Thursday, May 31, 2007

اقرب الناس ليك...1

السلام عليكم ورحمه الله يا اهل المدونات الكرام
ازيكم..يارب تكونوا بالف خير...
:)

طبعا كلكم ملاحظين الاستفتاء اللى متلقح اعلى الصفحه ع اليمين
..بقاله كده حوالى شهر..

هو كان عن اقرب الناس ليك..
هو السؤال بسيط..بس عمييييييييييق..
ويعكس حاجات كتييير جدا...

36 شخص وشخصه صوتوا فى الاستبيان
وكانت النتيجه كالاتى..

النتيـــــــــــــــــــــــــــجه



يعنى شخص واحد بس هو اللى قال ان اقرب الناس ليه ...والده
فى مقابل 11 شخص قالوا ان اقرب الناس ليهم ..هى والدتهم العزيزة..
وبرضه شخص واحد بس هو اللى قال ان اقرب الناس ليه هو..اخوه
فى مقابل شخص واحد برضه اللى قا ل ان اقرب الناس ليه او ليها طبعا..
..هى اخته
ووولااااااااااااا حد خااااالص قال ان صاحبه هو اقرب الناس ليه
!!!!!!!!!!!!!!!

وخمسه قالوا ان اقرب الناس ليهم هى صحبتهم
وسبعه قالوا ان نفسهم اقرب ليهم من اى حد
وعشره قالواا ان اقرب الناس ليهم ..ولا حد من دووول...


ننتقل الان الى التحليل التفصيلى من الاستديوو
بعد الفااااااااصل
شويه وراجعه...
حد ينزل بالاعلانات...
نحب نتعرف...
وراااااااااااااناااااااااااا ايه..
ورناااااااااااااااااااااا ايه
ورانا حاجات كتير والله
:D
سلام..
...................................................................
عدنــــــــــــــــــــــــــــــــا
احم
الميك...فى حاجه مش شغال..
...
ايوة..كده كويس...
نبدأ...
ممممم
اولا بس نوضح الهدف من عمل هذه الدراسه التخريفيه...
مممممم
هو يعنى اهم هدف ..
انى فعلا اشوف اقرب الناس للناس...
نعم
يعنى ايه اقرب الناس للناس...
؟؟؟
هو فى ناس اصلا قريبن من ناس تانين؟؟

ماعلينا نبقى نناقش الموضوع ده فى حلقه تانيه
عشان وقت الحلقه
اوك

نرجع بقى..
لو رجعنا كده لفوق نشوف النتايج
هنلاقى
عده ملاحظات..
اولا
عدد المصوتين كان اكبر ماكنت اتوقع الصراحه
فبالتالى الصويت طلع عالى
زى مايكون السؤال جه ع الجرح
:)
نيجى بقى لتحليل اول النتايج

ودى بصراحه انا شيفاها نتيجه متوقعه...
ان شخص..شخص واحد بس هو اللى قال ان والده اقرب الناس لييه...
ممممممممم
واحد من وسط 36
وده نتيجه التطور الطبيعى للحاجه السقعه...
:)

نتيجه بقى فرض الوصايات ..وليه وازاى وعشان ايه..ولا...
مانا عارفه الابهات دول..
مابيصدقوا يبقوا ابهات..
زى مايكون اول مرة
او حد هيجي يا خد مكانهم ولا حاجه..
.
:D

نتكلم بجد بقى...
بعيدا عن التخريف..
:)
تفتكروا فعلا الاب بعيد عن ولاده للدرجه...
دى؟؟؟؟
طبعا انا هنا ماقصدش بُعد المكااان..
لا اقصد بُعد الرووح..
بُعد التفكير..
ُبعد المشاركه...
مممممممممم
انا شايفه ان الاب عشان كونه راجل..
بيحس انه لازم يبقى قوى..
كلامه..قوى..
تصرفاته قويه..

فبيفرض بقى قوته
دى على اولاده..
ونظرا برضه للمرة التانيه انه راجل..
فصدره مابيبقاش فيه متسع انه يسمع يشوف العيال عايزة ايه
ولا بتفكر ازاى..
ولا حاسه بايه...
اهم حاجه انهم يسمعوا الكلام وبس..
غير الام..
اللى العاطفه عندها بتخلى صدرها واسع جدا لولادها..
فبتتحمل رغبتهم..
وتحاول وفق بين اللى هما عايزين واللى هى عايزة تمشيه..
فبتوصل بيهم لنقطه التقااء
ده بقى بيخلى العيال اه بيحبوا ابوهم جدا..
واه بيحسوا بالامان والقوه فى وجوده...
بس للاسف..بيفقده هو حاجه مهمه جدا..
هو ماحاولش يفكر فيها..

انه يكون اقرب الناس لولاده
مش عشان هو مش مهتم..
لا عشاان هو بيبقى عنده اعتقاد تام وقناعه تامه
انه عارف كل حاجه عن عياله..
فبالتالى هو اقرب الناس ليهم..
وهو مش مدرك الفرق الكبـــــــــــــــــــير
اللى بين الوضعين..



مممممم
طبعا لكل قاعده استثناءات
وانا هنا لا بتكلم على قاعده..
ولا بتكلم على استثناء
دى مجرد ملاحظات
من واقع الحياه
بالصوت والصورة...
تحاول ان تنقلها لكم تخاريف..
من بين الناس..
:)
للاسف وقت حلقتنا خلص..
وبنوعدكم اننا هنكمل تحليل باقى النتيجه
قريب ان شاء الله...
هتنزل على حلقات..


بنشكر كل الناس اللى هنا واللى مش هنا..
و
بس خلاص
سلاموو عليكوو
ومستنين الردود..
وياريت اللى اقرب واحد ليه هو والده..
يشرح لنا تجربته..
....................
ياما فى ناس من العين لازقه وقريبه
لكنها من القلب بعيده بالامياااال
وناس بينك وبينها بلاد تركب الافيال..
لكنك بتسمعها ..بترد الندااا
..
:)



16 comments:

Just a Reader said...

وراكي مذاكرة وامتحانات :)
ya Doc
صحيح انهارده الخميس وبكرة الجمعة بس ده مش معناه ستوديو وفاصل وإعلانات :)))
ربنا معاكي يارب ويوفقك في كل اللي وراكي:)

Rivendell** said...

ومنين يا بلدينا وبلدكوا ايييييييه


احسن ناسسسسس

احم ايه دا هو احنا بقينا لايف

طيب مستنيين

Noony said...

شكلك من رابطة مشجعي شبكة أم نبيل
:)

بس انتي مقولتيش مين أقرب الناس ليكي!؟
:) :)

نوني

تخاريف خاصه! said...

Just a Reader

حضرتك انا لسه مخلصه امتحان الجراحه امبارح..
اخد نفسي شويه عشان استعد للراوند الجديد..
لسه السنه طوييييييييييييييييله...

ربنا يكرمك يارب


Rivendell**
ههههههههههههههه

ماتفوتش لحظه...

نونــــــــــى

لا انا فودافون...
ولسه شاحنه..
:)
وبكره موبينييييل جدا...

اما بالنسبه لاقرب الناس ليا...
فانتظرونا بعد لحظات...
:)

•«ρяoιd»•™ said...

انا جييييييييييييييييت

هتفضلي برضه طول عمرك اسلوبك مالوش حل

بيشدني قوي

و انتي حللتي كل حاجه و مسبتيش حادجه نقولها

بقي كده ينفع ؟

و بعدين تاج ايه اللي جيتي قولتي عليه بقي

فهميني بقي

تحياتي

safa7_karmooz said...

على فكرة انا واحد من اخر عشرة فى التصويت

:D

من امام الملزمة نحيكم

السفاح المقتول

Dr.SEA said...

As usual :)
Simple,clear and great sense of humor :)

Eric Matt said...


:)

Leave her ya Just .. she needs JUST a Rest :))

تحياتي لك من ماناساس البلد

Just a Reader said...

:))))
طيب عشان خاطرك يا جروم آي ويل نوت لييف هير :)
هي أصلا اللي يعرفها مش يقدر يسيبها ما شاء الله:)
بصي يا دوك فعلا كلامك صح في حالة الأب هو ممكن يكون أحب شخص لقلبك بس مش أقرب الناس بس انتي حطيتي ايدك على المشكلة إن الأب بطبيعتة رجل وقوي وملوش في المشاعر ونفسي فعلا الأباء تفهم ده وتقرب من أولادها أكتر .
بس في رأيي مادام الواحد أصلا توصل لكده وعرف إن دي طبيعة الآباء فممكن هو بقى يحاول يغير ويتخطي المشكلة ويبدأ هو بالحوار وإظهار المشاعر والأهتمام بالأب وهو ده البر اللي ربنا أمرنا بيه هتلاقي الأب في المقابل اختلف وبقى عنده مساحة من التعبير عن المشاعر.
الآباء لما بيكبروا بيرجعوا زي الأطفال عايزين الاهتمام والرعاية.
ربنا يكرمهم جميعا ويعينا على برهم.
انا همشي أهو واتمنالك أحلى رست :))

تخاريف خاصه! said...

•«ρяoιd»•™
ربنا يكرمك يا فندم..
بس فى كلام كتير كنت عايزة اسمعه منكوو على الموضوع..يعنى انا ماقلتش كل حاجه...
وبعدين اخر تاجح عندى ده..متمرر لحضرتك بمناسبه العوده الى الاراضى التدوينيه..
:)
تحياتى..


سفاح كرموز...
ربنا معاك يااارب فى الامتحانات وابقى طمنا..
:)

تخاريف خاصه! said...

dr.sea
ربنا يكرمك يا دوك..
:)
بس برضه ماقولتش تحليلك..

تحياتى..


the groom

قولهم بالله عليكي ا جرووم يسيبونى شويه
ده انا لسه قدامى لحد شهر يناير..

منورنى بجد
:))

تخاريف خاصه! said...

ربنا يكرمك..

:)))))))
بجد فرحتينى انت بكلمه اللى يعرفها لايمكن يسيبها دى..
:)
جامده وانثرت فيااا

:D
نتكلم جد بقى..

كلامك ياقمره صح ..
وفعلا الواحد لازم مايخلطش بين المسأله دى..ومسأله الواجب اللى هو بر الوالدين..
لانهم هما ككمان ماتخلوش عن واجبهم..هما بس مش واخدين بالهم..
:))))))))
تحياتى الجامده ليك...
:)

Noony said...

على فكرة..أنا معاكي في تحليلك للموقف
وفي كمان أباء تانيين..بيسييبوا للأم مسؤولية تربية الأولاد وبيكونوا متفقين من الأول بعدم تدخل الأب إلا للضرورة وعشان ميحسلش لبس في طريقة التربية...يعني مثلاً متجيش الأم تعاني مع ابنها طول اليوم في المذاكرة عشان ينام بدري يروخ الأب يقوله"لو خلصت بدري أنا هخرجك" مثلاً يعني
وحاجة زي كدة ممكن تكون من أسباب بعد الأباء عن الأبناء
إلى حد ما

على فكرة أنا عجباني أوي البنوتة اللي انتي حاطاها في البروفايل بتاعك
:)
تحياتي يا دوك شيمو
:)
نوني

emos said...

awel marra 2atfede7 3alany keda

ana elly 2olt 2a2rab el nas leyya baba

howa makansh 2orayeb wala 7aga zaman sara7a w kan bardo shayef nafso el 2ab el shedeed wel kalam dah

kan lamma yerga3 men el sho3'l 2a2ollo ezayak ya baba mayrodesh 3alay walla ka2eny 2a3da
kont sa3etha fe 2e3dady

karart fe yoom en 2a2olha kaza marra 3ashan yesma3 yemken sama3o te2eel walla 7aga

mat3abartesh bardo

ro7t da7'la warah madethosh forsa ye2fel el bab w 2oltelo enta mesh betrod 3alaya leeh wana ba2olak ezayak w kont ha3oddo ta2reban

3'aleban keda el mawdoo3 dah 2assar feh momken da7'lety 3aleh makanetsh motawaka3a wel ragel rage3 nafso?

allah 2a3lam

bs men sa3etha w baba beysalem 3alaya w law mesh mawgoda yedawar 3alaya kaman w ba2et 2ay meshwar yero7o 2alza2lo memma 2adda ela fat7 7ewarat w 2ektashaft fe baba 7agat 3omry makont 2asada2 enaha feh

bs elly ana fehemto en el 2ab mesh bey2arab lewa7do beyb2a 3ayez ye2arab bs welado lazem yeshaga3o 3ala keda

kefaya keda la7sa ha3ayat

narfeztonyyyyyyyyy

أحمد سلامــة said...

جميل قوي والله الكلام اللي كله تخاريف ده
انا طول البرنامج عمال اتصل
بس بيقوللي مرفوع من الخدمة
تقريبا المنتج بتاعكم نسي يدفع الفاتورة
المهم انا بقى حظي وحش اني معرفتش اكلمكم ةعشان كده هرد في صفحة الغلابة دي
الاستفتاء ده يعني ممكن يبقى غير عادل حبتين
رقم 36 قليل قوي عشان نحكم على النتيجه
بس بعد تحليل مزيعتنا الجميل في البرنامج
اعتقد انه لو تضاعف النسب مش هتختلف كتير
تحليل مقنع واعلانات مميزة جدا
بس فين اعلان اتصالات
بتاع وصالييييييييييت
اصلة بقالة ثانيتين و 14 جزء من الثانية مبيجيش
وحشني قوي

تخاريف خاصه! said...

ايموس
:)
ربنا يخليلك والدك يارب..
:)
احمد سلامه..

هو يمكن العدد اللى صوت مش كتير...
بس هى مسااله نسبه وتناسب

لكم منى كل التحيه.
:)