Sunday, January 6, 2008

واحد ..راجل!!!!



- هاتيلى الشراب من جوا..!!!

-هاتى العيش وانت راجعه من الشغل..!!

-هو انا هفضى للشغل ولا هفضى لك انت وعيالك..!!!

-نادى على الواد الصغير خليه يجبلى علبه سجايير من تحت..!!

-انت يا ست انت ..اطلعى نيمى بنتك بره..!!!


-نعم..؟؟!!لسه ماخلصتيش الاكل..امال بتعملى ايه كله ده..؟؟!!


-يعنى هو انا بلعب ..مانا طول النهار ف الشغل..انا الراجل..اجى الاقى راحتى هنا..!!


-يعنى ايه تعبانه...بقولك قومى اعمليلى كوبيه شاااى..!!

-فين المرتب بتاعك..!!!!

-ماطبعا ..انت مش شايفه الستات بتعمل ايه لاجوازهم..؟؟!!

-ماتقرفنيش..انزلى انت وعيالك على بيت ابوك..!!

-ده حقى الشرعى اللى ربنا مديهولى..هترضى ولا بالسلامه انت وعيالك ف الشارع..!!!

دى امثله لواحد فاكر نفسه راجل....!!!

فعلا الرجوله ..ادب وشهامه..مش هز كتاف..!!
:D

28 comments:

Rivendell** said...

فعلا فعلا مش هز اكتاف

A WHISPER said...

السلام عليكم

معاكي حق يا شوشو

مش عارفة ايه الرجالة اللي لسة فاكرة الرجولة انه يشخط وينطر ويتأمر ويطلب ومراته تقول شبيك لبيك

ربنا يهدي
وربنا يحفظنا

klmat said...

طبعا مش هى دى الرجوله
بس فى رجال فاهمنها كده
مدونتك لطيفه جدا
ومش تخاريف دى افكار عاقله
وحكيمه ودمها خفيف
وسعيده بكتشافها
تحياااااتى

Dead Man said...

عندك حق فعلا بس الرجاله الحقيقين لسه موجودين فعلا وبجد

بيسوو said...

يوووووه بيعدي علينا اكتر من كدة وحياتك
في رجالة فاهمة مفهوم الرجولة اني اعلي صوتي واتنرفز او اطلع غلي في مراتي لما المدير بتاعي يطلع عيني

الرجولة هي الرحمة واللين في التعامل وتحمل المسؤولية وانه يكون قد كلمته مش شخط ونطر

ناس دماغها فيها طبق مهلبية والله

Noony said...

regalet a7'er zaman be3eed 3anek!!!
7aga te2ref!!!

Ya Rabb er7amna
:(
Noony

emos said...

ya lahwy
danty 3amaltely ro3b
mesh ma32ool ragel yeb2a feh el masayeb deh kolaha ma3 ba3d
kol ragel fe moseba wa7da bs men el masayeb elly enty 2olteha deh
laken yeb2a wa7ed fe kol el 7'asa2es deh teb2a karsaaaaaaaa

Vague said...

السلام عليكم

وانا بقرا حسيت بدوشة والله

بس المفروض ان مرته تسمع كلامه من غير زعيق .. طلاما كلامه صح

تخاريف خاصه! said...

Rivendell
ههههههههه
ايوةي ا بنتى بجد..
وحشااانى جدا..
:)


whisper..
مش مسأله شخط ونطر..
مسأله انهم بيبقوا مخوخيين من جواا..

:D

تخاريف خاصه! said...

KLMAT

ربنا يكرمك ..

:)

منورة المدونه..

Dead man..

اه اكيد الرجاله الحقيقين موجوديين..بس للاسف صعب تلاقيهم كتيير

:)

تخاريف خاصه! said...

بيسو..
:D

صح..مهلبيه..
!!
ههههههه

بس عشان الامانه مش الكل مهلبيه..
!!

نونى الجميله..
ياااااااااااااارب

:)

تخاريف خاصه! said...

ايموس...

:D

أكيد مش كلهم ف رراجل واحده..
دى صور متنوعه..


VAGUE..
أوك تسمع كلامه من غير زعيق..وكل حاجه..
بس لما يبقى كلامه صح الاول
وهو متحمله..

:)

بت خيخة وأى كلام said...

اديكى قلتيها بنفسك
فاكر نفسه راجل
لكن هو لا يمت بالرجولة باى صلة لا من بعيد ولا من قريب
تحياتى ليكى يا شيمو
وحمدالله على السلامة
وطمنينى عملتى ايه فى امتحناتك
اختك خيخة

تخاريف خاصه! said...

صح يا خيخه...

الحمد لله ...الامتحانات خلصت.
وانا لسه لحد دلوقت مش مصدقه انى خلصت الكليه دى...
!!!!!!!!!

:D

منورانى..يا نوران

واحدة مفروسة said...

شيماء
كل واحد من دول فاكر انه لما يبقى سي السيد فى بيته ومراته تقوله حاضر
ومن شر حاسد اذا حسد ومن شر النفاثات فى العقد وهو خارج وتبخره وترقيه
هى دى الرجولة !!!!
الرجولة أخلاق وتصرفات

ماتزعليش نفسك يا شيمو
ينحرق اللى يزعلك

امرأة تقول الذي لا يقال said...

والله سبحان الله
كنت لسه بفكر في الموضوع ده امبارح ((:

الرجولة يا بنتي ان الواحد يبأى عنده دم

واحشاني يا شيمو

أحمد سلامــه said...

على اد ما بكره السيناريو التراجيدي ده
وفي البيت المصري بالذات
الا انه للاسف واقع شديد السخف والقسوة
وده مش راجل
ولا انسان

جـيـداء said...

و ما أكثر أمثالهم فى مجتمعنا
:( :( :(

مجرد ان انت ذكر يتوفر لك كم لا يعد ولا يحظى من الامتيازات

موجة said...

مش عارف انتي كلامك صح نوعا ما لان فيه شريحة من الرجالة كده ما بتعرفش في الذوق ولا في المعاملة
لكن فيه برضه ستات عايزين يتحكموا في الراجل وخلاص فنسبة الطلاق في مصر اتضح انه مش سببها العنف من قبل الرجالة زي ما بيقولوا لكن فيه سبب اهم ان الست دلوقتي في ظل الرعاة الكريمة للسيدة سوزان مبارك و المجلس القومي للمرأة اصبحت اكثر وعيا لحقوقها وخاصة انهم سهلولهم الامر بعمل محكمة المرأة .. قصدي محكمة الاسرة اللي المرأة فيه الكل في الكل و اللي ما يترجعش مرة زعلانه .. قصدي ست هههههه .. و بتخلعها فورا لسبب او من غير سبب
البستات ما عادتش عايزة تعيش بصراحة اكيد مش كلهم بس دي شريحة كبيرة منهم
خالص تحياتي
بوست جميل

يا مراكبي said...

على فكرة .. فيه فرق كبير جدا بين الذكر والرجل

مش كل ذكر رجل على فكرة

والرجالة مش كتير قوي اليومين دول

Rozza!.......فاقد الذاكرة said...

الله يرحم شباب الايام ده الي فاكرين نفسهم رجالة
والله يرحم بنات الايام ده الي فاكرين ladiesنفسهم

شباب الايام ده فاكرين نفسهم زي ايام زمان, عاملين نفسهم سي السيد

وبنات الايام ده عاوزين يكونوا رجالة, المطالبة بالمساوات بين الرجل والمرأة

مدونة جميلة

Doba said...

دى تصرفات شخص عديم التربية
بس

محدش عرفه صح من غلط
وميعرفش يعنى ايه دين وحقوق وواجبات

والعوض على الله من قبل ومن بعد

مبروك النجاح
تحياتى
هبة

islamist bloke said...

يا دكتورة متخوفيش البنات من الجواز ........ الواحد عايز يتجوز الله يكرمك وهاتقي ربنا فى اللى هتجوزها والله
طمني بأة دكتورة آيات وقولى لها متخافيش مش كل الرجالة كدة

وبعدين اى ذكر هيكتب تعليق في البوست ده مش هيقول غير كلام دفاعي أو كلام ينفي ما قيل

عموما

ربنا يجعلنا من المهتدين

والسلام

Dr. Kafy said...

بس هى دى الرجولة بنكهة مصرية و لها طعم خاص و ماتلاقيش أبدا زيها غير عندنا و بس. بس برضه عندنا فى مصر النوع التانى اللى بحق و حقيقى. كله موجود عندنا فى مصر و التشكيلة اللى عندنا مش ممكن تتوفر فى مكان تانى
فابقوا معنا
و هتشوفوا الهنا أشكال و ألوان

dr_lolla said...

bgd blog gameel we garee2 ya shosho
da awel comment leya we isa maykonshe el a5eer;)

lonlysmily said...

بجد انتى مستبيش حاجه فى الراجل الشرقى مش قولتيها
جبتى كل حاجه بيعملها وبيطلبها من الست سواء مراته اخته امه
اهو بيتأمر على مخلوقات ربنا من الستات وخلاص
وهو على كلمه واحدة
هاتى هاتى هاتى

بوست فى التماااااااااااام

صبرني يارب said...

مشمشه تسمحيلى اقولك كمان شويه ؟؟؟؟

بيتى وانا حر فيه .... مش عارفه ايه هى وضعها ؟؟؟

انا هنا صاحب الكلمه .....مش عارفه برضه ايه وضعها ؟؟؟

امي وواجب عليكى تخدميها قبل امك .... مش عارفه منين جاب القانون ده ؟؟؟

انتى واجب عليكى الطاعه للزوج من غير مناقشه .... مش عارفه برضه جاب منين من غير مناقشه دي ؟؟؟

فلوسك ؟؟؟؟ فلوسك ايه يا اختي الملاليم الى بتجبيهم هو انا عمري خدت منك فلوس ؟؟؟؟.......ما هى بتصرفهم على البيت الى انت المفروض تصرف عليه.

شايفه تربيتك يا هانم ؟؟؟......مش عارفه امال هو دوره ايه .

شكرا على موضوعك يا مشمشمه وانا اول مره اجي مدونتك بس ان شاء الله هاعملك قلق هنا شكلي

Anonymous said...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影