Sunday, July 22, 2007

مغلق..للامتحانات!!


كله من النسا والجراحه اللعينتين..
معلش...
هااااااااااااااااااااااااااااااااااااااااااااااااانت...
دعوتكوو بقى...
عندى امتحانات اعمال سنه..من يوم 31 يوليو..الى يوم 13 اغسطس...
ركزوا الدعاء بقى فى الفتره دى..ربنا يكرمكوو..
مش تفضلوا تلعبوا طول السنه وتيجوو تتزنقوا فى الدعا فى الاخر ...
:D
ياالااا اشوفكوو على خير باذن الله...
N.B.
بخصوص التاجين المبعوتين من الدكاتره ارتعاشات و احمد مع نفسه
فانا مش نسياااااهم وهعملهم بس لما اخلص البلاوى اللى ورايا الاول...

واخيرا
فضفوضه ع الماشى من الخنقه اللى انا فيها...
بجد بكره ايام الامتحانات جدا...
ياللى النسا خنقاك وحيراك...
والجراحه محوطاك ومزهقاك
إحمد ربك ..دى اخر سنه!!!
خليها تعدى..وبعد كده..
اوعى تبص ورااااااااااك..!!



هتوحشونى بجد
..................................................................................................
تحديـــث لا بد منه..

2007-7-30

واهى ماشيه وبتعدى..
صدمــــــــــــــــــــه
فى
لطمــــــــــــــــــــــــه
فى
قطمــــــــــــــــــــــــــه

تم ترراررارم...
تم
تم

كلكو ادعووو بكره ..من 9 صباحا
الى مالا نهايه...

ونداء خاص
ل
dr.sea
حضرتك بالذات لازم تدعى...

اصله امتحان عضم....
:D
والحاضر يعلم الغايب...
والله ولى التوفيق...
....


16 comments:

shreef said...

ربنا يوفقك في الامتحانات ان عارف انكوا بتتعصروا بس يلا كل بثوابه..ربنا يقويكوا..سلام

ياسر سليم said...

ربنا يكرمك

وتخلصى على خير ان شاء الله

وجميل قوى الزجل اللى فى الأخر ده

باين عليكى كاتباه فى لحظة صدق واحساس

catroz said...

ربنا يكرمك يا بنتى ياارب

بس الامتحانات خلصت دلوقتى

انتى فيييييين

أحمد سلامــه said...

اه من الامتحانات
والف اه
خصوصا النسا والجراحة
والكلام اياه
ربك يعدلها
وتتستر السنة
واهو كلو كلو على الله

Ert3ashat said...

ربنا معاكي يا شيماااااااااااااااااااء

Doba said...

قلمك فى ايدك ومسطرتك فى ايدك ومطوتك فى ايدك اللى يقولك غششينى شرحيه - مش انتى جراحة برده

ربنا معاكى - من نام وارتاح نال النجاح -- يا مسهل

مستنياكى -- هبة

emos said...

ya rab sahelhaaaaaaaa
isa 7'eeeeeer
enty bs 2e7'la3y men el koleyya w hateb2y zay el fol isa
zakry bs w bataly le3ab 3ala el PC

A Whisper said...

ربنا يعينني ويعينك يا شوشو ياحبيبتي
ونخلص على خير ياااااااااااااارب

ادعولي انا كمان مع شوشو :(

Noony said...

شيمو يا حبي
ربنا يوفقك يا رب
وتخلصي الكلية على خير

النهاردة شفت واحدة مطلعة كتب وحاحات وقاعدة تكتب قلت يا حرام تلاقيها في طب وعندها امتحانات
الفضول أكلني وسألتها بس طلعت البنت خلصت كلية بس مثقفة شوية
:)
والله افتكرتك وصعبتي عليا أوي

بس أنا بمووووووووووت في أيام الامتحانات
بجد ذكراياتها لا تنسى..بتعلم للأبد
هههههههههههههه

:)
نوني

Dr.SEA said...

خلاص هانت يا شيماء
:)
ربنا يوفقك و يصبرك
(:

The Groom said...


ربنا يوفقك ويكرمك ويشرح صدرك وبالك ونفسك ويوفقك تكتبي وتنجحي بأعلى المراتب والدرجات والمخدات كمان :))

:)))))))))))

وربنا يوفقك ويرجعك بالسلامة ويخلصك منها على خير الامتحانات دي

حسامحك لعدم زيارتي عشان الامتحانات بس

تحياتي لك من ماناساس البلد

ابقى الحب.. said...

اهنيك على مدونتك الرائعه واسمح لى ان اكون أحد قراءك.. وان يبقى الحب بيننا

تخاريف خاصه! said...

لسه راجعه من الامتحان ..كان معقول..الحمد لله

:)

ربنا يكرمكو كلكو...
ويجازكوو خير..وشكر ل

shreef
وياسر سليم

و cartoz
وسؤالها المنطقى طبعا..:D
انا ساته طب حضرتك وبمتحن اعمال سنه...
:)
منورانى..

تخاريف خاصه! said...

احمد سلامه وارتعاشه ودوبا

ربنا يكرمكوو يارب...

وفعلا يا دوبا..من نام وارتاح نال النجاح..
ممكن فى اى حته تانيه غير فى الكليه البشعه دى..
يااالا االحمد لله

تخاريف خاصه! said...

EMOS
بزاكر والله...
:)

رفيقه الكفاح ..WHISPER
ربنا معانا كلنا يا قمرة...

نوننننننى

بتموتى فى ايام الامتحانات؟؟؟؟

وش مذبهل...

طيب..وخصوصا لما بتبقى فى عز الحر والندبا كلها بتصيف واللى بيروح واللى بيجى واللى بيتخرج و اللى بيخطبب واللى بيخلف...
كل ده واحنـــــــــــــا قاعدين..بنزاكر!!!

عاااااااااااااااااااااااااااااااا

انا ممكن احبها ماشي..بس اما تعدى كويس..وتبقى زكرى...
بس هى تعدى!!!

تخاريف خاصه! said...

dr.sea
ربنا يخليك يا دكتور..
:)

المهم يصبرنى دى فعلا!!!
:D
جرووووووووووووم

انت فين يا بُنى...معلش فعلا كنت منقطعه شويه المرة اللى فاتت بس كنت ببص بصه سريعه على مدونتك لقيت ك كاتب فى القصه يجى سبع فصول..

هروح اقراهم اهووو...

ومتشكرين يا فندم ع الدعوات الحلوة ديه...
ياااارب الدعوات دى توصل..!!!
:)


ويبقى الحب..
ده شرف ليا
:)