Thursday, June 5, 2008

طبيعي ف الكشك!

‏'طبيعي ف الكشك‏!‏‏' يعلو صوت 'نائبة ' النسا والتوليد في كشك الولادة
معلنا عن مجئ مولود جديد علينا استقباله ومساعدته
ليتم مروره وخروجه لهذة الدنيا بسلام..
دون اية مشاكل..اسرعت لأتعقم واخذت وضع الاستعداد
وبدأت تلك الوصلة المعهودة'يلا يا ستي احزقي يا ماما ..
ماتقطعيهاش يلا..ها.. ها برافو عليك ..
الي ان طلت علينا..كانت عيناي اول من رأتها ..ويداي اول من لمستها..
فأنا اعترف بأنى اول من أذيتها وأخرجتها لهذة الدنيا..
لكني اعتذر فالذنب ليس ذنبي! تصرخين يا صغيرتي..لم يحن وقت الصراخ بعد!
انت لسه شفتي حاجة!
-ها يا دكتورة شيماء خلاص كدة؟
-ايوة ياستي حمد الله علي سلامتك جبتي بنت زي القمر ..هتسميها ايه؟

-هسميها شيماء يارب اشوفها دكتورة زيك كدة!

يعلو صراخ تلك ال' شيماء'في نبرة اعتراضية حادة..
وكأنها ادركت ما قالته امها!!

15 comments:

Unknown said...

هى بتعترض على انها شيماء

ولا على انها دكتورة

ولا على انها جات

لهجة الاعتراض دى

بتروح فيين بعد كدة

فى الاول اسود وفى الاخر سحالى

تحياتى

حبيبـــــــة القمـــــر said...

السلام عليكم ورحمة الله وبركاته

اول تعليق لكن مش اول زيارة

تخاريفك لها وقع جميل على قلبي

اجد فيها بعض مني ولذلك فاسمحي لي ان آتي من وقت للآخر .....

حين نرى لحظة الميلاد نتذكر الممات ونفكر فيما مضى وفات
هل حققنا مانصبو اليه ام اننا فضلنا السكات

خالص مودتي

آلاء الرحـمـن said...

كلنا هذه الطفله :D

ربنا يكلملها بعقلها و يبعدها عن السكه دي

سكه ال ون واي - اللي يروح ميرجعش -

ربنا يتوب عليكي بقي يا شوشو

هانت اهه

دينا فهمي said...

ده يبأى ربنا بيحبها لو طلعت زيك (:

Bongo said...

ربنا يسامحك يا شيمو علي فعلتك الشنيعه دي ههههههه

هتفضل طول عمرها مامتها تقولها انا سميتك علي اسم الدكتورة اللي جبتك الدنيا .. ربنا يسامحها :D

تخريفة جميلة يا شيمو
ربنا يوفقك دايما :)

Anonymous said...

اول طفل بتولديه بيبقى حدث لا يمكن نسيانه

احساس جميل اوي ان نون عسول جه الدنيا على ايدك

ربنا يحفظها ويحميها

وعقبال مانشوف بناتك وولادك يا شوشو

Unknown said...

رغم ان البوست صغير لكنه بيحمل بين سطوره معانى كتيره اوى وحلوه
واضح ان حضرتك مدونه مبدعه
جزاك الله حيرا

safa7_karmooz said...

فعلة شنعاء...وانتى كده والدكتورة التانية بتاعت الكشك خالفتوا اوامر الحكومة بترشيد المواليد...كنتى قوليلها تمسك نفسها سنتين تلاته لحد الظروف ما تتعدل

ستات اخر زمن

Anonymous said...

الف مبروك

امنية حياتي اخلف بنت

يابختها

حد يكره في زماننا اللي بنخاف فيه علي الولاد

انه يجيب بنت

ربنا يخليكي يادك

عمرو فكرى said...

:D

تخاريف خاصه! said...

واحد مش فاهم حاجه..

على كله!!!!


حبيبه القمر

ربنا يكرمك بكلامك الرقيق ده حقيقي...
:)

تخاريف خاصه! said...

الاء..
وحشانى اوى...

حلوة سكه الون واى دى...

:D

امرأه تقول الذى لا يقال

:))))))))))))))

تخاريف خاصه! said...

BONGO

ههههه

وانا مالى..ان طلعتها للدنيا بس!!!


نورتينى..
:)))


WHISPER

صح فعلا حدث جامد اوى...وبرغم انى ولّدت-بتشدييييد اللام_ بعدها كتير بس فعلا اول مره احساس مختلف

تخاريف خاصه! said...

Sasatefa

نورت المدونه وان شاء الله ماتكونش اخر زياره...


سفاااااااح كرموز


:D

وانا مالى !!!!!!

انا يادوب طلعتها للدنيا...هو انا جايباها من بيتنا..؟!!!!!

:D
وبعدين مش عايزة اصدمك فى عدد االستات اللى بتولد فى اليوم

صدمه صدمه....وده اللى بيجوا الدمرداش بس...غير بقى باقى المستشفيات والوحدات والبيوت والنجوع وتحت السلالم!!!!

منورنى...بعيدا عن الحكومه
:D

تخاريف خاصه! said...

Afew good men

ههههههههههههههههههه

حلوة بنخاف على الولاد دى...!!!!

منورين المدونه..
:D

AMR

:D