كارهين نفسنا..

امبارح قريت كام بوست كده عن ظابط الشرطه الشرير اللى ضرب مواطن وهتك عرضه ...

اتحكم عليه بكام سنه سجن...تلاته تقريبا.حاجه كده يعنى...

والناس بقى فرحانه ومبسوطه..وكل واحد بيرد

وبيعبر عن كرهه العميق لظباط الشرطه..عشان هما بتوع الحكومه..

واللى يشتم..شتيمه مودرن...واللى يشتم شتيمه جامده...واللى يقولك عشان يتربوا..!!!

ماشي..اوك..هو يستاهل السجن واكتر..

بس يعنى لاهو اول ولا اخرضابط يضرب واحد لمجرد انه دخله القسم..!!

دى أ..ب...ظابط شرطه..!!

الحاجات دى بيتعلموها فى الكليه ..

امال هيقرروا الناس ازاى..ويخلوهم يعترفوا..بباكو شيكولاته وربع جنيه لبان؟؟
!!!

لا عماد الكبير اول ولا اخر واحد هيضرب..

ومش هو ده اللى شغلنى الصراحه..

اللى شغلنى وخلانى افكر واتأزم بجد...

كميه الكره لظباط الشرطه...!!!

وبعدين قلت لا..ظباط الشرطه مش هما بس الفئه المفتريه المكروهه من الناس..
!!!
الدكاتره اكيد برضه مكروهيين..لأنهم ..جزاريين..وبيمصوا دم الناس الغلابه..

ومغليين عالاخر..!!!

المدرسيين طبعا مكروهيين..لانهم بتوع الدروس الخصوصيه..وما ادراك ما فلوس الدروس الخصوصيه..!!


المسئوليين طبعا..طبعا مكروهيين....لانهم تنابله..سايبيين عيالنا تسافر بره يغرقوا..

وهما مقضينها مارينا صيف..شتااا...
!!!

بتوع الجيش كمان مكروهيين..اصلهم واكلينها والعه اوى..!!!!


رجال الدين..بقى يعنى مكروهييين على الاخر...لان كل واحد نمن الناس عايز شيخ على مقاسه...

!!!!

بتوع الميكروباصات ..مكروهين ..لانهم بيمشوا يبرطعوا فى الشوراع..

!!!

السباكيين مكروهيين..لانهم بيستعبطوا ع الاخر..وكل يوم يجوا يصلحوا الحنفيات وبرضه مافيش ميه..

!!!


بتوع الفجل ..مكروهين..من هنا للصبح..لانهم بيبيعوا الربطه بخمسيين قرش

!!!!!

وبجمع السابق ذكره نجد اننا
شعب كــــــــــــــــــــاره نفسه اسااسا...

وماله..

كفايه علينا حب الفنانيين والرقصات ولعيبه الكورة..
!!!!!

فى حياتى..."محمد"!!!

فى حياه كل منا اسماء كثيره..تحمل الكثير والكثير
..بعضها يلمع فى سماء حياتنا..يضيئها..ويضفى اليها لذه..
معنى...
قوة..
لمسه تفاؤليه نادره..
او كل هذااا..
وبعضها نود ان نمسحه..نبتره من حياتنا تماما..فقط كى تستقيم..!!

مابين هؤلاء وهؤلاء

تجد اسم"محمد"...يتجسد فى اشخاص..وتتجسد الاشخاص فى معانٍ..فى حياتى


نبدأها ب
"محمد"..الصادق الامين..فهذا ليس وصفى وحدى له..

بل هو وصف من عاشروه..ورأوه..

او من لم يروه..فلم نعهده الا طيبا..لا يفعل الا طيبا..لا يلفظا الا كلاما طيبا..

ولعل اطيبه..وحى الله الذى اصطفاه ..

وجعله رسول للناااس جميعا..

فحمل الامانه على عاتقه..وتحمل..

فقط كى يساعدنى..ويساعدك..ويساعدنا جميعا..

كى ندخل جنه الرحمن..ونعيش حياه هنيئه..بعون القرأن

صلى الله عليه وسلم..

محمد ..2.. ابن خالى صديق الطفوله المشرده...!!

اتذكره جيدا..عندما كنا صغار..كان يعشق "اللعب فى التراب"..وانا معه بالطبع..

كانت له _ولا زالت_كاريزما خاصه..

فوجهه الصبوح الضحوك..يجذبك اليه من اول وهله..

فقط كى تستلذ باللعب معه..

لكننا _للاسف_كبرنا..واصبح محمد الان فى السنه الرابعه فى كليه الحقوق..

ولكنه لايزال..يحمل_وعن جداره_لقب

اكثر اصدقائى طفوله..

رغم سنه..وسنى..
لكنه استفزنى ..

عندما بدأ ينادينى ب"الدكتورة شيماء"

وكأنه ينبهنى بأننا..فقط كبرنا..


محمد3..المشاعر الاولى..وامتزاج البراءه والخجل..

بالاندفاع والاعجاب..احمل له فى طياتى ذكريات كثيره..

وتفاصيل صغيره..

قد لا يراها هو..لكن يكفينى اننى اراها..

واعلم ان هناك الكثير سيأتى بيننا.فقط..كى يمر كالطيف دوما فى ذاكرتى..



محمد..4..د.محمد..اكثر جيراننا احتراما.._فى نظرى_اتذكر عندما كنت صغيره..

كنت اذهب للمسجد كى احفظ القرأن بعد صلاه العصر..

كنت اراه جالسا بعد الصلاه..فى سكون..كنت اتساءل عن سبب ذلك..

كان ياتى الينا..كى يشجعنا ويحثنا على الحفظ..وتدبر القران..

كنت انظر اليه فى صغرى..والى لحيته الرماديه..ونظارته..

اشعر بجلل شديد فى نفسي..

ولازلت هكذا حتى الان..



محمد 5 ..قدره خارقه على ادخالى فى هيستيريا الضحك..

انه دكتورى العزيز..عندما اراه اضحك..

عندما يتكلم ..اضحك..

عندما يقول تلك الدعابه للمرة الخامسه بعد الاربعيين..
اضحك واضحك..
فلم اتعلم على يديه الجراحه فقط..بل تعلمت الكثير من المصطلحات..
:D
والمعانى..التى ابدا لن انساها..

فرغم انه لا يرانى وسط حشود الطلبه الرهيبه..الا اننى دوما اراه..واضحك..!!


محمد 6..اعذب الاصوات..فلعهد ليس ببعيد.. ..

كان "محمد محمود صالح"او مدحت صالح"

هو اكثر الاصوات اطرابا لاذنى..واكثرها تأثيرا على قلبى..

وبالرغم من توقفى عن السماع العمدى الترصدى للاغانى منذ فتره..

الا ان اغانيه..كلماته..وفوق كل هذا صوته..لا يزال كل هذا عالقا فى اذنى..

يدندن فى خلسه..حينما اكون وحدى..


محمد 7...امنيه عنيده..بدأت تلوح فى الافق..اراها بعيده...

ولكن يقينى بان الخير آت..يجعلها..الاقرب..
:)


واخيرا..
محمد 8..او طاقه لا حدود لها...او كما اسميه انا

.."لا توقف.."
:D
اذكر كيف دخل محمد هذا فى حياتى..

كانت ليله من ليالى رمضان الأُخر فى ليله 28 نوفمبر 2002

..عندما اتتنى هذه الرساله
"مبروك يا ا عمتو ..محمد جه.."
لازلت اتذكر اول لقاء بيننا..


كان نائما فى هدوء..ظللت انظر اليه..

واتحسس شعيراته البنيه الرقيقه..يشبهنى قليلا.

.كم هو جميل..

بل الاجمل على الاطلاق..

رأيت اخى _والده_يحمله بين يديه..

والدموع فى عينيه تنطق بان"محمد" اجمل هديه له فى عيد ميلاده...

لازلت اتذكر فرحه ابى وامى واختى..وعائلتنا كلها....ب"أول حفيد.."

واليوم مرت خمس سنوات الا بضعه ايام..

رأيته يكبركالورده امام عينيي....

تعلمت منه..كيف العب كره القدم وكره السله فى نفس ذات الوقت...!!

تعلمت منه كيف تكون قائدا.._او زعيم عصابه_ عندما رايته يتعامل مع اخيه..واقرانه اولاد اختى..
:D

تأكدت منه ان "جهازى بطئ..جدا..واننى لابد

ان اعطيه الفلاش ميمورى كى ينقل لى فيفا 2007 من على جهازه الخاص..

بدلا من فيفا 2003 ا"الغبيه"دى..
:D

معه..اصبح
Spider Man
هو فتى احلامى..!!

عندما اراه..يتنقى قلبى..وتتبرأ مشاعرى من جديد..


اخيرا... اقول لكل هؤلاء..لولا وجودكم فى حياتى..


لما كتبت هذا البوست الطويل..
:)

يا عزيزى كلــــــنا ساقطيين!!!

الفراشه والمصباح...حدوته من حواديت الاطفال..سمعتها من قبل فى برامج الاطفال الهلاميه..
لكننى اليوم رأيتها رؤى العين...
فراشه صغيره نديه..تدخل من شباك غرفتى..بهرها ضوء ال"لمبه النيون.."
ظلت تدور حول اللمبه..كأانها تغازلها...
ارها تصر على ان تلتصق باللمبه..
فتؤلمها حرارتها..
تبتعد قليلا..
ثم تعاود الاقتراب مره اخرى...
تكررت المحاوله اربع مرات
وانا اتابع نوباتها فى الاقتراب والابتعاد.. فى استغراب شديد...
اخذت اردد"سيبك منها...دى فراشه ساقطه!!"
و"ساقطه"هنا.._عشان ماحدش يفهمنى غلط_هو مصطلح تعلمته من "دكتورى العزيز"
كنايه عن الغباء باصرار..او الاصرار على الغباء.
.!
دقائق..

وانا فى قمه تركيزى فيما كنت اقرأ..فاذا بالفراشه تسقط على الكتاب..!!
انظر اليها..تتألم..تحرك قدميها بشكل عجيب..
اخذت احركها بسن قلمى..كى تطير..
ولكنها لفظت انفاسها الاخيره..
على كتاب الجراحه!!!

سؤال جال بخاطرى..
"كيف يحمى الانسان نفسه من غبائه؟؟!!
فلكل منا مهما كان ذكاؤه ولباقته نقطه غباء..
ولكن هل من الممكن ان تكون "تلك النقطه الغبيه" سببا فى فقدانه اغلى الاشياء..فقدانه حياته؟!
فتلك الفراشه رزقها الله بجناحيين
وعلى الرغم من صغرهما..الا انهما قادران ان يحملاها..من زهره الى زهره..
ومن مكان الى مكان..
فى حريه وانطلاق..دون قيود او حواجز فى ضوء الشمس الكونى....
ومع ذلك..
اصرت على االتصاق ..بتلك "اللمبه النيون المؤلمه"
!!!
.............

بعد وصله من علامات الارف..
حملت الجثه ..
والقيتها فى السله..
وعدت لاقرأ..ماهو اشد" أرفاً".
!!!!

تجربه عمليه فى المنزل..!

حاول ان ترى نفسك..كى يراك من حولك...



-ملحوظه1:يجب عليك ان تنزع اى اقنعه قبل بدأ التجربه..


-ملحوظه2:يمكنك الاستعانه بقليل من الصدق
لتصل لنتائج مرضيه..
..........

Flash Forward 2017!

استيقظت اليوم كعادتى فى السادسه صباحا..
اسرعت الى الشرفه كى ارى نور الشمس الوليد
وهو يضئ الكون كله..ويضفى على لمسه النسيم الجميله..سحراً لا يقاوم...

لم افق الا على صوت المنبه..كانت السادسه والنصف..
فذهبت لايقظ زوجى...
استقبلت عينيه ببسمتى اليوميه..
-صباح الخير قوم بقى..
-صباح النور..هى الساعه كام؟؟
-سته ونص قوم عشان ماتتأخرش...
وقبل ان امضى ..اخرجت تلك الميداليه الرقيقه من جيبى تحمل "لا اله الا الله"
ووضعتها فى يده...
-كل سنه وانت طيب يا حبيبى..
-وانت طيبه يا حبيبتى..الله رااائعه ربنا مايحرمنيش منك..
ظلت يداه تعانق يدى فى رفق زوجى..اراه فى نفسي..اجمل ما فى حياتى...

ذهبت لايقظ ابنى "يحيي"

استيقظ يحيي بعد صراع يومى طويل...

ومضيت انا الى المطبخ كى اعد الافطار...
كم جميل ان تتنسم الصباح كل يوم مع من تحب...

يااالااا بقى تعالو افطروا...

ماما...غمضى عنيك..

ليه..ياسي يحيي؟؟
غمضى بس...
حاضر اهوه...
كل سنه وانت طيبه يا ماما...
ردداها فى اذنى ...
وطبع ابو يحيي قبله رقيقه على خدى..وهو ممسك بيدى كى يدخل ذلك الخاتم الرقيق فى اصبعى...

كم هو رقيق..اقصد "ابو يحيي"طبعا...
:)

تعبت نفسك ليه بس....كان كفايه ورده...
-ورده ايه وانا معايا احلى ورده...
-يااالااا بقى يا بابا عايزة اديها الهديه بتعتى...
-حتى انت يا مفعوص عارف الفالنتين داى...؟؟؟
-طبعا..فالنتينى..فالنتينك..فالنتينااا كلنااا...
اخرج يحيي من جيبه لفافه ملونه براقه..وعليها كارت معطر..يملأ المكان برائحه فواحه..
-كل سنه وانت طيبه يا ماما..
وانت طيب يا حبيبى..
افتحيها بقى...
فتحت هديه يحيي فاذا بهما 2 سامبا زرقا بالكريمه..
اللــــــــــــــــــــــــــــــــــــه...!!
ياحبيبى يا يحيي..
فالجميع يعرف عشقى لها...

ودعتهما من الشرفه..
وجلست على الكمبيوتراتصفح فى ارشيف المدونه
تذكرت هذا التاريخ..

4-11-2007
وتذكرت ذلك البوست "
Flash Forward 2017
ومضيت اكتب نفس البوست بنفس التفاصيل....
اليوم
,لكن العنوان تغير الى..
فالنتينااا كلنااا"
4-11- 2017