Wednesday, June 27, 2007

صباح رياضى جدا..

من كام يوم كده كنت قاعده انا ومااما الصبح بنفطر..على غير العاده
:)
فجاه كده واحنا قاعدين...لقثيت ماما بتقولى
"هاتيلنا الفضائيه المصريه نتفرج على صباح الخير يا مصر"
قعدت اقنعها انها تعدل عن الفكرة الشيطانيه دى..واقولها..
خلى بالك من مراراتك..احنا مش مستغنيين عندك..
مافيش فايده برضه
خلاص .....
براحتك ...انا قولت وانت حره
وجبنا صباح الخير يا مصر....
مبدأيا كان فى حاجه كده زى فاصل المفروض
يعنى..وكاتبينا فيها اسم البرنامج بالبونت العريض...
ايه ده.."صباح الخيير بالعصر"
راحت ماما ضحكت.... شكلك عايز تغيرى النضاره...
سمعت الكلمه وبلعتها وسكت...
بس بجد والله البونت كان مبينها كده..
ماااااااااااااا علينااااااا
جت بقى بعد الفاصل فقره رياضيه المفروض يعنى...
وطلعت علينا المذيعه الامورة
وهى حاطه اجدعها اى شادوو
ينفع فى احلها سهره فى احسنها ديسكووو
هو انا الصراحه ماقدرتش اميز لونه اوى..
هو دهبى على زيتى ..بس لمييييييييييييع ...
المهم
كانت مستضيفه اخ صحفى برضه ..رياضى برضه
وكانوا بقى بيتكلموا عن ايه
عن القصه التعبانه بتاع رفع العلم الاسرائيلي
فى استاد القاهره فى مسابقه الشيش...
وانه ازاى وماينفعش ..وكلاااا ...ووسعلى وسع.. والقصه دى..
المهم
فضلت طنط المذيعه تتكلم كده والاخ قاعد ساكت...
وبعدين هى حست انها اتكلمت كتير
فقالت تجبر خاطره بكلمتين
معلش احنا هنرجع لحضرتك بعد مانستقبل المكالمه دى من الاستاذه........
عضو فى الاتحاد المصرى لسلاح الشيش

فقعت الست تقولها ان دى بطوله دوليه وان الاتحاد الدولى هو اللى وكل لمصر تنظيمها

وان اللعيبه الاسرائييلين حق
قوا الميداليه البرونزيه والفضيه فكان لازم يترفع علمهم .
.وان دى رياضه ملهاش دعوة بالمسائل السياسيه والكلام ده...
ه

راحت المذيعه المألقه قلتلها طب ولعيبتنا احنا بقى خدو ميداليات...
راحت الست قعدت تتكلم كده المهم يعنى ان احنا فى المركز الاتناشر باين او حاجه كده...
راحت المذيعه رجعت بقى بضهرها ع الكرسي
وقاللتلك لما اسألها سؤال انقح بقى..
لو كانوا االعيبه الاسرائيلين كسبوا و
خدواميداليات ذهبيه كان هيتعزف السلام الوطنى لاسرائييل؟؟؟
راحت الست المفروسه قلتلها
اااااااااه
دى رياضه واحنا مانقدرش ندخل السياسه فى الرياضه

قعدت بقى المذيعه طب وازاى بقى والصراع الاسرئيلى الفلسطينى شغال...
وازاى وهما بيدبحوااااااااا وبيرتكبوا افظع الجرايم ...
وازاى
وازاى...
وف الاخر
شكرا لحضرتك يا استاذه..........
يعنى هى الحاجه المذيعه اتصلت بالاستاذه اللى انا مش فاكرة اسمها...
عشان تحرق دمها ع الصبح..وتخنقنا احنا كمان
وبعدين قعدت اقول بقى
احنا لو رجاله صحيح كنا احنا فوزنا وقطعناهم فى الشيش...
راحت ماما ضحكت وقعدت بقى
تقول هما مش بيقولوا تطبيع..يعنى هما مطبعين فى السياسه وجاييين ع الرياضه اللى
هى اساسا اصل التطبيع ويعملوا كده
-انا :صح يا ماما عندك حق...
ماما:وبعدين صراع عربى اسرائيلى ايه...
هى مش واخده بالها ان الفلسطنين دلوقتى
هما اللى بيدبحوا فى بعض
وانه بقى صراع فلسطينى فلسطينى..ومخلين الدنيا كلها تتفرج عليهم..
انا:صح يا ماما عندك حق
ماما:وبعدين هما لعبوا وكسبوا خدوا ميداليات..حقهم يترفع علمهم يروحوا يتشطروا على امريكااا..
انا:صح يا ماما عندك حق
ماما: مش تقومى تذاكرى ولا ايه؟؟؟؟؟
انا: صح يا مااما عندك حق
.......

21 comments:

emos said...

enty konty 2omty zakerty men el awel badal el bernameg el mostafez dah
teb2y teftary ma3 tant fe 7etta be3eed 3an el TV 2eftary ganb el radio walahi fe 7agat to7fa
wel moze3a deh lessa sha3'ala walla eh?
eh waga3 el alb dah
narfeztenyyyyyyyyy

Alaa said...

و الله حاجة تجنن
اللي يشوف كده ميقولش انهم لسه من يومين قاتلينلنا بنتين زي الورد في رفح المصرية

حسبنا الله و نعم الوكيل
المذيعات دول انا ما باتفرجش عليهم و لا على برامجهم عشان مرارتي و عشان التليفزيون يفضل سليم و عشان مبنى الاذاعة و التليفزيون يفضل في مكانه :)

تحياتي

Alaa said...

محتاج رأيك بخصوص الموضوع ده

تجمع مدوني مصر .. حقيقة قابلة للتنفيذ أم حلم بعيد عن الواقع

Anonymous said...

زى العسل يا شيماء
بس ماما عندها حق.دى ناس لعبت و(تعبت)وليهم حق يرفعوعلمهم فى اجدعها مكان و ماحدش يقولهم تلت التلاته كام

العيب مش عليهم العيب علينا اللى لسه مش عارفين حتى نلعب بلى فى الشارع

سيبك اهو احنا حالنا هيفضل متدهور كده لحد ما ربنا يفرجها ونصحى

وبعدين قومى يا بنت ذاكرى الامتحانات على الابواب
ربنا معاكى يا شوشو

Shower-Mirror said...

سيبك انتى

مامتك دى زى العسل
:)

كنتى فاكره انك هاتقعدى تحكى معاها و تجرجريها فى الكلام

و اسرائيل و مصر و العلم و المذيعه

انما هى صاحيالك كويس

وعارفه انك مش فاهمه اسرائيل دى فين اصلا

:)
و عايزه تزوغى من المذاكره و خلاص

سلميلى عليها و النبى

ههههههه

Rivendell** said...

هههههههههه

اهم حاجة

صح يا ماما عندك حق

تخاريف خاصه! said...

emos
حاولت اقولها هى اللى صممت فعلا..!!
يااالاااا حصل خير..

علاء

فعلا حسبنا الله ونعم الوكيل..
فينااا الاول وبعدين فيهم...

ومنورنى فعلا...

تخاريف خاصه! said...

علاء
انا هروح الدونه هناك واقولك رايي


بندقه...

اولا اهلا بيك..

منورة المدونه
وبعدين امتحانات ايه وكلام فاضى ايه...
لسه فى شهر 12 وعليك خير!!!!

تخاريف خاصه! said...

ابيه شاور...

:D
:D
فاهمنى انت يا ابيه...

والله هى اللى قالت نجيب صباح الخير بالعصر ده!!!

الله يخليك يا ابيه


سها العسوله اللى غايبه
بقالها فترة
ماتغيبيش علينا يا بنتى كده وابقى طمنينا

ههههههه
هى فعلا عندها حق...

Eric Matt said...


قريت بس كلمة الغريب والبوست اللي تحت البوست ده

البوست ده نفسه مقدرتش أكلمه لأني مش بستحمل كلمة صباح الخير يا مصر دي بتجيبلي هرش

عموما

جزاك الله خيرا وربنا يوفقك يا رب

تحياتي لك من ماناساس البلد

على فكرة كنت عامل نص قصة مسميها الغريب برضو

:)

Just a Reader said...

صباح الخيير بالعصر :)))))))))))
مش كانت المذكرة أحسن وكنتي جبتي من الآخر يا دوك:)

Shreef said...

اولا نفصل بين الحكومة و الشعب و لو الاتنين متفقين فكان بالاولى ان اللعيبة دول ميدخلوش مصر اصلا بس بما ان خلاص بئى تطبيع فالحكومة متقدرش تمنع حد لكن كنا صحيح نقدر نثبت نفسنا بأن احنا نتصر عليهم و على غيرهم و فعلا لو كان الاول منهم كانوا اكيد هيعزفوا الاسلام الوطني يبئى ساعتها كان ايه اللي حصل..عموما انا شخصيا بفضل افصل السياسة عن الرياضة لكن بردو اللي في القلب في القلب..بس سيبك انتي المهم ذاكرتي ولا لأ..سلام

Ert3ashat said...

هاهاهاهههاهههاههاهاههاههاهااا
جامدههههههههههه

والله البرامجديه المفروض تدورلها على تربه تلمها و الله :)

وحشتوني

ياسر مدني ...دينامو الإخوان said...

إلي كل المدونيين الأفاضل والفضليات (فضليات أهو عشان البنات ميقولوش حاجه)
أدعوكم لإبداء الرأي في ملحمه الشباب ..بعنوان حلم الحريه للشاعر الشاب وليد الرفشي

تخاريف خاصه! said...

جرووووووووم

خير ما عملت انك ما بتتفرجش ع البرامج دى...

ايوة فكره انا نص القصه بتاع الغريب بتاع الطياره ...صح؟؟؟

انا ممكن ابقى انزلك بالجزء التانى لو انت مش ناوى تننزل بيه...
:D
منورنى..

JUST A READER..
:D
مانا جبت من الاخر والله....مجبر اخاك لا بطل...
:)


شريف

هو ده الكلام...اللى فى القلب فى القلب...من غير ظلم برضه...يعنى هنما يستحقوا المي
دليات ..اه ...

واكيد طبعا قمت زاكرت ساعتها....
كله مركز مع المزاكره هنا كمااااااان!!

تخاريف خاصه! said...

!!!!

أحقاً هذا ما ارى.؟؟؟؟!!!!!
انه ارتعشاااااااااااااااااااات

حمد الله ع السلامه يا دوك....

عود محمود...:))))))))

بجد بجد منور بقى فعلا بقى....
:)

هروح هناك اعلق فى البوست اللى كله سعاده هناك ده...
:D




يا سر مدنى دينامو الاخوان...

حاضر ...:)

Noony said...

شيمو شيمو شيمو

وحشاني بجد
مصر ولا عصر ولا شطف..كله برتقال
مامتك دي سكرة
وأكيد عندها حق
ربنا يخليها لك يا رب
شيش؟
اسرائيل؟
استاد؟
علم؟
اية تاني كدة؟
أصل انا كنت في دنيا غير الدنيا
بقولك اية...انتي بتذاكري اية دلوقتي؟ انتي لسة مخلصتيش؟
ربنا يوفقك يا دكتور يا رب

:)
نوني

تخاريف خاصه! said...

نونى نونى نونى...
ربنا يكرمك يا قمره...
انت كمان وحشاانى..
قوليلنا بقى ايه الدنيا اللى غير الدنيا دى؟؟؟؟؟
كنتى فين ها؟؟؟؟؟
كنتى فين ...ها...ها؟؟؟؟

:)

يا مراكبي said...

أنا كنت هادي وكويس ومافيش مشاكل .. ضغطي علي لما قريت الموضوع ده .. وأول مرة أعرف عنه بالتفاصيل دي

صحيح زي ما قال ربنا في كتابه العزيز: فتري الذين في قلوبهم مرض يسارعون فيهم

هأقوم أشوف حاجة توطي الضغط

Anonymous said...

صح يا شوشو والله
عندك حق
:)

simply me said...

السلام عليكم.......عندى موضوع مهم لازم تشاركونى فيه ضرورى