Friday, April 10, 2009

موضوع تعبــــير..!!


امبارح كنت قاعده بشوف حاجات فى مكتبتى...لقيت كشكول مكتوب عليه 2-8...
تعبــير..بتاع ثانوى بتاعى قلت اما افتحه اشوف وافتكر...


كان اول صفحه ...تاريخ 18-9-1999


كان رأس الموضوع..
"بذل مبارك مجهودات مضنيه فأخذ بيد مصر الى عتبه الالفيه الثالثه مرفوعه الهامه واثقه الخطى...!!


الافكار...اللى ملاها لنا المستر يومها...كان اول يوم فى الدراسه..!!
1
دخول العالم مرحله جديده وخطيره مع اقبال الالفيه الثالثه1-...
2

الازمه السكانيه وتدهور البنيه التحتيه..
3

اهتمام الرئيس بهموم الفرد والمجتمع...!!!!
4

قناه توشكى ..اضخم مشروع فى القرن العشريين بعد السد العالى!!!!!!

-اصل ميلودى ماكنتش لسه فتحت!!!..!!!!-
5

اتفاقيه السلام واالاهتمام بالقضيه الفلسطينيه..!!!


مش هتكلم عن موضوع التعبير الفظيع اللى كنت كاتباه...!!!


بس هقولوكوا اخر سطريين...


"واخيرا بعد تلك الكلمات القليله التى لن تعبر عن مدى حبنا لمصر..وجهود هذا الرجل الذى اعتبر القياده"تشريفا" وليس "تكليفا"..-لخبطت بدون قصد.._والمستر طبعا ماخدش باله...!!!

اخيرا نقول له تلك الكلمات الرقيقه...



سر يا مبارك نحن بك متمسكون..


.واعبر بمصر وشعبها..فنحن خلفك متقدمون..

!!!


والحمد لله جبت 4 على 5 فى الموضوع ده!!!
وجه موضوع يشبه فى الامتحان...وكتبته..وجبت 29 من 30 فى العربى...
و98 ونص فى ثانويه عامه...ودخلت طب!!!
واتخرجت منها..!!
وهشتغل ان شاء الله!!!
وربنا يكرمنى واتجوز...واخلف...وعيالى يدخلوا المدرسه...!!!
وان شاء الله هيبقى برضه نفس موضوع التعبير..!!!
عشان كده محافظه على الكشكول..!!

11 comments:

م said...

لولا انك مركزه فى الطب انا كنت كلمتلك حد وشغلناكى فى اخبار اليوم
البقين دول يمشوا هناك
بتوع سر يا مبارك دول
من يومك فاهمه التيته يا عفريته
:))
بس تصدقى بالله كل وزراء التعليم ربنا هيحاسبهم لانهم دمروا اجيال وشوهوا شخصياتهم الا من رحم ربى ولحق نفسه

تخاريف خاصه! said...

طب ايه اللى انت جاى تقول عليه يا دوك!!!

بس انت بس شوفلنا حد فى الاخبار..ان شاالله اخبار السيارات حتى!!!

ماعنديش مانع....

ده انا اعجبك اوى!!!

:D

يا مراكبي said...

ما تاخديش على كلام اللي كاتبه موضوع التعبير ده .. هههههه


وبعدين إحنا فعلا كنا سنة الف وتسعمائة وتسعة وتسعين في رخاء وتقدم وإزدهار

إنكري بقى

Dr. Kafy said...

تفتكرى ولادك هيكتبوا موضوع التعبير بتاعهم عن نفس الرئيس

تخاريف خاصه! said...

يا مراكبى...


لأ وانا اقدر انكر يا باشمهندززززز..!!

شكلكوا مصمممين تودونى ف داهيه!!!

عمرو...

:D


DR.KAFY..

مش هتفرق يا دكتور...يادوب هنغير الاسم!!!

العراب said...

مبروك
حلو اوى سر يامبارك
واكيد ولادك هيكتبو نفس الموضوع
وهيختموه ب سر يامبارك

Dina said...

يخرب بيت عقلك انا موت من الضحك
عندك حق لازم تحتفظى بيه طبعا
وسيرى على بركة الله

Old Blogger said...

الغريب ان اسمه موضوع تعبير
مع ان التعبير ده بيبقى عن حاجه جوانا
دلوقتى بيحفظوا موضوع التعبير
و أياً كان موضوع التعبير لازم تتكلمى عن جهود مبارك و السيده حرمه
حتى لو كنتى بتتكلمى عن اكسسوارات الموبايل

محمد جمال said...

"طويل العمر يطول عمره ويزهزه عصره وينصره على كل من يعاديه..هاى هئ"

هو دة الإبداع يا جماعة، الموهبة موجودة من الصغر..بسم الله ما شاء الله

pearla fash said...

ام اقرأ الموضوع من قبل لكن قرأته اليوم
بعد خلع مبآآرك هههههههه
سبحان الله ما بدوم لحد

قلتيلي سر يا مبارك ^_^


مددونة بغاية الجمال

pearla fash said...
This comment has been removed by the author.