Sunday, September 19, 2010

بتمــــرجــح..!


اوقات بحس اني خلاص ..بشَطّب

ان عمرى الف عام....

وساعات بحس انى لسه مابتدتش...

اوقات بقول انى غلط..واتلخبط..

وكتير بضيع وسط الاسئله وماجوبش...

و ساعات بروح بالروح للفرحه واترجاها...

ويوم ماتيجي .تعدى طيف...وكأنها ماعدتش...

وساعات وساعات وساعات...

بتوسع المسافات...

وتبهت الحكايات...

وتنطفى الضحكات

....

وينتهي كل شئ.

...

عند نقطه معينه...

فارجع احس...

انى انتهيت...

رغم انى.. فى الحقيقه..لسه مابتديتش...!!!!


22 comments:

mrmr said...

يااااااااااااااه
حمد الله بالسلامه يا قمر
اخيرا افتتحتى المدونه كتير كنت منتظره بوستات جديده
تخاريفك النهاره مش اجمل من وجودك
متغبيش علينا
تقبلى مرورى وصداقتى

AymanGaber said...

احساس جميل ........ و شعور اجمل
و كنت منتظر بوستاتك بفارغ الصبر
تحياتي يا قمر ......... :)

Markos said...

fe el gooooooooooon fe3lan momken nb2a 3andena 1000 sana aw lesa mabtdenash

Markos said...

fe el gooooooooooon fe3lan momken nb2a 3andena 1000 sana aw lesa mabtdenash

I will be Myself said...

ساعات بحس اني انتهيت وساعات بحس ولا مرة ابتديت
هو ده اللى حسيته واللى انتي قولتيه
جميل اوي البوست ده
تحياتي

Unknown said...

تحياتي على الكلمات الجميلة والرشقة... عجبتني بجد...
أتمنى أن يكون سبب الغياب عن المدونة خيرا إن شاء الله
تحياتي أختي الكريمة.

ادم المصرى said...

عجبتنى المدونه اوى وعرفت انها كانت مقفوله ليه كدا دى حتى جمده جدا واتمنى تكملى رسلتك

Anonymous said...

مصر فى مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

أرجو من كل من يقراء هذا أن يزور مقالات ثقافة الهزيمة بالرابط التالى www.ouregypt.us

فافى said...

الله بجد كلامك بيعبر عنى انا كمان فى اوقات من حياتى بس اكيد احلى وقت هو الوقت اللى بتحسى فيه انك لسه مابتدتيش صح؟

إسراء ماجد said...

هي الحياه بتمرجح دائم أحيانا نضن أننا سنهوي في أعماقها لكنها قوه تمنح لنا لا ندري من أين لكنها قوه
سلمتي أخيتي أنت وبأربعه حروف (مبدعه)

kholood said...

يعني هنا نقطة ممكن انا وانتي نلتقي فيها هيه دية المحطه الي انا كنت متعلقه فيها فترة بس بالاخر الحمدلله قطعت تذكرة وطلعت القطار من تاني وماشيه معايه زي القشطه
معلش بنتوه كتير وبنبعد كتير ونتعزب كتير ونفرح كتير وبالاخر نكتشف انني كنا ماشييين على طول وانو قطار الزمن ما وقفش يستنانا ابدا
تحياتي عزيزتي

يا مراكبي said...

لأ ده انتي لسة شباب

لسه بدري

تفائلي واتمرجحي كمان وكمان .. عادي

Anonymous said...

رائع
خاطرة اعني تخريفة جميلة
بالتوفيق ان شاء الله
http://0nasser.blogspot.com/

lo0odi said...

كلام رووعه..
استمرري ف ابداااعك..
وتقبلي مروري..
مدونه ذوووق..
ودي لك..

❤ soso ❤ said...

مشاعر مهفة جدا وكانها بتعبر عن كل واحد مننا

givara said...

من الواضح ان كان فى غياب عن المدونه الفتره اللى فاتت حمد الله على السلامه انا اول مره اخش وطبعا ندمت انى مدخلتش الفتره اللى فاتت عموما انا هقرا التدوينات القديمه بالنسبه للتدوينه دى مؤثره اوى ومركزه قصرها عاجبنى اوى وبالرغم من قصرها ده الا ان وصف الشعور والحاله لم يقصر احسنتى فعلا
فى انتظار المزيد

إجازتي4 said...

جميل ما خطته أناملك عزيزتي

موفقة

د.ريان said...

كلمات جميلة ومعبرة منكم

دمتم بكل ود

H A N A N said...

أهلن انا معجبه بمدونتك.

مقتطفات فتاة said...

كلام رااائع
عشت مضمونه وعشقت سطوره
بارك ربي المداد
تحياتي

givara said...

..

بتوسع المسافات

وتبهت الحكايات...


وتنطفى الضحكات
قصيده فى منتهى الجمال وجمالها فى صدقها
فعلا خاطره فة منتهى الجمال

Mohamed Abdelraheem said...

لما تنطفى الضحكات
وتوسع المسافات
بنفضل لينا الذكريات
تودينا لأبعد زمان
وتحكيلنا أجمل الحكايات


تحياتى لكى كلمات جميلة ومعبرة