Saturday, October 4, 2008

دون كلمه

تعبت من التنفيخ اوى...طول الليل بنفّخ.

اقولها لزميلتى ..فى نبره استعطافيه كى تأتى لتاخذ دورها فى تلك العمليه المهمه الممله..!!!!

ما اغبى ان تتوقف حياه مريض..وخاصه ان كان طفله لم تكمل بعد ساعتها ال48 فى تلك الحياه..

.ما اغبى ان تتوقف حياتها على بعض التماريين اليدويه لاشخاص
يعتبرون ان دراستهم و"بهدلتهم" وطاقتهم بعد ست سنوات..اغلى وارقى واقيم من ان تهدر فى تلك العمليه الفاشله...!!!

!فالتنفيخ هو عدو كل طبيب امتياااز..

.فالكل يرفع شعار لا للتنفيخ...

.خرجت لالتقط انفاسي فى الهواء الربانى بعيدا عن جو استقبال الاطفال المفزع...!

قابلنى والد تلك الطفله "المتنفّخه"..ها يا دكتورة ايه الاخبار...؟؟؟

كويسه..بس لازم تدور لها على حضانه ورعايه ماينفعش تفضل كده....!!

!مابندور اهو يا دكتورة...ربنا يستر.

.كانت االبنت تعانى من عيب خلقى فى الجهاز الهضمى..ادى الى مضاعفات ..ادت لتدهور حالتها..

.اكملت كلماتى مع الاب وانا امشى مسرعه كى اشترى اى مشروب...هموت من العطش من التنفيخ...!!!

!عدت مره اخرى..لمحت ذلك الاب...وهو واقف وجهه الى الحائط..معطيا ظهره للدنيا كلها...!!

جلست قريبا منه اراقبه ..لم اجرؤ ان اكلمه....!

كنت اعتقد اننى وحدى انفرد بقدرتى على البكاء الداخلى..!

!لكنه فاقنى..!

!فحقا مصيبته اكبر...و المه اكبر واكبر...!!

!تمتد يده من حين لاخر يحسس بها على صدره..كانما يحاول ان يهدأ نفسه...!!!

يغمض عينيه ..كانما يسترجع حلمه فى تلك الطفله..!!!

طفلته....!!

ادخل مرة اخرى للاستقبال...انظر للطفله...واخذ دورى فى التنفيخ دون كلمه..!!!

يدخل خلفى هو الاخر..وينظر اليها ..دون كلمه...!!

!تنتهى الطفله....دون كلمه...!!!

!بتاريخ23-8-2008

31 comments:

Sofy said...

!!!!!!!!!ربنا يرحمها

يــوم جــديد said...

سبحان الله
أحيانا ربنا بيبعت لنا رسائل في حاجات ممكن نكون مش واخدين بالنا منها نقدر قيمتها فقط بعد أن نفقدها أو نكون غير قادرين على فعلها

كن جميلا مدون جديد said...

اعجبني شعارك ما يلفظ من قول الا لديه رقيب عتيد (الاية ) وما اعجب ان تحزني علي الطفلة وهذا شعارك فيا فرحتها دون كلمة خرجت من بطن امها الي الجنة دون حساب ولا سابقة عذاب اما عن الاب فيقول النبي صلي الله عليه وسلم مبلغا عن رب العزة "ليس لعبدى جزاءا عند اذا قبضت صفيه (حبيبه) من اهل الدنيا ثم احتسبه عندي الا الجنة" وهذا هو العسل بعد لدغ النحل وهي سنة الله ان الجنة ليست بسهلة المنال ادخلنا الله ايانا واياك اياها
جزاك الله خيرا علي هذا الشعور ولكن قولي انا لله وانا اليه راجعون
ابو فاطمة

بت خيخة وأى كلام said...

معنديش اى كلمة ممكن اقولها

انا أم
وحطيت نفسي مكان ام البنت
اتفزعت على ابني
ندهتله وقعدت ابصله اوى
حضنته وبوسته
شكرت ربنا على نعمته
ودعيت ان ربنا يحفظلي ابنى من كل شر


البوست ده خوفني اوى

تخاريف خاصه! said...

sofy


اللهم امين..



يوم جديد

فعلا كلامك صح...بس اللى يستوعب ويفهم...


منورنى

M.K said...

لاحزن عليها من طيور الجنه ان شاء الله
الحزن على حالنا نحن وماذا سيكون
مآلنا ...

تخاريف خاصه! said...

كن جميلا...

انا لله وانا اليه راجعون...


خيخه..

:))))

وحشانى وربنا يباركلك فى شريف يارب...


m.k

اللهم ارزقنا حسن الخاتمه يارب

shreef said...

ربنا يكون في عونكوا بجد لانكم بتقابلوا و بيتمروا بكل المواقف ديه اللي اغلبها بتكون اصعب من الواحد يقدر يتحملها لكن ممكن نقول عليها متاعب المهنة
ربنا يرحمها يا رب و يمكن يكون ده اريحلها من اللي كانت هتمر بيه
الله اعلم
عموما تحياتي لحضرتك و عجبني اوي توصيفك للتدوينة
من وحي العك الطبي
:)

سلام

Yusuf Eltelpany said...

رحمها الله سبحانه وتعالى

في بعض الأحيان يتمنى الشخص لو كان مات طفلا

رغم مأساوية القصة ... إلا أنها مكتوبة بطريقة مؤثرة جدا ... خصوصا نهايتها ...

أعانكم الله في هذه المهنة الشاقة

ضد التيار said...

ربنا رحمها

و ان شاء الله يعوض اهلها خير

كلام على بلاطة said...

;كل عام وانت بخير

saragebaly said...

لا اله الا الله

انا لله وانا اليه راجعون

رحم الله والديها واسكنهما فسيح جناته وصبرهما وعوض صبرهما بألف خير يارب

ربنا يعينكم ويقدركم على مساعدة المرضى

تحياتي

سارة

تخاريف خاصه! said...

SHREEF

نعمل ايه بقى..!

ياالا الحمد لله..
منورنى يا فندم..


يوسف...

للاسف عنك حق!

ربنا يرزقنا حسن الخاتمه!
منورنى

تخاريف خاصه! said...

ضد التيار..
على بلاطه..

ساره...


شكرا على المرور بجد يا جماعه..
ويارب ماتكونش اخر زياره!

Amir said...

أنا و لا فخر كنت أشد منفاخ في الدمرداش في روند الأطفال ده ...

كان كابوس و انتهى الحمد لله

زوروني في الخيسروم http://amir.eg.vg

يَحيى المِصري said...

معظم أصحابيفي إمتياز حاليا
واحد منهمفي أول السنة كان ف إستقبال و تتقريبا كان في أول أسبوع ليه و جه واحد في حادثة و إتوفى
كانت حاجة صعبة جدا

زى الهوا said...

موقف شديد الصعوبة , ربنا يصبر والدها ووالدتها ويحفظ كل اطفال المسلمين , وربنا يكون فى عونك ياحبيبتى , معلشى يابنتى مهنتك دى صعبة جدا وياما هتشوفى فيها

تخاريف خاصه! said...

amir
ههههههه

الحمد لله...

يحي المصرى..

هى فعلا بتبقى حاجه صعبه اوى..

بس من كترها الواحد بيتعود!!!!



زى الهوا....



يارب..
:)

Amr Magdi said...

لا تكتفي مصر فقط بأن تعذبنا سبع سنوات ونصف في دراسة هي بحد ذاتها بحاجة إلى العلاج وإنما تعذبنا كذلك عندما يحاول البعض أن يمارس مهنته بشيء من الضمير ، الذي سرعان ما لا بد أن يتأثر أو يذوب في بحر من الظلمات المحيطة ..

لا أعرف ماهو المقصود بالتنفيخ ، لكن يبدو أن الشيء الوحيد الذي يجب أن ننفخه هو حبنا للوطن .. كي نغمض أعيننا ونستطيع أن نعيش في سلام!

FREE EGYPT said...

هل تريد من تعرف من وراء اسقاط الطائرة المصرية فوق المحيط؟
هل تريد ان تعرف الجهة وراء محاولة اغتيال حسنى مبارك؟ هل تريد ان تعرف من وراء مقتل سعاد حسنى و أشرف مروان؟ هل تريد معرفة القصة الحقيقية وراء مقتل ضابطة المخابرات الأمريكية فى أحد فنادق القاهرة؟ اذا أردت معرفة كل الأسرار والملابسات الخاصة بكل القضايا السابقة وغيرها من الملفات السرية فتابعنا اسبوعيا لتكتشف كنز من المعلومات الصادمة والغير متاحة الا فى ملفات اجهزة المخابرات

سري للغاية
http://toptop-secret.blogspot.com

خمسة فضفضة said...

السلام عليكم ورحمة الله وبركاته

ان ا لله وانا اليه راجعون

عارفه ان في صلاة الجنازه بعد التكبيره التالته بندعي للميت

الا اذا كان طفل عارفه بندعي لمين

لاهله ، امه وابوه ان ربنا يصبرهم ويبدلهم خيرا منه ذكاة واقرب رحما ويربط علي قلوبهم ويجعله دليلهم للجنه


ربنا يصبرهم يارب


سلام

DoNyA said...

أدميت قلبي
بدون كلمه

رحماك يا الله
علي قلب تمزق آلاف المرات
قلب الاب - الام - الطفله - قلبك المسكين الذي تابع تلك النبضات وهي تتلاششي - قلبي الذي أدمته الحروف

مودتي - وعزائي

م/ الحسيني لزومي said...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

قصاقيص said...

الله يرحمها
انا فعلا ابتديت أخاف كل مابحس أني ممكن أتحط في موقف زي ده
مش هبقي عارفه اعمل ايه
دي مواقف ماينفعش فيها المواسه
وياتري ربنا هيديني القدرة اني اساعد الناس ولا لا
ربنا يعينك بجد علي المسئوليات دي
.............
علي فكرة الجمله دي في النص كانت زي الكرباج اسقاطها مع الحاله النفسيه كان حلو اوي
كنت اعتقد اننى وحدى انفرد بقدرتى على البكاء الداخلى..!
.
تقبل مروري

ياسر سليم said...

ربنا يصبر والديها

ويكون فى عون الأطباء المخلصين

a whisper said...

لا حول ولاقوة الا بالله

ربنا يعوضهم خير ان شاء الله

صحيح التنفيخ حاجة زبالة

بس كفاية الاجر اللي خدتيه من تعبك عالبنت

ربنا يوفقك يا شوشو

كل سنة وانتي طيبة

ahmed abozied said...

السلام عليكم ورحمة الله وبركاته
تقبل الله منا ومنك صالح الأعمال
كما أذكركم ونفسى بتقوى الله
والإكثار من الدعاء فى هذا اليوم الطيب المبارك
وأسأل الله
أن يتقبل منا ومنكم
وأن يرزقنا العمل الصالح
وأن ينقنا من الذنوب ويعفوا عنا ويغفر لنا
ويجعلنا من أهل الجنه
وتمنياتى بالتوفيق الدائم
والنجاح المستمر

M.K said...

كـــل عــام وأنتـــي بخيــر
وعيـــد سعيـــد..
طولتي الغيبه ..
طمنيني عنك..

M.K said...

كـــل عــام وأنتـــي بخيــر
وعيـــد سعيـــد..
طولتي الغيبه ..
طمنيني عنك..

تخاريف خاصه! said...

AMR MAGDI

عندك حق!!!
للاسف

خمسه فضفضه

اللهم امين..

DONYA

اللهم امين

تخاريف خاصه! said...

قصاقيص..

يااارب..

ياسر سليم

يارب..اللهم امين..


WHISPER

:))
هنعمل ايه!!


AHMED ABOZEID
شكرا على المرور الطيب ده..
:)

M.K

انا الحمد لله كويسه..
:)