Monday, May 19, 2008

من القلب!

السلام عليكم يا اهل المدونات الكرام بجد وحشتوني جدا وكنت مفتقدة المدونة ومدوناتكم جدا جدا بس اصل الكمبيوتر بيمر بوعكة من فترة ودخل الانعاش وربنا يسهله بقيD‏ :و بدخل من الموبيل.
الفترة اللي فاتت كانت فترة انتقالية جدا في حياتي..حاجات كتير كنت مرتبطة بيها جدا فقدتها واكيد افتقدتها.. اولها الكلية مش كمكان على قد افتقادي ليها كروح ..!
احاسيس حلوة كنت بتبسطنى! فجأة راحت و بقت كمان مش من حقي!شوية من ارادتي وعزيمتي ضاعوا ..عمالة ادور عليهم مش لاقيهم فيا!
اشخاص مهمين جدا في حياتي..فقدت لغة الحوار معاهم تماما!
بقيت شخصية كئيبة ..قفشة علي طول S: مفتقدة الضحكة الحلوة!
وبالرغم ان في حاجات كتير جدت في حياتي ف الشهرين اللي فاتو ..لكن حقيقي مش قادرة ارتبط بيها ولا يكون بينا ألفة..!
ابتديت احس انى بقيت اخاف من الارتباط بأي حاجة!

9 comments:

يا مراكبي said...

عادي

فترة وبتعدي على أي حد .. وهتتكرر أكتر من مرة في حياتك على فكرة

لكن الحياة هتستمر .. وتستمري معاها إن شاء الله

زى الهوا said...

ربنا يفك كربك , وتعدى من الفترة دى على خير إن شاء الله

ياسر سليم said...

لا حول ولا قوة إلا بالله

الاول حمدلله على سلامة رجوعك

واظن ان مرحلة الخوف اللى انتى فيها دى مرحلة وهتعدى

وهترجعى زى الاول عادى

ولازم الواحد يبقى متذكر ان ما فيش حاجه دايمة كل شىء بيتغير من حوالينا
وده اسمة قانون التغير
ان كل شئ بيتغير ما عدا قانون التغير

Noony said...

الفترات الانتقالية دايماً بتبقى أسوأ مراحل الحياة....خليكي قوية زي مانتي قوية دايماً...احنا يا ستي مستنيينك...ومفتقدينك...بس مقدرين الوضع وبندعي للحج كمبيوتر بتاعك إن ربنا يقومه من وعكته بالسلامة :)

مش تكتئب يا جميل...مفيش حاجة في الدنيا دي كلها تستاهل :):):)

نوني

سنووايت said...

حمدلله علي سلامتك وربنا يقوم الكمبيوتر بتاعك بالسلامة
اي مرحلة انتقالية بتبقي ملخبطة كدة لحد ما تعودي عليها ,خايفة انا كمان من الاحساس اللي انتي حاساه دلوقتي , يارب تقدري تتأقلمي مع الاوضاع الجديدة بسرعة

حبيبـــــــة القمـــــر said...

تعرفي انك جيتي عالوجيعه اصلي في مرحله انتقاليه وربنا يستر وتعدي على خير

بس عايزة اقولك حاجه ياقمر
تفائلي وان شاء الله كله بيعدي

انا نسيت اقولك ان المدونه جميله
مستنيه تخاريفك وكل جديدك بلهفه

Ehab said...

ولا يكون عندك اي قلق

كل اللي بنرتبط بيه في حياتنا بيعلق معانا قوي وذكرياتنا بتمنعنا او بتحسسنا اننا مش هنقدر نرتبط بحاجه جديده وجو جديد
لكن يوم واتنين وتلاته هوووووب هتلاقي الدنيا الجديده ماليه عليكي حياتك

سلااااااااااااااام

الـسـيـدة نـون said...

يااااااااااااااه
وحشتينى خالص يا شيمو
بس ليه الكأبة دى

يمكن الشغل متعب عليكى
او ناس جديدة قبلتيها فى الشغل مش مريحينك ومش قادرة تعملى معاهم صداقات؟


عموما ربنا يوفقك ويكتبلك اللى فيه الخير

وان شاء الله المستقبل هيكون احلى

سلام
اختك خيخة

An Author said...

كيفك يا شيمو؟
--------
وبالرغم ان في حاجات كتير جدت في حياتي ف الشهرين اللي فاتو ..لكن حقيقي مش قادرة ارتبط بيها ولا يكون بينا ألفة..!
ابتديت احس انى بقيت اخاف من الارتباط بأي حاجة
----------------
اااااااه
عارفاه قوى انا الاحساس ده

انا بخاف ارتبط باى حاجة برضه خوفا من ضياعها بس فى يوم من الايام