Monday, November 12, 2007

فى حياتى..."محمد"!!!








فى حياه كل منا اسماء كثيره..تحمل الكثير والكثير
..بعضها يلمع فى سماء حياتنا..يضيئها..ويضفى اليها لذه..
معنى...
قوة..
لمسه تفاؤليه نادره..
او كل هذااا..
وبعضها نود ان نمسحه..نبتره من حياتنا تماما..فقط كى تستقيم..!!

مابين هؤلاء وهؤلاء

تجد اسم"محمد"...يتجسد فى اشخاص..وتتجسد الاشخاص فى معانٍ..فى حياتى


نبدأها ب
"محمد"..الصادق الامين..فهذا ليس وصفى وحدى له..

بل هو وصف من عاشروه..ورأوه..

او من لم يروه..فلم نعهده الا طيبا..لا يفعل الا طيبا..لا يلفظا الا كلاما طيبا..

ولعل اطيبه..وحى الله الذى اصطفاه ..

وجعله رسول للناااس جميعا..

فحمل الامانه على عاتقه..وتحمل..

فقط كى يساعدنى..ويساعدك..ويساعدنا جميعا..

كى ندخل جنه الرحمن..ونعيش حياه هنيئه..بعون القرأن

صلى الله عليه وسلم..

محمد ..2.. ابن خالى صديق الطفوله المشرده...!!

اتذكره جيدا..عندما كنا صغار..كان يعشق "اللعب فى التراب"..وانا معه بالطبع..

كانت له _ولا زالت_كاريزما خاصه..

فوجهه الصبوح الضحوك..يجذبك اليه من اول وهله..

فقط كى تستلذ باللعب معه..

لكننا _للاسف_كبرنا..واصبح محمد الان فى السنه الرابعه فى كليه الحقوق..

ولكنه لايزال..يحمل_وعن جداره_لقب

اكثر اصدقائى طفوله..

رغم سنه..وسنى..
لكنه استفزنى ..

عندما بدأ ينادينى ب"الدكتورة شيماء"

وكأنه ينبهنى بأننا..فقط كبرنا..


محمد3..المشاعر الاولى..وامتزاج البراءه والخجل..

بالاندفاع والاعجاب..احمل له فى طياتى ذكريات كثيره..

وتفاصيل صغيره..

قد لا يراها هو..لكن يكفينى اننى اراها..

واعلم ان هناك الكثير سيأتى بيننا.فقط..كى يمر كالطيف دوما فى ذاكرتى..



محمد..4..د.محمد..اكثر جيراننا احتراما.._فى نظرى_اتذكر عندما كنت صغيره..

كنت اذهب للمسجد كى احفظ القرأن بعد صلاه العصر..

كنت اراه جا
لسا بعد الصلاه..فى سكون..كنت اتساءل عن سبب ذلك..

كان ياتى الينا..كى يشجعنا ويحثنا على الحفظ..وتدبر القران..

كنت انظر اليه فى صغرى..والى لحيته الرماديه..ونظارته..

اشعر بجلل شديد فى نفسي..

ولازلت هكذا حتى الان..



محمد 5 ..قدره خارقه على ادخالى فى هيستيريا الضحك..

انه دكتورى العزيز..عندما اراه اضحك..

عندما يتكلم ..اضحك..

عندما يقول تلك الدعابه للمرة الخامسه بعد الاربعيين..
اضحك واضحك..
فلم اتعلم على يديه الجراحه فقط..بل تعلمت الكثير من المصطلحات..
:D
والمعانى..التى ابدا لن انساها..

فرغم انه لا يرانى وسط حشود الطلبه الرهيبه..الا اننى دوما اراه..واضحك..!!


محمد 6..اعذب الاصوات..فلعهد ليس ببعيد.. ..

كان "محمد محمود صالح"او مدحت صالح"

هو اكثر الاصوات اطرابا لاذنى..واكثرها تأثيرا على قلبى..

وبالرغم من توقفى عن السماع العمدى الترصدى للاغانى منذ فتره..

الا ان اغانيه..ك
لماته..وفوق كل هذا صوته..لا يزال كل هذا عالقا فى اذنى..

يدندن فى خلسه..حينما اكون وحدى..


محمد 7...امنيه عنيده..بدأت تلوح فى الافق..اراها بعيده...

ولكن يقينى بان الخير آت..يجعلها..الاقرب..
:)


واخيرا..

محمد 8..او طاقه لا حدود لها...او كما اسميه انا

.."لا توقف.."
:D
اذكر كيف دخل محمد هذا فى حياتى..

كانت ليله من ليالى رمضان الأُخر فى ليله 28 نوفمبر 2002

..عندما اتتنى هذه الرساله
"مبروك يا ا عمتو ..محمد جه.."
لازلت اتذكر اول لقاء بيننا..


كان نائما فى هدوء..ظللت انظر اليه..

واتحسس شعيراته البنيه الرقيقه..يشبهنى قليلا.

.كم هو جميل..

بل الاجمل على الاطلاق..

رأيت اخى _والده_يحمله بين يديه..

والدموع فى عينيه تنطق بان"محمد" اجمل هديه له فى عيد ميلاده...

لازلت اتذكر فرحه ابى وامى واختى..وعائلتنا كلها....ب"أول حفيد.."

واليوم مرت خمس سنوات الا بضعه ايام..

رأيته يكبركالورده امام عينيي....

تعلمت منه..كيف العب كره القدم وكره السله فى نفس ذات الوقت...!!

تعلمت منه كيف تكون قائدا.._او زعيم عصابه_ عندما رايته يتعامل مع اخيه..واقرانه اولاد اختى..
:D

تأكدت منه ان "جهازى بطئ..جدا..واننى لابد

ان اعطيه الفلاش ميمورى كى ينقل لى فيفا 2007 من على جهازه الخاص..

بدلا من فيفا 2003 ا"الغبيه"دى..
:D

معه..اصبح
Spider Man
هو فتى احلامى..!!

عندما اراه..يتنقى قلبى..وتتبرأ مشاعرى من جديد..


اخيرا... اقول لكل هؤلاء..لولا وجودكم فى حياتى..


لما كتبت هذا البوست الطويل..
:)



27 comments:

Noony said...

ربنا يخليكم لبعض يا عمتو
ليه كل الأولاد في الجيل دة بيعشقوا الكمبيوتر وبيحبوا سبايدر مان؟ حاجة غريبة

كل سنة ومحمد طيب

على فكرة كلنا عندنا "محمد" في حياتنا :)
مش انت لوحدك بس يا جمييييييل

:)
نوني

Shower-Mirror said...

من اجمل البوستس اللى قريتها بجد يا شيمو ...احييكى


واضح ان المحمدات فى حياتنا مهمه قوى

:)


انا كمان فى حياتى محمد مهم جدا ....

المشكله انى علطول با شوفه.....

تقريبا كل يوم ...


عارفه باشوفه فين ؟؟؟؟


In the Shower Mirror

;)

dr.Roufy said...

بوست جميل..وسلس جدا
حسيت وانا باقراه انه حتة نسيج رقيقة خيوطها متشابكة ومغزولة باحتراف
..
تحياتي ليكي يا جميل ولكل محمد في حياتك

Doba said...

ربنا يحمى ويحفظ كل المحمدات اللى فى حياتك

بوستاتك اللى فاتت جميلة قوى واكترهم بتاع الفانتين المستقبلى

ربنا يحققلك احلامك كلها يارب
تحياتى
هبة

Yahia said...

كلام جميل فعلا وطريقة سرد أكثر من ممتعه وسلسه وفعلا لو الواحد بص في حياته هيلاقي ناس كتتتير بيحيهم ويحبوه ومأثرين في حياته بس للأسف بسبب معترك الحياة اليومية الواحد بيتوه فيها.
على فكرة ... انا برده عندي ابني يوسف وعارف جدا احساس انك تشوفي انسان بتحبيه بيكبر امام عنيك وحده وحده وبيتعلم الماشي والكلام والاعتراض والعناد والشقاوه ... كل الحاجات دي حلوه عشان هو حته منك

تحياتي

Anonymous said...

جميلة جدا ورقيقة هذه التدوينة :)
الحقيقة أننى أشعر بسعادة كلما تعرفت على شخص يدعى محمد ويكون من الصالحين -ونحسبهم كذلك. بل أننى أشعر بالفخر، وأشعر بصدق العبارة القائلة "كل واحد له من اسمه نصيب" :)
تحياتى

Tamer Nabil Moussa said...

مفيش كلام اقولة اكثر من ان البوست عجبنى جدااا

ربنا يوفقك ويكرمك


تحياتى

الكابو said...

كم كنت اتمنى ان يكون اسمى محد وان اكون احد المؤثرين فى حياة شخصية تكتب بهزة الروعة.......
انا سعيد انى ف النهاية لقيت حد ف طب وبيفهم ومع كدة بيحب الطب
انا على فكرة ف 6 طب بس بكرة الطب بصراحة.....
عموما انا لسة عامل مدونة اسمها
bela-esm.blogspot
تمنى انى ادخل معاكم وتضيفوني وتقوليلى ازاي اضيف حد

اسامة يس said...

جميل اوي التقسيم دا .. ومدلول كل اسم معناه رغم ان الحروف واحده ...الا ان الشخصيات مختلفة متنوعة منحوته بعناية وقلم يملك ادواته...
صلى الله عليه وسلم المصطفى الأمين.. وجعلك دائما في بهجة وسرور
دمت بكل ود..

الخيط الرفيع said...

هو في شرط في حياتك
انك ما تدخليش حد في حياتك غير لوكان اسمه محمد

بس الفكرة مجنونه وفانتزيا لذيذة قوي
طبعا اكتر واحد نفسي اتعرف عليه بتاع سبيدر مان وفيفا 2008
بوسيهولي
وربنا يفرحك بيه
عدد المحمدات في حياتي
واحد بس هو النبي
مع اني بحب الاسم دا جدا
اي نعم ليه عم وليا خال اسمهم محمد بس هما مش اصحابي قوي

الـسـيـدة نـون said...

حلو اوى وصفك لكل المحمدات
ولكن اكثرها تاثيرا فى قلبى كان عن محمد ابن اخوكى يمكن علشان وانتى بتحكى عنه افتكرت شريف

بس تعرفى دى اول مرة اعرف ان مدحت صالح اسمه الحقيقى محمد
ومنكم نستفيد برضه يا دكتورة
سلام من بت خيخة وأى كلام

و القادم....أجمل said...

هاااااااااايلة جدا
بجد و الله اسلوبك رائع
و بيشد اي حد لأنه يكمله للنهاية

عارفه جسمي قشعر في االاخر

جممممممممممميلة بجد

ربنا يحفظك و يخلي المحمدات
و محمد اخر العنقود
ربنا يحمي يارب

تحياتي و تقديري

:)

Bright_Obsidian said...

بوست رائع يا شيماء ... اسمحيلي أضيف رابط للبلوج بتاعك عندي في http://amirmah.freeweb7.com

تخاريف خاصه! said...

Noony..

ربنا يكرمك يا نونى..ده احنا عندنا كل حاجه سبيدر مان ..لبس سبيدر مان..شبشب سبيدر مان..حتى شنطه المدرسه..عليها سبيدر ماان!!!
:)

shower mirror

ايه ده يا ابيه..برضه..!!!

:D

خلاص...يبقى محمد9..ابيه شاور..اول من علق فى مدونتى...
:D

تخاريف خاصه! said...

dr.roufy..

ربنا يعزك يا دكتورة..ايه ااخبار المزاكرة...

لنا الله........
:)


doba

اميـــــــــن يا رب

تخاريف خاصه! said...

yahia..

:)

ربنا يحفظلك يوسف..
وشكرا ع المرور..


marmad

انا اول مره اسمع حكايه ان كل واحد له من اسمه نصيب...!!!

فعلا؟!!

:D
بتسعدينى بالزياره..بجد

تخاريف خاصه! said...

تامر نبيل...
ربنا يكرمك..
:)

الكابو

اهلا بيك يا دكتور..

وهروح اشوف المدونه اهوو...
:)

تخاريف خاصه! said...

OSAMA

ربنا يكرمك..
انا اللى بسعد بزياره حضرتك فعلا...


الخيط الرفيع...

انا برضه كنت متوقعه ان حد هيسأل السؤال ده..
:D
لا اكيد فى ناس تانيه غير محمد..فى عمر..كريم..آسر..على..حسن..
كتير يعنى..
:)

بس ده اكبر ناس مؤثره من نفس الاسم..وزى ما هو واضح برغم من ان كلهم نفس الاسم..بس تأثيرهم مختلف..

:)
نورتينى

تخاريف خاصه! said...

نوران..
:D

ايوة عشان نجيبهم يلعبوا بعد كده فى المدونات مع بعض..



ولاء..

انت فين يا بنتى...ايه اخبار الامتحانات؟.؟؟

طمنينااااااااا...

تخاريف خاصه! said...

د.امير...

ربنا يكرمك يا دكتور..

Eric Matt said...


كنت سأبكي لأني تذكرت مصيبتنا في فقدان الرسول صلى الله عليه وسلم

عموما


بارك الله لك في كل محمد عز على قلبك ورزقك صحبة المصطفى صلى الله عليه وسلم في الجنة

تحياتي من ماناساس البلد وربنا يوفقك

وارف said...

يا سبحان الله
عمتي ابوها اسمه محمد
واخوها اسمه محمد
وزوجها اسمه محمد
وابنها اسمه محمد
وانا كنت فاكر انه في عيلتنا بس
حتى انا اسمي الرباعي اسلام محمد محمد محمد
وبعدين عايز افكرك يا شيماء بأن مدحت صالح اسمه الحقيقي مش محمد محمود صالح
هو محمد محمود كامل مرسي
ومش ح افكرك بأهم محمد وهو السيد الرئيس محمد حسني مبارك
ـ(شفيق يا راجل.. مش فاكره .. ما هو اللي كان بيعدي من جنبيهم يا راجل)ـ

تخاريف خاصه! said...

جرووووم

اللهم صلى وسلم وبارك عليه...

تحياتى من كايرووو البلد

دعواتك


د.اسلام

:D
لا محمد عن محمد يفرق برضه...


اما بخصوص مدحت صالح...فمعرفش انا اللى متأكده منه انه اسمه محمد محمود حاجه كده...

:D

Bright_Obsidian said...

mmm ... assalamu 3alaykom ya shabab ... meen m7ammad da?

موجة said...

ربنا يخليهولك
تحياتي

Anonymous said...

ربنا يخليلك كل المحمدات دول يا شوشو

وافرح بيكي قريب ياااااااااااارب

دينا فهمي said...

انتي عارفة
أنا لو كتبت بوست شبه ده هيبأى عن أحمد مش محمد
بس رأفة بالناس مش هكتبه
لأنهم ساعتها هيزألوني بالطوب ((: