Friday, May 18, 2007

انا..هو انا...


السلام عليكم
ازيكم عامللين ايه؟؟

يارب تكونو بخير...
عايزة اسألكم سؤال كده..
بيخطر على بالى كل ما اشوف الصورة دى
ممممممممممم
ياترى...
ما مدى تقبلك للاخر...؟؟؟
يعنى مثلا لو الاخر ده غيرك

وهو اكيد كده

غيرك...

ملامحه غيرك..

صوته غيرك..

اخلاقه غيرك...

رأيه غيرك..

افكاره غيرك...

ميزاته غيرك..

عيوبه غيرك...

هدومه غيرك..

عربيته غيرك...

اكله غيرك...

لعبه غيرك..

كله كده...

كله على بعضه كده ...

غيرك...

هتتقبله ازاى...؟؟؟

هتتجنبه؟؟؟

ولا هتصدم بيه؟؟؟
ولا بقى هتحاول تفرض سيطرتك عليه ..والا لازم يبقى زيك...؟؟؟

ولااااااا بقى..

انت اللى هتحاول تبقى زيه....
؟؟؟

هو يمكن الكلام مش قادر يوصل

ويجيب معنى السؤال الحقيقى اللى عايزة اسأله

بس اللى فهم حاجه يقول

عشان بجد السؤال ده محيرنى انا شخصيا جدااا
ومحسسنى انى

psyco
:)
ودعواتكم بقى لحسن شكلى خلاااااااص
جالى الهوس هوس رسمى...


10 comments:

Rivendell** said...

هو اكيد مش هحاول ابقى زيه
الا اذا اقتنعت باللي بيعمله


هاستغربه ممكن لكن مش هعضه مثلا

يعني كل واحد حر في روحه وانا مالي

لكن هاحتفظ لنفسي بحق الاندهاش
من غير اصدار احكام

حقي برضه

Anonymous said...

من حق كل واحد انه يكون زي ماهو عايز , يعني مش لازم يكون زيي وانا كمان من حقي اني اكون زي ما انا عايزة , وزي ما انا احب اكون كدة المفروض اقبل من غيري انه يكون كدة , وكدة ولا كدة مفيش حد كدة :)
المهم ان مفيش حد زي التاني ولازم الناس تتقبل اختلافاتها وتتعايش مع الاختلافات دي من غير مشاكل ومن غير سيطرة ومن غير ما تتخلي عن شخصياتها الحقيقية

Anonymous said...

اسم الله عليكي من الهوس يا شوشو

بالنسبة للموضوع هو فعلا موضوع مهم

كل انسان من حقه يكون ليه شخصية مستقلة
ليها افكارها ومبادئها وارائها

ولو انا عرفت الشخصية دي...ولقيت انها شخصية كويسة ومحترمة وافكارها كويسة اكيد هقبلها..وممكن اتعلم منها اشياء كويسة..وممكن الشخصية دي تكون قدوتي في شئ ما كويس


لكن في حالة عدم الاتفاق بيني وبين هذه الشخصية في قضية ما..يبقى ياتقنعني يا اقنعك بالحوار الهادف

ولو موصلناش لحل يبقى من حق كل واحد يحتفظ برأيه ومبدأه

والخلاف لا يفسد للود قضية...طالما الخلاف ليس على امور مثل الدين مثلا او الاخلاق اللي المفروض نلتزم بيها

Eric Matt said...


هاهاهاها

مش كفاية خنيقة و كمان سايكو؟

:P

بوست وهمي يا دكتورة شيماء

واجابتي على السؤال هي كالتالي

أنا أعشق الاختلاف و بكره أصلا أصاحب من هو مثلي تماما في كل شيء بالعكس انا أنتيمي كلهم مختلفين عني
وكمان اصحابي العاديين

أنا أعشق الاختلاف

تحياتي لك من ماناساس البلد

تخاريف خاصه! said...

كلامكو جميل جدا

زى ما قالت
Rivendell**
وtweety
كل واحد حر فى روحه...
كلامكو صح جدا...
بس فرضا الاخر اتصرف تصرف انت شايفاه من وجهه نظرك انت انه تصرف غير لائق..وهو اتصرف التصرف ده عادى..هو شايفه عادى من وجهه نظره...
هتتقبلوه عادى..وهتستوعبوا انه هو بيتصرف براحته..عادى..لانه هو كده هى دى شخصيته وهو ده طبعه؟؟؟
ولا هتظهر علامات الدهشه الممزوجه بالارف ومصمصه الشفايف...
ممممممممممم

مش عارفه...

whisper

تفتكرى فعلا الخلاف لا يفسد للود قضيه؟؟؟
انا عن نفسي وبجد بقالى عايشه كتير اهوه
:D
يجى 22 سنه كده..عمرى ما شفت خلاف ما افسدش للود قضيه..
على طول بيفسد...
:D
بجد والله...

بقولك حتى انا نفسي..بستغرب نفسي جدا لما اتحط فى المواقف اللى زى كده..
وبحس بجد انى سايكووو
:)



Groom

اوك انت بتحب الاختلاف..طب بتتعامل مع اصحابك ازاى بقى ساعتها...
قول بجد يمكن الواحد يقدر يتعلم ازاى يقبل الاخر

وبعدين بقى لو سمحت انا مش خنيييييقه
:P

تخاريف خاصه! said...

هحكيلكم موقف مثلا
كنا فى الدرس وكان فى بنتين زمايل لينا قاعدين قدامنا و كل واحده فارده رجلها على الكرسي قدامها..
كأنها ممده ع السرير يعنى...

مع العلم ان كان فى نص الدرس شايفها لانها فى النص..

ساعتها هيبقى ايه موقفك..
هل هتتقبل ان الغير غييير؟؟

مش عارفه..
انا عن نفسي الصراحه منظرها كان مستفزنى جدا...
وكان هاين عاليا انط عليهم وانزلهم رجلهم دى..
بس اكتفيت بمقوله ربنا يهدى..

بس كنت متنرفزة جدا من منظرهم...
وبعدين تراجعت لقيت انها يعنى غيرى..
وده هى شيفاه عادى بالنسبه لها..

اتلخبطت الصراحه

:)
وقيسوا على كده مواقف كتييييييير

ياالا عايزين اراء تانيه...

Noony said...

وعليكم السلام ورحمة الله وبركاته

سؤالك سؤال مليان أسئلة
:)

بصي يا ستي....احنا علينا ان احنا نقتنع أولاً ان مفيش حد زي التاني..في الأحسن وفيه الأسوأ
وكل واحد المفروض يتعامل مع الآخر من المنطلق دة ويتقبله كدة كله على بعضه
ومعنى انه يتقبله يعني ميحاولش يغير منه غير الحاجات اللي فعلاً وحشة إن قدر ومعناها برضه انه ياخد منه الحاجات الكويسة اللي ممكن تكون ناقصاه
والتغير أو ان حد ياخد من غيره اللي يناسبه دي بتبقى مسأله نسبية أكيد
لأن مدى قابلية الناس للتغيير بتبقى نسبية...ولازم تكون نابعة من جوة..عنده النية انه يتغير

الخلاصة
أنا أعرف غيري واتقبله كما هو وأحاول أتعامل مع الوضع زي ما هو وإن مقدرتش يبقى خلاص..احنا اتنين مش متوافقين...وأحاول أقلل من التعامل مع الشخص دة وخلاص
شخصياً...أنا بتغير كتير..فمقدرش أحكم على غيري أنه غيري
أنا طولت..بس يا رب أكون عرفت أوصل حاجة
موضوع بجد جميل
ربنا يكرمك يا رب

:)
نوني

أحمد سلامــة said...

مش شايفه ان الموضوع ابسط من كده
ممكن تقولي ان الانسان السوي مطالب انه يوزن بين كل الحالات دي
مرة ياخد ومرة يدي مرة يصتدم ومره يتجنب مرة ومرة ومرة ........ الخ
وهكذا
اعتق انه صعب على اي انسان انه ياخد حط ثابت في تعاملة مع الانسان الاخر
طرحك للمشكلة هايل
مع اني مش شايف رغم بساطتها حل
لاننا بقينا ببساطه شعب معقد ومكلكع
:|

Eric Matt said...


شوفي يا دكتورة خنقة قصدي شيماء تخاريف :)))

أصل خنقتك حلوة ما شاء الله

شوفي يا ستي و ما سيدك الا انا

أحمد سلامة و نوني جمعي رأيهم على بعض يطلع رأيي

من الأخر أنا بحب اختلاف الاخرين عني لاني بالتأكيد مهما بلغت مساوئ الشخص اللي قدامي بتعلم منه كويس قوي و خصوصا الحاجات الحلوة

تحياتي لكم من ماناساس البلد

تخاريف خاصه! said...

هفكر تانى وابقى اقولكم...