تأملات طفوليه

عالم الاطفال عالم..فوق التصور...وخارج كل توقع...جميعنا كنا اطفال بالطبع..!..وحولنا الاطفال فى كل جانب...
ولكننا في الغالب قليلا ما نتمعن وندقق فى تصرفاتهم..وردود افعالهم...

الاطفال كما يقولون احباب الله..ولكن هل اطفال اليوم..اطفال اصلا..!!!

1
امشي فى الشارع..انظر لطفل لا يتجاوز عمره العشر سنوات..يخرج رأسه من شباك السياره مرددا بصوت عال يا حيوان"...!!!
كان موجها "شتيمته" لصاحب عربه دخل فى شارع جانبى فجأه..!

صدمت...وشعرت ان الطفل لن يتلفظ بهذا اللفظ الا اذا كان قد سبقه والده او والدته..!

فحقيقه الطفل كالصفحه البيضاء...تاتى الى الدنيا ليلطخ فيها االاخريين...ويصعب عليه للاسف عندما يكبر..ان يزيل اثار التلطيخ.

!

أى شئ سئ فى اطفالك..فمنك..وممن حولهم..وعليك..وعلى من حولهم ايضا..!!

...................................................................................................................................................

2

يأتى الينا ابن اخى..يصمم ان نلعب كره القدم فى المنزل..لا يستجيب لتعليمات والديه.."خلى بالك وانت بتشوط الكوره.."..ماتشوطش الكورة جامد..."ماتشوطش الكوره عالى..ماتعليش صوتك..بطل دبدبه...!

يستمع اليهم الواحده تلو الاخرى وهو منهمك فى اللعب ..ليستدير لهما فى النهايه.."امال العب ازاى بقى ؟ناقص تقولولى كتف ايديك وانت بتلعب..!

عفويه ساخره...وله كل الحق...!

ماهو يايلعب ..يا مايلعبش...!طالما وافقوا من الاول انه يلعب..خلاص ..!

فكما اتبعوا معه سياسه الحكومه المتمثله فى"بنريح الناس ..بس بطريقتنا.."..اتبع هو ايضا سياسه نفس الحكومه"انت اتكلم اتكلم..وانا فى الاخر اعمل اللى انا عايزه..!!!

وبينما هو منهمك فى اللعب معى ..يحرز هدفه الاول..التفت اليه والى رد فعله الذى ابدا لم اتخيله...

اجده يجرى رافعا رأسه واصبعيه لاعلى مرددا..هدف..جميل جميل جميييل.....ثم سجد على الارض ...!

كما يفعل ابو تريكه..!!!

عرفت وقتها ان الاطفال..وان لم يعوا معنى "القدوه"..او المثل الاعلى..فانهم وربما دون وعى..تجده دائما فى فارضا نفسه عليهم وعلى تصرفاتهم وحركاتهم...

ف"القدوه"هذه الايام..تنحسر..-من الحسره-مابين ابو تريكه ..صاحب القدم الذهبيه..ونجم الجيل"تامر حسنى"..وانضم اليهم مؤخرا زيدان..ب"العراقه"..الجهنميه..!

اما الاب والام..والجد والجده..والعم والعمه..والخاله والخال..والاخ والاخت..ففى عداد المفقودين...بين هذا الجيل..!!!!!

وللحديث بقيه..

...........................................

اعتذار عن عدم استكمال حلقات ورقه بخمسه..

ولكم منى كل التحيه

:)

تجربه عمليه فى المنزل..!

حاول ان ترى نفسك..كى يراك من حولك...



-ملحوظه1:يجب عليك ان تنزع اى اقنعه قبل بدأ التجربه..


-ملحوظه2:يمكنك الاستعانه بقليل من الصدق
لتصل لنتائج مرضيه..
..........

بيع العِشره!!

احيانا يشعر الانسان بان هناك رابط معين يربطه باناس بعينهم..

قد يكون ..صداقه..حب ..

.الفه..موده..

او حتى مجرد ارتياح...

قد تختلف صوره هذا الرابط
.ولكن يظل شئ يجمع ويميز كل تلك الروابط..

انه العِشره....
بكسر العين...
قد تتوه كل هذه الروابط والعلاقات ..
او تقتلع من جذورها....


ومع ذلك كنت اعتقد ان الِعشره..

وان كانت هى الشئ الوحيد الباقى...كافيه بان تبقى على تلك العلاقات
..وتحميها...

ربما يتخيل اليعض ان العِشره تعنى قضاء وقت طويل مع اشخاص

يشاركونك الكثير من يومياتك الحياتيه..
تتخيل انك تعرف عنهم كل شئ..اخلاقهم..طباعهم..ميولهم... اسرارهم

كل شئ...

فهم "عِشره"

ولكنك بعد كل هذا تصطدم بهم..

وتجدهم فجأه اشخاص غرباء عنك...

كلماتهم..لمساتهم..حتى نبره صوتهم..

كأنك لم تكن تعرفهم من قبل..!!!!

تحاول ان تقنع نفسك بان كل هذا...مجرد هواجس وخيالات..وانك تعرفهم جيدا..
فهم"عِِشره"

الى ان يأتى يوم..تقف فيه امامهم ذاهلا..

تراهم يبيعون تلك العشره..وبمنتهى السهوله...

ولا يجدون طوال تلك السنين اى شئ يجعلهم يشترونك..

ويشترون عِشرتك ولو بالقليل...

تستمع الى كلماتهم الجافه..ومبررارتهم الواهيه..

تجد ذلك السؤال يلح فى ذهنك..ويستفزك..

"من انتم...؟؟؟؟؟

تنظر فى عيونهم ..تحاول ان تجد اجابه لهذا السؤال ..

ولكنك تجدها عيون غريبه..مجهوله الهويه..!!!

تدور دوامه الافكار ..كيف..كيف لم اكتشفت كل هذا الكم من العناد والخداع..؟؟

تمر امامك الذكريات...

اول الكلمات...

اعلى الضحكات...

اعذب المشاعر...

واصدق الدمعات...

ادق التفاصيل...

فهم "عِشره"...
!!!
تتلفت حولك..تجد كل شئ قد انتهى...

وتم بيع العِشره وبارخص الاثمان..


تجلس ساكنا..باحثا عن "استيكه"للذاكره...

كى تمحى هؤلاء الاشخاص وذكراهم من ذاكرتك...

وبالفعل..

تبدأ فى المسح...

ولكن بعد فتره تشعر بان ذاكرتك قاربهت ان تفرغ ..

فتقرر ان تبقى ولو شئ بسيط من ذكراهم...

تنظر الى الجزء المتبقى...

تجده ذكرى

"بيع العِشره"..
فتفضل ان تمسحها وتصبح ذاكرتك خاويه..

على ان يكون "بيعك"هو ذكراهم الوحيده...
!!!!

حضرة المتهمه انا

انا لما جيت من الغييب

العدل كان كيفي

والحق كان مطمعى

والحب كان سيفى


بس للاسف....كيفي اتغير...



وسيفي ماسكاه بالمقلوب
...!!

تفتكروا فعلا زى مابيقولوا ان سهل ان حد يقتنع بالمبادئ



عن انه يطبقها على ارض الواقع؟؟




مش عارفه ليه حساه سؤال غبى..
!!!!!!!

Earache!!!

بابا: اسمعى الكلام بقى...ـ



ماما: يابنتى اسمعى كلامى ..ربنا يهديك...ـ


أخى:...اسمعينى طيب.._وطبعا لا غنى عن تلك النظرة المعهوده

:D


أختى:اسمعى نصيحتى و.....ـ



اصحابى:اسمعينى..اصل انا.......ـ


الدكتور فى الكليه:اسمعى...حطى سماعتك واسمعى....ـ


الدكتور فى درس الجراحه:اسمعى الحته دى يا عروسه ..هتعجبك اوى...ـ



الدكتور فى درس النساا:اسمعينى لما اقولك ان النسا دى تافهه....!!!ـ



الدكتور فى الامتحان:اسمعنى يابنى انت وهيه ..اكتبى اسمك و...ـ



زميلتى بعد الامتحان:اسمعينى بس ..بقولك هو سؤال رقم 16 كان...ـ



عابرة سبيل ماشيه فى الشارع:اسمعينى بس يا ابله..الاهى ربنا يسعدك..انا جوزى ميت ومعايا ايتـ....ـ



فى الحلم:ممكن تسمعينى ..عايز اقولك ان...ـ



صوت الراديو فى العربيه:اسمعنا ..هتلاقى كل ما تتمنى...ـ



وانا فى المينى باص واللى ورايا بيتكلم فى الموبيل:ايوة يا....طب اسمعينى طيب..ـ
كنت عايزة اتلفت له..واقوله حضرتك بتكلمنى انا؟؟؟





طول اليووووووم بسمع ..ونعم ..وحاضر...
....
طب انا.....ـ



مين يسمعنى....ـ؟؟؟



فعلا...بجد

احمدك ربى انك ربى..وسامعنى....
....
N.B.
ملهاش علاقه بالبوست
احنا فتحنا من تانى..بس الامتحانات شغاله والدعوات اكيد شغاله..عايزين حامله ال105 دعوة..لكل دفعه سنه 6 طب ان ربنا يكرمهم فى امتحان الجراحه اللعين يوم 7 اغسطس اللى ب 105 درجه ده!!!!1
والله ولى التوفيق
:)

الغريب

مضى هائما فى ذلك الشارع الشعبى الضيق..
الجميع يعرفونه..
ولكنهم لا يعرفون من اين اتى..وما قصته....
كثيرا من الوجوه كانت تتطلع اليه..
فى محاوله لمعرفه سر ذلك الشخص الغريب
لكنه دائما كان مطأطأ الرأس..
لا ينظر الى احد..
ولا يريد ان ينظر اليه احد...

وقف كى يشترى الجريده...
جلس على الرصيف بجوار بائع الجرائد يقلب صفحاتها...

حتى استوقفته...تلك االصورة...
انها صورته وبجوارها....
حسين محمود علام
..35 سنه ..
متغيب من 20-4-2006
على من يعثر عليه..ان يتصل برقم.
........

اخذ يتطلع الى الصورة للحظات....
وحاول ان يتحسس ملامحه...
لقد تغير...
بالطبع....
لم يعد هو..نفسه...حسين محمود علام...



هم واقفا ليكمل طريقه الى عمله فى ذلك المقهى الصغير...
حتى مرت امامه طفله صغيره..
ممسكه بيد ابيها
تشده الى محل للحلويات..



وقف يتطلع اليها ....ويبتسم...
تذكر ابنته الوحيده...
كم كانت تشبه تلك الطفله....
تذكر عروستها...
رنت فى اذنه كلمه"بابا"
فاتسعت ابتسامته...
ولكن سرعان ماتلاشت تلك الابتسامه
عندما تذكر....

"سوق بالراحه شويه يا بابا"
وتلك الصرخه التى رجت كيانه...
"خلى بالك يا بابااااااااااااااااااااااا"
ثم....
البقيه فى حياتك. ...شد حيلك......
ظلت عينيه وقد ملأتها الدموع...عالقه على تلك الطفله...
حتى مضت هى الاخرى...
وذابت وسط زحام البشر.....

لماذا؟؟

فى تلك الايام القليله الماضيه..حدثت لى اشياء ..
صراحه لم اكن اتخيل فى يوم ما ان تحدث..
معظمها لم يمسنى بصورة مباشرة..ولكنه بالطبع ترك اثر كبير فى داخلى..
وطمس معانٍ ربما لو حاولت ان استعيدها ثانيه لن استطع..
وظل السؤال..
لماذا كل هذا؟؟؟
هذا يتناحر ويصارع...
وهذا يخسر اقرب الناس اليه ويقطع اخر حبل يربطهم بيديه..
وهؤلاء يلقون باجمل ايام العمر ..ولا يعبأوون
الهذه الدرجه سواد القلوب..؟؟
الهذه الدرجه تفاهه الناس..ونظرتهم للحياه انها حلبه ..
لا بد ان اكون انا الرابح فيها..وحدى..
؟؟؟
فبحق ..الايام الماضيه مرت ..
وانا اعلم انها ستشكل جزء كبير فى مستقبلى النفسي...

قبل ان اكتب هذا الذى اكتبه..كنت اتصفح ايميلاتى....
فوجدت هذا العنوان..
لماذا نخسر اشخاص نريدهم فى حياتنا؟؟؟؟
..
وقبل ان اضغط على الماوس كى افتحه
توقفت امامه كى اقرا العنوان جيدا...
فى محاوله منى ان استجمع معناه..
هكذا علمنى الطب
:)
لماذا نخسر اشخاص نريدهم فى حياتنا؟؟
واحضرت ورقه وقلم ..واخذذت افكر فى اجابه السؤال..
اول ما جاء ببالى ..هو ان السبب..

ههو اللا سبب.. idiopathic
بلغه الطب..
انه القدر..وظروف المكان والزمان..
قد تجعلنا نبعد عن اشخاص نريدهم فى حياتنا..
ولكن يظل طيفهم عالق بالذاكره..
اما ثانى الاسباب
قد يكون سوء الفهم..
وهذا هو اشيع الاسباب..
تجعلك تخسر اعز الناس ..
لمجرد فقط انك لم تحاول ان تفهمهم
ولم تعط لهم الفرصه ان يفهموك..
او لانك مصمم على انهم لم يفهموك..
وانك بالنسبه لهم..لا شئ..
مع انك فى الحقيقه ..ولو فكرت للحظه..
لوجدت انك قضيت معهم اكثر من نصف عمرك..
ولو حاولت ان تسترجع شريط ذكرياتك..لوجدت
صورهم تقفز منه ..يشاركونك الفرح..والحزن ..اللعب ..والهم
وبالرغم من هذا كله تقف عند التفاهات
..وتصمم على ان تخسرهم..
لا لشئ.. ولكن لانك لم تفهم...
انه من الصعب ان تصادف فى حياتك..
من تأنس به مثلهم مره اخرى...


اما السبب الثالث..فهو انك اصلا لا تستشعر بقيمه هؤلاء الاشخاص فى حياتك..
فوجودهم الدائم فى حياتك يشعرك انهم لا بد..
ان يكونوا فيها..
وانه امر طبيعى يكاد يكون بديهي
ان يتواجدوا فى حياتك..
ولكن لابد ان تاتى لحظه
ويشعروا هم فيها بانهم يريدوا ان يخرجوا خارج هذا الاطار..
لا لشئ..فقط ليعيشوا حياتهم هم ايضا..
...

اما السبب الرابع..فهو الجفاء.....
فالجفاء وهو اخطر الاسباب على الاطلاق..
.
فبالرغم من ان حياتك لا تسقيم بدونهم..
وبالرغم انك لا تسطيع الاستغناء عنهم
الا انك تبخل عليهم بتلك الكلمه الرقيقه..
وتترفع ان تشعرهم بقيمتهم عندك..
فتجد نفسك..تخسرهم يوما تلو الاخر..

قد يكون هناك اسباب اخرى..ولكن هذا ما لمسته ..
مؤخرا...

ومهما تعددت الاسباب..
فالخسااره واحده...

New Start!!

مضى شريف يتصقح قائمه ال
Missed calls
رانيا2
وهنا ابتسم
وردد داخله
اايوة كده..وحشتينى اوى..
اما اكلمها ..
Dailling Rania
تررررررررررررر...ن ترررررررررررر..ن
الو
الو ازيك يا رانيا
ازيك ياشريف عامل ايه وحشنى..
وانت اكتر يا حبي
ها ايه الاخبار عندك
الحمد لله بستعد اهوه ..الست بتاعه الحنه جت والبنات ابتدت تيجى..
طب كويس..ماينفعش انا كمان اجى..؟؟
انت...لأااااااااااااااااااااا
لا؟؟كده ؟؟ماشى..انا زعلان..
هتيجى تعمل ايه فى وسط البنات..
بنات ؟....بنات مين..انا ساعتها مش هبقى شايف غيرك..
احم...طب ياالا اتكل على الله ..عمالين ينادونى...
طب خلاص خلاص ماتزوقيش..
بقولك صحيح..خلصى الليله دى بدرى بقى..
ونامى كويس عشان بكره ماتبقيش تعبانه..
بكرة...ليه اشمعنى...؟؟
اه انت ناسيه ولا ايه ..حضرتك احنا فرحنا بكرة..
يووووووووه يا راجل مش كنت تقول من بدرى..
والله؟؟
هههههههههه
لا بجد.. اقفل بقى ..اصحابى عمالين يندونى..
طيب هقفل اهوه..
بس
استنى
ايه تااااااااااااانى..
عايز اقولك على حاجه
نعم
بجد انا فرحان اوى..ربنا انعم عليا بيك..بجد انا فرحاااااااااااااااان..فرحاااااااااااااااااااااان

واناكمان بجد فرحانه اوى.. واديك انت قولت اهوه..
انا نعمه ربنا انعم عليك بيها..
اوعى تيجى بقى كمان سنه ولا اتنين تقولى زهقت..

لا طبعا وانا اقدر..يتقطع لسانى ساعتها..

طب ياالا بقى اقفل بقى....
حاضر
سلام يا حبي..
مع السلامه
اغلق شريف الموبيل واخذ يفكر فى غده..بل فى حياته القادمه كلها..وظل يفكر ويفكر.. ويحلم..
حتى اشرق صباح اليوم التالى..
يوم الفرحه
:)
......................................................................
لما لقيت الناس مكتئبه..ماهنش عليا اكتئابكوو
وكتبت البوست الجديد بسرعه..


عشان ماحدش يكتئب..
:)

ربنا يجعل ايامكو كلها افراح
:))))))))))))

Missed life!!

مضى شريف يتصفح قائمه المكالمات التى لم يرد عليها..
"missed calls"
نهى..الساعه 5:20
ييييييه ...نهى..طيب..هبقثى اكلمها اشوفها عايزة ايه دى..

لمياء الساعه 5:50
لمياء...طنش طنش..احنا مش ناقصين نكد..

حنان الساعه 6:05
حنان ..يا بنتى انا مش لسه مقابلك الصبح..عايزة ايه بقى؟؟؟
افففففففففففففف
رانيا (2)الساعه 7:00
وهنا خفق قلبه بشده..ايه ده رانيا ..معقول ...
ياااااااااااااااااه دى بقالها سنتين واكتر كمان
يجى سنتين ونص كده مابتتكلمش..
ولا حتى بترن.. من اخر مره اتقابلنا كلنا فيها.......
ياااااااااااااه انا فاكر كويس..
كنا كلنا متجمعين فى خطوبه واحد زميلنا..
فاكر كويس انا لما حاولت تلمحلى كده..
ان فى عريس متقدملها..وكده..
وانا ساعتها عملت نفسي مش واخد بالى ..
وقلت يا واد طنش خالص...
انا ساعتها ماكنتش متأكد من مشاعرى ناحيتها.
.. ا...
وهى كان باين من كل تصرفاتها انها بتحبنى..
ا ه كنت مشدود لها بس يعنى كان لسه بدرى..
كنا لسه متخرجين..
وانا كنت حاسس بقى
انى يا ارض اتهدى ماعليكى قدى..
واللى تتجوزنى دى لازم ولازم.. وانا لازم اجرب واشوف واعيش ...
لحد ما الاقى اللى تعجبنى وتدخل مزاجى اوى
.. ممممممم
مش عارف..
من ساعتها بقى وهى لا بتتكلم ولا حتى بترن..
وانا كمان نفضتلها..
يااااه معقول يجى سنتين عدووووا كده...
لا سنتين ايه ..تلاته يا عم...
بس مانكرش انها كانت بتيجى على بالى..كتير..
وكنت بفتكر الحنيه اللى كنت بشوفها فى عنيها
.. ياااااااه .
.ماشفتهاش فى حد بعدها...
كتير بحس انها بتوحشنى.. زى ماهى وحشانى دلوقت كده وعايز اكلمها
... طب ايه...
ممممممم
ماتكلمها يعنى فيها ايه..؟؟
شوفها عايزة ايه...مش يمكن... ماشي .. هنشوف...
dialling Rania....
تررررررررررررررررر..ن...ترررررررررر..ن
الو..
الو ايوة..رانيا...
ايوة انا ..مين...شريف...!!!ازيك يا شريف عامل ايه؟؟
كويس انك لسه فاكرة صووتى..
لا ما هى النمرة لسه متسجله عندى..ازيك انت عامل ايه؟؟
انا الحمد لله كويس..انت ايه اخبارك
انا الحمد كويسه..
اصلى لقيتك رنتى عليا مرتين وانا كنت نايم ..
ايه ده ...؟؟امتى؟؟
من شويه كده...
اااااااااااااااااااه معلش اصل مودى كان ماسك الموبيل بيلعب فيه...
مودى مودى مين؟؟
مودى ابنى..ايه ده انت ماتعرفش..انا عندى مودى سنه ونص..
انت عارف بقى عيال اليومين دول..ما بيلعبش الا بالموبيل..
كومبيوتر ..
يفضل ينخرب فيه..
مش زينا زمان..
هههههههه

ماشاء الله ربنا يخلي..
وانت ايه اخبارك ...عندك ايه دلوقت؟؟
انا ..انا ااااا لسه متجوزتش..
معقول ليه كده يابنى..شد حيلك بقى.. ربنا يكرمك ان شاء الله
اوك
مبسوطه اوى يا شريف انى سمعت صوتك..
وانا اكتر والله يارانيا...
اوك مش عايز حاجه؟؟
لا ابدا ربنا يكرمك..
طب سلاموو عليكوو
وعليكم السلام

اغلق شريف الموبيل..واخذ يفكر فى مامضى من عمره..
وهو لاهيا عابثا..
لم يذق طعم الاستقرار مرة..
تلفت حوله..
فلم يجد نفسه الا وحيدا فى ظلام تلك الغرفه الدامس..
شئ واحد يبدو مضيئا هناك..
انه الموبيل مره اخرى..
فاغلقه...
ومضى الى فراشه..ليبدأ محاولته اليوميه..كى ينام
...........

نظريه الكعب

السلام عليكم ورحمه الله يا اهل المدونا ت الكرام..

كيف الحال؟؟؟
يارب تكونوا بالف خير..
ان شاء الله
اليكم الان
نظريه المكعب...

احم .........

النظريه دى مجهود حوالى 3 سنين
تفكير
وتعمق
وجهد
..وعرق..
وكل حاجه
نفسكوا فيها...
:)

لا بجد..


كله يفتح فخوا معايا كده..
وتعالوا نراجع بس شويه حاجات كنا بناخدها فى الهندس
زماااااااااان فى اعدادى..
from the land beyond
..beyond..

:)
المكعب...
هو شكل هندسي منتظم..له سته اوجه..
كل وجه عباره عن مربع...
مساحه المكعب
=
طول الضلع تربييييع
اس اتنين يعنى..

حجم المكعب
=
طول الضلع تكعيب
اس تلاته يعنى

لذيذ اوى المكعب ده..
كنت بحبه اوى زمان فى المسائل
لان حسابته وقوانينه كانت سهله
:D
يااالا خلينا فى موضوعنا...

كله يتخيل كده انه واقف قدام
مكعب كبيييير

هاااااا

هتشوف كام وجه للمكعب ده وانت واقف كده ؟؟؟

واحد صح...

طب ماشي...
روح لف كده واقف عند الزاويه...
.هااااااا
شايف كام وجه؟؟؟
اتنين ..
مممممم

صح..
طب...
تقدر تشوف كل اوجه المكعب فى نفس ذات الوقت؟؟؟

حلوة فى نفس ذات الوقت دى
:)

امممممممم
لا طبعا...

الا فى حاله واحده بس؟...

ان يبقى المكعب ده متفرغ..
من جوا ومسموح لك تدخل جواه...
زى البتاعات اللى داخله فى المكعب اللى فى الصورة دى..
ساعتها هتشوف كل الاوجه السته...
مممممممممم

هكذا هو الانسان....
ماهو الا مكعب متحرك...
...
ركزوا معايا كده..
لما تيجى تقرب من اى اانسان..
مش هتقدر فى الاول..
تشوف منه غير وش واحد بس ..
اللى هو عايز يوريهولك

صح

بس بعدين لما تبتدى بقى انت تلف حواليه..
او بالاصح الدنيا هى اللى تخليك تلف حواليه
وتشوفه فى كذا موقف

ساعتها هتشوف وشوش كتير

ماكنتش شايفها فى الاول..

بالظبط زى المكعب..

بس للاسف

فى فرق واحد بس..

ان المكعب معروف..ان له ست اوجه بس..

وسبحان الله كل واحد زى التانى...

راح ولا جه..
مكعب
:)

لكن الانسان له عدد لا نهائى من الوشوش..

مجهوله المصدر

وغير معلومه المقاييس

فمثلا تلاقى

الوش المبتسم..

والوش المكتئب

والوش الحزين

والوش العكر

والوش الجبس..

وده مخصوص للمواصلات
:D
وغيرها من الوشوش...

ياترى تعرف انت ليك كام وش؟؟؟

معلش فضفضه المره دى ملهاش علاقه بالبوست اوى..

بس سبحان الله هى جت كده..
اتنين بحبهم وربنا يعلم..
:)

بعتولى رسالتين على موقع مجهول

كده كان بقالى خمستلاف سنه مادخلتش عليه..

:)
وسبحان الله ..

كنت محتاجه رسالتهم دى اوى..

ناس كتير ملهاش لازمه
وناس وجودها فى حياتك يعمل ازمه
ناس تقرب منها تحس ان ليها كاريزما
وناس كده.. تحاول تلقطها فى وسط الزحمه
:)

ربنا يعنا كلنا على انفسنا
معلش
طولت عليكم
بس انتو اخواتى..فاستحملونى..
دمتم سالمين يارب..
:)

لكم احبك..

لكم احبك...فقربك من عينى يجعلنى دائما اشعر بالاطمئنان...
فأنت جزء منى..من كيانى..من شخصيتى..
فمن خلالك ارى لهذا الكون روح وطعم...

عندما تغيبين عنى اشعر بان هناك شئ ينقصنى..
ومهما حاولت ان اصف شعورى عندما اتحسس ملامحك
....رقتك...ِشفافيتك...
فلن اوفيك حقك...

احيانا ازعم اننى قادرة ان استغنى عنك..
وان استبدلك ..بمن هى افضل منك......
ولكن ماهى الا لحظات ...ويعاودنى الحنين...
لاعود اليك وكلى لهفه...

اتذكرين اول لقاء بيننا...

عندما وقعت عينى عليك ...بهرنى جمالك الهادئ..
وتولد ذلك الحبى الابدى فى قلبى..
واخذت اردد..انها هى..هى التى ابحث عنها...


مرت الان سنتان منذ ذلك اللقاء...
وحبك فى قلبى يزداد يوما بعد يوم..
لذاااااااااااااااااا
دعينى الان اقولها عالياااااا
لكم احبك يا نظارتى الحبيبه...
..