Monday, August 24, 2009

سبح اسم ربك الاعلى 4


عوده ..بعد قرابه من عامين

سبح اسم ربك الاعلى...
هى دعوه للتامل والتفكر فى خلق الله ..وآياته فى انفسنا...
هنتكلم عن التنفس...ازاى بنتنفس..من غير مانحس...من غير مانفكر...

بدايه زى ما المعظم عارف احنا بنتنفس الاكسجين من الجو ..وبنخرج ثانى اكسيد الكربون...
دى ابسط المعلومات...
سطر...!
لكن ازاى ده بيحصل...سبحان الله....

مبدأيا الواحد بياخد النفس..من الهوا يعنى...من الانف....دى المحطه الاولى...نقف عندها شويه...
سبحان الله فعلا...

الهوا اللى داخل ده مش متفلتر...كله دخان سجاير...عوادم سيارات...دخان وقرف...

لازم يتفلتر....
فى كل محطه هيعدى عليها الهوا هتلاقى فى حاجه ربنا خلقها تنقى الهوا ده على قد ماتقدر...

قلنا المحطه الاولى هى الانف...

فيها شعر...سبحان الله...ده فلتر...ينقى الهوا اللى داخل ..!
تمر بعد كده على المنطقه بين الانف والحنجره.....والحنجره....

والقصبه الهوائيه...

كلها متغطيه باغشيه مخاطيه...حاجه كده زى ورقه السيلوفان...الاغشيه دى عليها حاجه زى اهداب كده...بس على صغير..تعمل زى المقشه وتطرد اى شوائب فى الهوا لبره...
زى الصوره كده
...

الصور دى متكبره ..يجي..الف مره على الاقل...!
عشان تبان كده فى الميكرسكووب...


ياااللـــــــــــــــــــــــــــه...!!


ومش بس كده...ده



دى كمان فيها خلايا بتطلع ماده مخاطيه...برضه عشان تنقى وتفلتر..!!



كل ده على طووول الجهاز التنفسي...!



قد كده ربنا صاينك ومحافظ عليك...قد كده ربنا حريص علينا..وعلى سلامتنا...ونقاء كل شئ..حتى الهوا اللى بنتفسه...ونيجي احنا نبهدل الدنيا...بسجاره...ولا بدخان...ولا بأى قرف..!!



كل دى محطات بيمشي فيها الهوا..لحد ما يوصل للرئتين...



وهنا بقى فعلا آيه من آيات الله...لا يمكن الواحد مهما شكر...يوفى ربنا نعمته فيها...





سبحان الله..






القصبه الهوائيه تيجي داخله على الرئتين..تتفرع فرعين كبار...وكل فرع منهم يتفرع افرع اصغر فاصغر فاصغر...

لحد ماينتهى بحاجه اسمها الحوصله الهوائيه....


دى عامله زى البالونه...


تتنفخ بالهوا اللى داخل...

طب كده حلو اوى..الهوا دخل ووصل للحوصله الهوائيه..طب الحمد لله...الهوا ده اكسجين..وثانى اكسيد كربون ونيتروجين...وانا جسمى وخلاياي ..محتاجه الاكسجين بس..اازاى بقى اخده..من وسط كل المكونات دى..!!

تلاقى ربنا مبطن الحوصله الهوائيه دى..كل ده يا جماعه احنا بنتكلم فى نانو ميترات..يعنى حاجات دقيقه جدا..متناهيه فى الصغر...لا يمكن حد يتخيلها...ولا يتخيل انها موجوده جواااه...!

سبحان الله...


تلاقى ربنا مبطن الحوصله الهوائيه دى بغشاء..برضه رفيع اوى..زى ورقه السيلوفان...حواليه شعيرات دمويه كثيفه...عشان تقدر تستخلص الاكسجن وتاخده خلايا الدم الحمراا..وتهرب بيه ع الشرايين..فى نفس الوقت اللى بتبقى الاورده الصغيره اللى حوالين الغشاء ده


..مشغوله انها ترمى ثانى اكسيد الكربون..بره الجسم..عشان تتخلص منه..فى الزفير....

سبحان الله فعلا...
كل ده على مستوى اكتر من عدد كبير جدا من الحويصلات الهوائيه...فى كل رئه...







Epithelum of alveoli:الغشاء المبطن للحوصله الهوائيه..

film of moisture:طبقه رقيقه من الماده المخاطيه ..عشان بس ترطب..وتمنع ان الحوصله دى تقفل..لما يجي الهوا خارج منها...!

From pulmonary artery:يعنى الشريان الصغير اللى جاى من الشريان الرئوى..

capillary:شعيرات دمويه..اللى محوطه الغشاء الرقيق اللى مبطن الحويصله..

ventilation:عمليه التنفس..او بمعنى اصح..تبادل الغازات اللى بيحصل..السهم الداخل..الهوا الداخل فى الشهيق..والسهم الخارج الهوا الخارج فى الزفير...

diffusion of oxygen:دخول الاكسجين داخل الحويصله ومروره بالغشاء اللى مبطنها..عشان يروح لخلايا الدم الحمرا فى الدم..

ومنه للجسم كله..

oxygen enter Red blood cells:الاكسجين بيدخل فى خلايا الدم الحمرا عشان تحمله وتنقله لكل خليه فى الجسم..

كده الاكسجين دخل..عايزين نرمى بقى ثانى اكسيد الكربون ونتخلص منه فى الزفير...

diffusion of CO2 :زى مالسهم موضح..بيمشي من الدم عشان يخرج فى الهوا بتاع الزفير...

كل ده ياجماعه عشان بس الاكسجيين يدخل لخلايا الدم...ونتخلص من ثانى اكسيد الكربون...

كل ده بيحصل من 16 ل 20 مره فى الدقيقه...!

واحنا مش حاسين...!

سبحان الله فعلا...

ركز كده حضرتك مع نفسك...دقيقه كده....
واحمد ربك على كل نفس...على كل خليه...على كل ذره اكسجين بتدخل جسمك...!

كل
العمليه دى محكومه من فوق زى ماقولنا قبل كده فى الحلقه الولى...محكومه بمراكز معينه فى الجهاز العصبى...

المراكز دى...لو اضربت..او اختلت لأى سبب...تختل العمليه كلها...!

يا الله.....!!

بتهيألى لو حد مسك سيجاره بعد كده...ولا خد نفس شيشه...لازم يتكسف من نفسه...وقبل كده يتكسف من ربه..اللى هيئه فى احسن الصور..وظبطله كل شئ...وهو بيفسد نفسه بنفسه..

سبح اسم ربك الاعلى3

سبح اسم ربك الاعلى 2

سبح اسم ربك الاعلى 1


الحمد لله الذى هدانا اليه وماكنا لنهتدى..لولا ان هدانا الله

ولا تنسونا من صالح دعائكم...

11 comments:

عمرو فكرى said...

عودا حميدا ^_^

بيقولك خيركم من تعلم العلم وعلمه

تخاريف خاصه! said...

تدوينتك الاخيره هى اللى فكرتنى وحمستنى يا عمرو...

ربنا يعزك...

عمرو فكرى said...

طب الحمد لله .. فرحتينى والله

يا مراكبي said...

سبحان الله

شيء فوق قدراتنا وتوقعاتنا

وإن تعدوا نعمة الله لا تحصوها

hasona said...

السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
وتدبر معانيه وفهمها علي النحو الصحيح
ورطب ألسنتنا بذكرك يا الله

عايز أقول اننا في أيام مباركة ويجب استثمارها في الخير والتقرب من الله

nono said...

مدونة رائعه

Sonnet said...

سبحان الله و بحمده
شكرا على هذه السلسلة
من التسبيحات

عمرو فكرى said...

:ohno:

نوره العبدالعزيز said...

جزاك الله خير جعله الله في ميزان حسناتك

محمد بوعلام عصامي said...

سبحان الخالق الذي خلق فسوى

- محمد بوعلام عصامي said...

سبحان الذي خلق فسوى