Wednesday, July 23, 2008

نفسي فى لحظه اختفى!!!


"نفسي فى لحظــــه اختفى"


داهمنى هذا الشعور بقوة..طوال مايقرب من شهر....


شعور غريب..بل امنيه عجيبه


لم يكن هدفى كهدف.."عصفور"عبد المنعم ابراهيم " فى فيلمه الشهير...


ان يهزم قوى الشر المتمثله فى "توفيق الدقن"..وان يحرر االحاره من سطوته


ويفوز هو بقلب حبيبته..


.بعد ان يثبت لها بان العلبه فيها معزة وليس فيل


!!


انمـا كان هدفى ارقى واسمي بكثير...


هو " انى عايزة اريح دماغى شويه"


فهل من سبيل ؟

15 comments:

a whisper said...

السلام عليكم يا شوشو
الحمد لله على السلامة

تصدقي بالله
دي مش امنيتك انتي بس
انا كمان كان بييجي عليا وقت نفسي اختفي فيه واريح دماغي من كل شئ

تخيلي لو الواحد يقدر يختفي..ويروح في اي حتة في اي وقت..ويعمل اللي هو عايزه..ولا حد شايفه

يا سلااااااااااام
شعور جميل اوي

انا نفسي بكرة وبعدو اختفي عشان عندي استقبال وبعدين نباطشية
:)


ربنا يوفقك ياجميل
متغيبيش علينا
دمتي زي الفل
(f)

المنسى said...

ليه بس التشاؤم ده
الدنيا عامة مينفعش يبقى فيها ترييح دماغ لإن تمن ده غالى أوى ومحدش بيقدر عليه
أقولك حاجة لما تبقى فى حالة زى كده
حاجة واحد بس إللى هتنفعك وهتريح دماغك وقلبك كمان
ذكر الله

ألا بذكر الله تطمئن القلوب

وكل شىء متعلق بأيد ربنا إنتى أكيد عارف الكلام ده

وانا مش عالم بقوله لأول مرة
بس
وذكر لإغن الذكر تنفع المؤمنين

تحياتى ليكى

وارف said...

والله انا كمان نفسي اختفي، بس انا عارف الاحساس ده، انتي اكيد عليكي ضغوط كثير كثير وربنا يكون في عونك في سنة الانتكاس قصدي الامتياز
اتمنى ان اختفائك مايطولش يا دكتورة شيماء عن الفيس بوك لأن كلنا مفتقدينك وانك ماتختفيش عن البلوج هو الآخر ، لان الدنيا مش ناقصة حد من الناس الكويسين يختفي

تخاريف خاصه! said...

whisper

:)))))


ربنا يخليك يا بوس بوس...

ربنا يعينك فى النبطشيه...

.............

المنسي

والله مش تشاؤم الحمد لله...

وذكر فإن الذكرى تنفع المؤمنين


وشكرا على الزياره وان شاء الله ماتكونش الاخيره


...........

د.وارف..


دعواتك يا دكتور

نعكشة said...

مممممممممممممممممممممممم

مش عارفة

هوه انتي عايزة تختفي بحيث تريحي دماغك
ولا تختفي متظهريش للعلن

لو عايزة تريحي دماغك
الاختفاء مش هيريحها

لإنك هتبقي لسة انتي انتي حتي لو كنتي متخفية

اما لو كنتي عايزة تختفي عن العلن

اقعدي في اوضة ضلمة سودا
خمس ست سبع ايام
اهدي
و سيريلاكسي
وبعدين اطلعي

انا رخمة صح

ساعات كتير ببقي كدة

يل خير

دمتي سالمة

سلامٌ عليكم

يمامة شاردة said...

ايه ده؟!

هو مين اللي كاتب البوست ده؟

و في الوقت ده بالذات؟!!

أنا وللا انتي؟!!!


أنا نفسي في شهر.. في سنة.. في قرن

مش بس لحظة!


.......

وحشتيني يا شوشو

يا مراكبي said...

قصدك إنك عايزة نافوخك يفصل شحن؟

To turn into: off status?

ياريت

أنا بقى لي سنين نفسي في كده

كان غيرنا أشطر

بيسوو said...

يا مساء الامنيات العجيبة

بس تصدقي انها امنية حلوة..هو انا ممكن استلفها منك شوية الامنية دي؟

تخاريف خاصه! said...

نعكشه


:D

على فكرة انا عرافكِ..انت عرفتينى ؟؟؟


يمامه شارده...

واحد يا حبى...وانت كمان جدا...

تخاريف خاصه! said...

يا مراكبى...


يعنى مافيش امل...!!

انا عارفه....


بيسوو


اتفضلها...
:)

girl alone said...

walahi 3andik 7a2. a7yanan kteer elwa7d mish 3ayz yshof wesh ako elly ganbo.we midoantik we mawadi3ik 7ilwa e7ayiki.
girl alone

Teawater said...

ليتنا نقدر نبعد ونروح مكاان بعييييييييييييييييييييد جداً نكبر فيه الدي ونرق الجي كوووووووول اوي المونة بتاعتك

تخاريف خاصه! said...

girle alone...

teawater


الف شكر...

:))))

منورين....

كن جميلا مدون جديد said...

اقولها بصراحة لهجتك في هذه الرسالة ضرب من السلبية التي لابد ان تتغلبي عليها فضلا علي ان تلفظيها من حياتك نهائيا فالحياة امواج والقلم سفينة فان ضعف القلم مات من يمسكه
علي الدرب سيرى والافق المحي الضوء المضيئ فهذا هو الدواء لكل من حولك ولكي قبلهم ان مع العسر يسران ليس واحد
ابو فاطمة

محمد حازم said...

انا نفسى اعلق على كلامك الجميل ده
انا جت عليا فتره كان نفسى مش أختفي أنا ىكنت بتخيل نفسى مت و بشوف فخيالى هو انا لو مت أهلي و صحابي هيكون شعورهم ايه و هزعلوا عليا ولا هيقولوا كلب و راح

(طبعاً الأولانيه)