Friday, May 4, 2007

كم تشتكى





السلام عليكم...ازيكم..عاملين ايه..
قولت اريحكم شويه من تخاريفى...
:)

المرة دى جايبلك نشيد بحبه جدا..
دى كلماته...

كم تشتكى وتقول إنك معدمُ
والأرض ملكك والسما والأنجُُمُ...
ولك الحقول ..وزهرها وأريجها
ونسيمها والبلبل المترنم
والماء حولك فضةُرقراقةُ
والشمس فوقك عسجدُ يتضرمُ


والنور يبنى فى السفوح وفى الذره
دورًا مزخرفهً وحيناً يهدم
هشت لك الدنيا فمالك واجما
وتبسمت... فعلام لا تتبسمُ
ان كنت مكتئباً لعزٍ قد مضى
هيهات يرجعه اليك تندمُ


او كنت تشفق من حلول مصيبةِ..
هيهات يمنع ان تحل تجهمُ
او كنت جاوزت الشباب..فلا تقل..
شاخ الزمان فإنه لا يهرمُ..
انظر فمازلت تطل من الثرى
صورُ تكاد لحسنها تتكلمُ..
هى دى تقريبا ابيات لالييا ابو ماضى..
و
النشيد هنا بصوت الرائع احمد ابو خاطر
..
http://www.quran-voice.com/vb/showthread.php?t=7148

بس هو تقريبا لازم تسجلوا ع المنتدى ده..
عشان ترفعوا النشيد..
معلش اصل مش عارفه ارفعه من عندى..
بس هو حلو وهيعجبكو..
وادعولى..
:)

دمتم سالمين

7 comments:

The Groom said...


احلى تخاريف من أحلى خنقة

ماناساس البلد بتمسي عليكي

ايه الخنقة اللي انا فيها دي؟

عموما الأبيات جميلة جدا ومش أول مرة أسمعها أنا درستها زمان وأنا صغير في المدرسة بس جزاك الله خيرا لتذكيرك لنا بها

تحياتي لك من ماناساس البلد

:))))))))
:))))))))
:))))))))

Noony said...

حلوة أوي الأبيات يا دكتور
تسلمي

ومين قال ان احنا متضايقين من تخاريفك؟

امتعينا يا بنتي

خدي بالك من المذاكرة
:)

نوني

Rivendell** said...

صوت احمد بو خاطر قمة قمة في الجمال

Shower-Mirror said...

ازيك يا شيمو
:)

ابيات تحفه و جميله

و صوت ابو خاطر طبعا غنى عن التعليق

عايز اقولك ان عائلة بو خاطر دى عائله كبيره جدا هنا فى الامارات ..

و اخوه صلاح بو خاطر من اشهر قارئى القران فى امارة الشارقه

و هما بيملكوا مدرسه رائعه ...مدرسه دوليه بريطانيه صحيح و لكن اسلاميه فى نفس الوقت و على فكره انشاء الله ابنى هايدخل المدرسه دى السنه اللى جايه
KG2

تحياتى ..و ميرسى على القصيده التحفه

أحمد سلامة said...

انا فاكر اننا اخدنا القصيده دي كنص دراسي واحنا لسه في تالته اعدادي باين
معلش هتناقش في حاجه عكس موضوع القصيده
بس مش معايا انها حاجه تخنق ان قصيده زي دي وبالجمال ده ندرسها في سن زي تالته اعدادي
من غير ما نكون نقدر نستوعب جمالها ورقتها
ولما يجي الوقت اللي ممكن فيه نقدر نفهم ونحس جمال الكلام ده بيكون خلاص عدى الاوان
الدراسه باللاتيني وانسا والاطفال اكلو دماغ الواحد
معلش بقى اصلى محروق حبتين من الموضوع ده
مساهمه جميله منك وربنا يفتح نفسك للدنيا

safa7_karmooz said...

جميلة على فكرة

وعندى الشريط كامل بتاعه..:)

The Groom said...


انت فين يا دوك؟

تحياتي لك من ماناساس البلد
:)))))))
:)))))))