى..هنيه..تسودها الحريه...
ومضت الايام برعايه رب الاانام...
وفى كل يوم يزداد تغطرس الاسد العنيد هو وكلابه الهمجيه ..وذئابه المفتريه..
ويوم بعد يوم بدأ الاسد يشعر ان هناك جماعه من العصافير تطير دايما مع بعضها...
وكان لتوه قد اصدر فرمانا بمنع الطير فى جماعات...
ولكن هيهااات...
فلم يعد ينام ليله..ولم تعد لكلابه شغله
سوى قصقصه ريش العصافير وحبسهم بدون تبرير...
وكل يوم تجد عصفور كبير او شيخ العصافير يطير من وهناك..
يبحث عن ابنه اللى فى الهنا لم يبات...
ولدى فيييين ...طلعووووووووه...وخدونى بداله..ده ولد طايش ...ولسه على قد حاله...
وكل يوم على ده الحال شويه عصافير تتلم..وعيشه اهاليهم تتقلب غم...
انت فيين يا منظمات حقوق الحيوان...معقول..عصافير نديه...لسه فيها الرمق..
تتحبس ..وتبقى كده زيها زى اللى سرق؟؟؟
!!!!
وفى كل يوم يطلع علينا الاسد العنيد..من مكانه العالى البعيييد
يا أهالى الغابه الكرام..يالللى عيشتكم هناا..واخر انسجام..
يااالى غابابت الدنيا بتحسدكوو على اسدكم المغوار...
عابر البحاااار..وقاهر الاقهاااار...
اللى خلااا ليلكوو نهار..وعشيتكوو كفياااار....
اطلبو مطالبكوو ماتتكسفوووووش...
عمر ما احلامكوو ما هتبقى فاشووش

ده انا قضيت عمرى فى خدمتكووو باخلاص...
مانتووو شعبى...واللى من غير شعب زى اللى من غير مداااس...


اما بخصوص العصافير المحبوسه ..ففى حبسها ليكوو حمايه..وقصقصه ريشها عندى هوايه....
يعنى اسيبهم؟؟؟ّّ
!!!
اسيبهم بزقزقتهم يضايقوووكوو
وبصوتهم العالى من احلى نومه يصحوووكووو؟؟؟
ماحدش بقى يقولى انهم عصافير مساكيين
ومن الهناا محروووميين
لااااا
دووووول ملاااعيين
كانوو بيخططوا لحرق هذه الغابه المتعززة...
اللى صورتها فى قلبى متبروزة...
ولما فتشنا عششهم لقينا مخطوطات مسطورة.. من جماعه عصافير من فصيله محظورة...
فحرصا على سلامتكووو وهناء عيشتكووو
حبسناهم وقصقصنا ريشاتهم الخضراء,,حتى لا يفكر احد ان يكرر عملتهم الشنعااااء...

وهناااا
تصفغيييييييييق حااااااااااااد

يا أسدنا يا مغواااار ....يا حااامينااااااااا من الاشراااااااااار



يا اسدنا يا كريييييييييييييييم... من غيرك حياتنا جحييييييييييييييييييييييم




يا اسدنا يا معيشنا ومخلصنا من اللى قارفنااااااااااااا...
..........
ملحوظه:
اخر تلك العصافير ..طلاب من كليه الهندسه جامعه عين شمس..
اتحبسوواا بتهمه انضمامهم لجماعه عصافير الاشرار
مع انهم لسه مخلصييين امتحانات ..ومالحقوش يشمووو هوا الاجاااازات
كانووا فى رحله استجماميه...فى مياه الغابه الاقليميه...
فى مدينه تدعى الاسكندريه....

وابقى سلملى ع الحريه ....
قال عبور للمستقبل قاااااااااااااااااااال....
احناااا أخرناااا....عبور ...صلاح سالم.....رمسيس ..رمسيييييييييييس
يااالا ...اللى ما دفعش ورااااااااااااااااااااا ....