Tuesday, May 22, 2007

تاج يفرح..

ا السلام عليكم يا اهل المدونات الكرام
عاملين ايه..
يارب تكونوا بالف خير..فى الحر ده...
يااالا الحمد لله
التاج ده بقى جالى من العزيزه
rivendell
عجبنى اوى بصراحه ..وقلت لازم ارد عليه...
:)

يااالا نبدأ..باسم الله
احب شخص لقلبك فى الدنيا؟؟؟
أمى الحبيبه..
انسان مستعد تضحى بحياتك_ركز فى كلمه حياتك_عشانه؟؟
ممممممممم
ماما برضه..ماحدش يستاهل كده غيرها هى بس...
انسان كرهته لدرجه الجنون وتمنيت لو تمسك سكينه
وتنقض عليه وتغرزها فى قلبه تقتله
وتقف تبص علىجثته وتشفى غليل قلبك؟؟؟

ايه فيلم الرعب ده...
هو بصراحه فى واحد كده..كان نفسي اعمل فيه كده بس خلاص المسامح كريم
وبجد والله فعلا تغاضيت عن االاذى النفسي اللى سببهولى
وبقيت بشوفه يصعب عليا اساسا...
:)
ما هو اجمل كتاب قراته ومحتفظ بيه حتى الان؟؟
اعط الصباح فرصه..لعبد الوهاب مطاوووع كتاااااااب راااااااائع جدا...
بحبه جدا..وقريته كذا مره وفى كل مره بحس كل كلمه مكتوبه...
:)
اسم كتاب برضه متعلق بيه وبتقراه من فترة لفتره؟؟
هو برضه اعط الصباح فرصه..ولا تحزن للشيخ عائض القرنى..
برضه ده بحس انى ببقى محتاجه
support
من فترة للتانيه...
اهم جهاز منزلى متعلق بيه وبتستخدمه كتير؟؟؟
هو فى غيره الكومبيوتر...
والبوتاجاز..
:)
مكان تحس بالراحه لما تتدخله؟؟
مسجد النور..اللى فى العباسيه..
بحب المكان ده جدا..
شئ تحس بالراحه النفسيه لما تبصله..؟؟
السماااا بالنهار بس...

مكان تحس بيه للحنين الى شئ لا تدرى ماهو
وذكريات جارفه الى لا شئ؟؟؟

مممم
شارع كده ورا مستشفى حسبو..
فيه سنتر كنا بناخد فيه زماان
كل ماعدى من جنبه دلوقت..احس الاحساس ده جدااااا
اجمل مدينه زرتها الى الان فى مصر؟؟
هو فى غيرها
اسكندريه طبعا..
اجمل مكان طبيعى شفته فى مصر؟؟
البحر عند القلعه فى الاسكندريه...
شخصيه كرتونيه بتحبها ؟؟
بحب جيرى جدااااااااااااا جدااااااااااااا
نوع هاتفك المحمول.؟؟؟
نوكياز
3230
سرعه بروسسور جهازك وحجم الذاكره
ومساحه الحاجت الدينيه؟؟؟

فبلاش احراج...
انا يدوب اخرى العب جيمز واكتب شويه حاجات..غير كده....
ابيض يا ورد..
:)
فى سؤال فوته...

اهم هدف واضعه الان لحياتك؟؟؟
ايه السؤال ده...
انا بجد خلاص بطلت مساله الاهداف والكلام ده...
عايزة بس اخلص واتخرج واشتغل واعمل حاجه مفيده...
وبس..
مواصفات فتى احلامك؟؟؟
اهم حاجه ..انه يتقبلنى كده ..كلى على بعضى...
take it all or leave it all

:D
واكيد عشان يكون كده لازم يكون صافى جدا من جوااااااااااااه وراااجل كده...
وده طبعا شئ صعب فى الايام دى بس لسه الامل موجود...
وياخد بأيدى عشان ابتدى انا وهو نعيش الحياه اللى انا بتمناها حياه بقى فعلا بقى زى مابيقولوا كده فى ظل الرحمن...
ربنا يستر بقى...
ادعولى
:)
صف ما يأتى شعورك عندما تسمع كلمه مصر؟؟؟
بتصعب عليا جدا
لما بتسمع كلام عن اليهود..؟؟
بتغاظ...من نفسنا مش منهم
لما بتشوف ظابط شرطه؟؟؟
مممممم عادى يعنى...
احنا مابنخفش...
:D
لما بتشوف الكناس العجوز فى الشارع؟؟
بيبقى فى سؤال واحد فى دماغى...ولاده فين؟؟؟
افكارك اتجاه شاب يلبس جلبيه بيضاء قصيره وعمامه ولحيه وبجيبه سواك وبيده مصحف؟؟
بصراحه انا عن نفسي...بنبسط وبحس انه بصراحه قوى..لانه اكيد قابل هجووم رهيب من كل اللى حواليه ..ومع ذلك هو مصممم على اللى هو شايفه ومريحه..
احساس يراودك فى اشاره مرور مغلقه بسبب مسؤل كبير؟؟
ببقى هتفرس

وبكده يكون التااااج خلص...
وبس اللى عجبه التاج وعايز ياخده ..يتفضله
بالهنا والشفا...

..........................................................
بجد كل ماتفتكرونى ادعولى ..عندى امتحان جراحه كمان اسبوع ..
هو اي نعم عبيط ب 30 درجه بس...
بس برضه ادعولى..
ياالااا
سلامووووو عليكوووو
منشكحه انا واى بعد مارديت ع التاج الحلو ده
:D
ربنا يكرمك يا سها
:)

13 comments:

Eric Matt said...


سلام عليكم ورحمة الله

ما شاء الله انت و ايموس مجاوبين على نفس التاج في نفس الوقت لا و ايه كمان انتم الاتنين بتحبو مسجد النور في العباسية

هي ايه الحكاية؟ بس صحيح المسجد وهمي فعلا ما شاء الله وأحسن حاجة انهم كيفوه من زمان لانه من غير التكييف كان حر و صعب أوي من الزحمة

ربنا يبارك في القائمين عليه ويزيدهم حرصا على الخير وعلى تطويره

ربنا يكرمك يا ستي على اجاباتك الحلوة دي و عجبتني حتة تيييك ايت اوووول اور ليييف ايت اووووول

:)))
:)))
:)))

والبوتاجاز كمان :))

تحياتي لك من ماناساس البلد

Noony said...

اشمعنا البوتوجاز يا شيمو؟
شكلك بتحبي المطبخ..أنا بحب أعك فيه بس لما أبقى لوحدي وبمزاجي
هههه
أنا عمري ما دخلت مسجد النور بالرغم من انه في طريقي لمدة....سنين كتير كدة
:)

ربنا يوفقك يا رب
بدعيلك من غير ما تقولي

سلامات يا جميلة
:)
نوني

Anonymous said...

منكن أخد التاج يا استاذة؟؟
:)

Anonymous said...

قصدي يا دكتورة

تخاريف خاصه! said...

جرووم

انا بحب الجامع ده جدا ...لازق فى الكليه وبحس فيه براحه نفسيه عجيبه...
:)
بس هما تقريبا كيفوا الساحه بتاع الرجاله تحت..ونسيوا ان فى ستتات فوق بيتسلقوا..
مش عارفه بس بتهيألى ما فيش تكيفات فوق..
هبقى اتأكد واقولك..
:)

تحياتى لك من تحت اكوام الجراحه اللى بجد خنتيييييقه..
:)

تخاريف خاصه! said...

نونى الجميله
هقولك ليه البوتاجاز..فى الاجازة ببقى انا المسئوله عن المطبخ يعنى ..فنا اللى بعمل الاكل...
اما فى الدراسه فبيقتصر الموضوع على عمايل العشا وطبعا الاف الاكواب من القهوه والنسكافيه والشاي...
فحياتى بدون بوتاجاز..مش حياه...
:D
وربنا يكرمك يا قمر..

تخاريف خاصه! said...

اما الابن الضال..
اللى زيارته شرفتنى ...
فاى حد عايز يا خد حاجه من هنا يتفضلها...
اتفضل حضرتك خد التاج..
:)

Rivendell** said...

اجاباااتك عسللللل


سعيدة ان انت مبسوطة

ربنا يكرمك يارب ويهونها عليكي

•«ρяoιd»•™ said...

هههههههههههههههه

صباحوا تيجان

اللهم اكثر من تيجانك و ابعدها عني

آمين

ما انا مش راجع عشان اتهري تيجان تاني

كفايه حرام

هههههههههههههه

تحياتي

تخاريف خاصه! said...

وووووووووووووووووووووووووو

proid
رجع يا جدعاااااااااااان

حمد اله ع السلامه يا فندم...
نورت مكانك..
:)
ايه الغيبه دى كلها...
وعقابا ليك هبعتلك التاااااااااج

هو كده..شأت ام ابيت..
:P

تخاريف خاصه! said...

Rivendell*
الجميله...
ربنا يكرمك ...ا
انت اللى زى العسل ...دعواتك بقى
:)

Anonymous said...

سكر يا شيمو..سكررررررر
ربنا يكرمك و يوفقك يا حبيبتى
:)

تخاريف خاصه! said...

ربنا يخليك يا بوبا يا قمر..
:)